Elem 23:21 - Quiché Bible

²¹ Matnajtin che; chanimaj maban awib chi ma ta mawaj ch'abexic che, are' c'o c'u che nu q'uexwäch, we quixmacunic man qui xucuy taj.

Elem 23:21 Referans Kwoze

Salmib 78:56

Ri e are' c'ut xquic'ambejej ri Dios ri c'o chicaj, xquiwalijisaj quib chrij, man xquinimaj ta ri u takanic;

Salmib 78:40

¡Q'ui mul man xeniman ta che ri Dios, xquiya' k'ak'anibal anima' che pa ri chaki'j uwo sak!

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Ri Xuan 10:38

We c'u quinbano, pune' man quixcojon chwe in, chixcojon chque ri nu chac, rech quiwetamaj xukuje' quich'obo chi ri Tataxel c'o pa ri in are c'u ri in in c'o pa ri Tataxel.”

Ri Xuan 10:30

Ri in ruc' ri Tataxel xa uj jun.”

Ri Josue 24:19

Xubij c'ut ri Josue chque: “Ri ix man quixecuin ta che u patanixic ri Ajawaxel, rumal rech chi are' jun Dios tastalic ri man cuban ta etzelal xukuje' achixomanel, ri man quebucoch'o ta ri e i c'ulelanic xukuje' tak ri e i mac.

Elem 3:14

Ri Dios xubij che ri Moises: “IN RI' RI IN. Jewa' cabij na chque ri aj israelib: ‘Ri IN RI' in u takom ulok iwuc'.’ ”

Colosenses 2:9

Rumal rech chi ruc' ri Crist jekel wi ronojel ri u nojiquil ri Dios chi winakil.

Efesios 4:30

Miya' bis che ri Tastalicalaj Ruxlabal re ri Dios, rumal rech chi are iwetal, che u c'utic chi ix rech chic ri Dios c'ä pa ri k'ij aretak kas catz'akat ri i colotajic.

U Camulixic ri Pixab 18:19

Cac'ulmataj c'u na chi ronojel winak ri man cuya' ta u xiquin che ri cubij we k'axal nu tzij ri' pa ri nu bi', ri in quinc'ot na u chi'.

Ajilanic 14:11

xubij c'ut ri Ajawaxel che ri Moises: “¿C'ä jampa' lo cutakej na retzelaxic nu wäch we tinimit ri'? ¿C'ä jampa' lo caquitakej na u queblaxic qui c'u'x chwij, pune' ta c'u ne e nu banom mayibal chquixo'l?

Ri Xuan 5:23

rech conojel nim cäquil wi ri C'ojolaxel jas ri nim cäquil wi ri Tataxel. Apachin ri man nim ta cäril wi ri C'ojolaxel, xukuje' man nim ta cäril wi ri' ri Tataxel ri xtakow ulok.

Ajilanic 14:35

In, ri Ajawaxel, quinjiquiba' u bixic: jewa' ri takalic ri quenbana' che we itzel tinimit ri' ri u walijisam rib chwij. Chupam we chaki'j uwo sak ri' curik wi na ri u sachisaxic u wäch; waral quecäm wi na.”

Elem 32:34

Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

Elem 6:3

Xinc'ut wib chuwäch ri Abraham, ri Isaac, ri Jacob, ruc' ri bi'aj: Dios ri c'o ronojel u cuinem, man xink'alajisaj ta c'u ri kas nu bi' chquiwäch: RI AJAWAXEL.

Apocalipsis 2:23

Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.

Apocalipsis 2:8

“Chatz'ibaj che ri u tako'n re ri comon cojonelab pa Smirn: ‘Ri nabe xukuje' ri q'uisbal, ri xcäm na, c'asal chi c'ut, je xubij wa':

Apocalipsis 1:8

“In ri' ri nabe xukuje' ri q'uisbal,” cächa ri Ajawaxel ri Dios, ri c'olic, ri c'o ulok ojer, ri cäpe c'u na, ri c'o ronojel u cuinem.

Apocalipsis 3:7

“Chatz'ibaj che ri u tako'n ri comon cojonelab pa Piladelp: ‘Ri u tasom rib man quebuban ta etzelal, ri aj kastzij, ri c'o ri u lawe ri David ruc', ri cäjakanic mawi c'u jun cätz'apinic, ri cätz'apinic mawi c'u jun cäjakowic, je cubij wa':

1 Juan 5:16

We c'o jun ri cäril ri rachalal chi cuban jun mac ri man re ta cämical, chubana' ch'awem puwi', cäya' c'u na u c'aslemal ri jun ri cuban jun mac man re ta cämical. C'o mac re cämical. Man quinbij ta c'ut chi cäban ch'awem ruc' Dios puwi' wa'.

Hebreos 3:16

¿Jachin tak ri xquiyac royowal ri Dios pune' xquita' ri u tzij? Are' conojel ri xebesax ulok pa Ejipt rumal ri Moises.

Ri Matey 17:5

C'ä cätajin cätzijon ri Lu', xpe c'u jun sutz' ri cäjuluwic, xebuch'uku. Xtataj c'u jun ch'abal pa ri sutz' ri xubij: “Are lok'alaj nu C'ojol wa', ri cäkaj chnuwäch. Chitatabej ba ri u tzij.”

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Ri Jeremiy 23:6

Pa tak ri u k'ijol, ri Juda cäto'taj na xukuje' ri Israel man c'o ta chi cäyo'w ta chi latz' che. Are c'u u bi' wa ri cäbix na: ‘Ri Ajawaxel are' ka ch'äcanic.’ ”

Ri Jeremiy 5:7

Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 45:6

rech cäquetamaj conojel, ri e c'o pa elebal k'ij xukuje' ri e c'o pa ri u kajebal k'ij, chi man c'o ta chi jun jas ri in. In ri' ri Ajawaxel, man c'o ta chi jun.

Ri Isaiy 42:8

In ri' ri Ajawaxel, are nu bi' wa', man quinya' ta c'olbal chi cäya' ri nu juluwem che ta jachin chi jun mawi chi are ta nim quebil wi ri diosib che nu q'uexwäch in.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Salmib 72:19

tewichital ri u bi' ri nim u k'ij. ¡Ronojel ri uwächulew chnoj che ri u juluwem! ¡Je che'lok!

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

K'atal tak Tzij 13:18

Are c'u ri aj cajala tako'n xubij: “¿Jas che cawaj cawetamaj ri nu bi'? Jun c'utalic wa' ri man etamatal taj.”

Ri Isaiy 9:5

Ri xajäb ri capoc'naj che ri cakan ri ajch'ojab, xukuje' ri atz'iak ri tz'ajtajinak che quic', queporox na, quechajir na rumal ri k'ak'.

Ri Malaquiy 3:1

Ri Ajawaxel ri c'o ronojel u cuinem je cubij wa': “Quintak bic ri nu tako'n rech cusuc'umaj apan ri be. Ri Ajawaxel ri cätajin quixtzucun che, man cäbeytaj ta ri roquic chupam ri rachoch. ¡Opanem cuban ri tako'n re ri c'ulwächinic ri ix eyeninak che!”