Elem 23:13 - Quiché Bible

¹³ Chibana' ronojel ri nu bim chiwe, mawi c'u jumul mätatajic chi quel ulok pa i chi' ri qui bi' ri jule' tak diosib chic.”

Elem 23:13 Referans Kwoze

Ri Josue 23:7

Man quiyuj ta iwib cuc' ri jule' tak winak chic ri c'ä e jekel waral chixo'l. Man quebik'ijilaj ta ri e qui diosib, mawi mebinimaj mawi ne mebinataj man quebinataj ta ri qui bi' tak we diosib ri', mawi miban jun chi'nic ri kas cäban na pa ri qui bi'.

1 Timoteo 4:16

Chawila' awib, xukuje' chawilij ri a tijonic, maya' canok. We caban c'u wa', cacol na awib, xukuje' quebacol ri catquitatabej.

Ri Zacariy 13:2

Pa ronojel we ulew ri' quinsachisaj na qui wäch xukuje' ri qui bi' tak ri diosib, rech man cätakex ta chic qui nataxic. Xukuje' quebenwesaj na chupam ri ulew ri e k'axal tzij xukuje' ronojel tz'ilalaj uxlabal. In, ri Ajawaxel, quinya' ri nu tzij.

U Camulixic ri Pixab 4:9

Rumal ri' sibalaj chixoc il chi mebisach ri jastak pa i jolom ri iwilom, mawi chebel ta pa iwanima'; xane' chebik'alajisaj chquiwäch ri iwalc'ual xukuje' chquiwäch ri u wi' tak i mam.”

Ri Osey 2:17

Quebenwesaj c'u na chquichi' ri e qui bi' tak ri e baal, mawi c'u jumul chenatax ta chi na.

U Camulixic ri Pixab 12:3

Chebiyojij tak ri e qui porobal, chebibana' ch'akatak chque tak ri abaj, chebiporoj c'u tak ri cuta'm ri quequik'ijilaj, chisacha' qui wäch tak ri e qui diosib chebichupisaj pa tak ri c'olbal ri' ri natabal quech.

Hebreos 12:15

Chiwila' c'o jun chiwe muya' can ri tok'ob ri cäban chiwe rumal ri Dios, o muban je ta ne jun c'ayalaj k'ayes ri cuban c'ax chque ri niq'uiaj chic xukuje' quebuchuwirisaj,

Efesios 5:15

Kas chiwila' na jas ri quibano. Miban iwe jas ri man c'o ta qui no'j, xane' chibana' iwe jas ri c'o qui no'j.

Ri Jeremiy 10:11

(Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”

Salmib 16:4

Are c'u ri cäquiterenej diosib caquirik na sibalaj c'ax. ¡Are c'u ri in mawi jumul quinjunaj ta wib cuc' che quicojic ri quiq'uelalaj tak qui tabal tok'ob! ¡Mawi jumul quenatax ta ri e qui bi' cumal ri e nu chi'!

Ri Josue 23:11

Kas ba', chichajij iwib ix, chilok'ok'ej c'ut ri Ajawaxel ri i Dios.

Ri Josue 22:5

Xuwi wa' quintz'onoj chiwe kas chi tz'akatisaj ruc' jicomal ri takomal xukuje' ri pixab ri xuya' ri Moises chiwe, ri pataninel rech ri Ajawaxel, ri u bixic, chi chilok'ok'ej ri Ajawaxel xukuje' i Dios, chi chixbin amak'el pa tak ri u be chebinimaj tak c'ut ri e u takomal, chiterenej c'ut xukuje' chixpatanin che ruc' ronojel ri iwanima' xukuje' ruc' ronojel ri i c'aslibal.”

Efesios 5:12

Q'uixbal c'ut qui tzijoxic ri jastak ri cäquiban ri e are' chi c'uyal.

Salmib 39:1

In nu chi'm u chajixic ri nu c'aslemal, man quinmacun ta c'u ruc' ri wak', xukuje' quincoj jun jic'abal u pa chi'aj pa nu chi' aretak quinuc'ulelaj ri banal etzelal.

U Camulixic ri Pixab 4:15

“Pa ri k'ij aretak ri Ajawaxel xch'aw iwuc' pa u niq'uiajil ri k'ak', puwi' ri juyub Horeb, man c'o ta jun wächbal xiwilo. Rumal ba ri' sibalaj chichajij iwib

Ajilanic 32:38

ri Neb, ri Baal-meon xukuje' ri Sibma, xeq'uex c'u tak ri qui bi' jujun chque xequicoj c'u ri qui bi' chquij ri xebanow qui banic.

Elem 23:24

Matakej u banic awech ri caquiban we tinimit ri'. Matxuqui chquiwäch tak ri e qui diosib, mawi mebak'ijilaj; xane' chasacha' qui wäch ri qui diosib xukuje' tak ri tastalic tak abaj.

Elem 23:32

Muc'ulaj rib a tzij cuc' mawi cuc' ri e qui diosib,

U Camulixic ri Pixab 4:23

Chichajij ba iwib, mäsach pa i jolom ri c'ulwächinic ri u banom ri Ajawaxel ri i Dios iwuc'. Miban jun dios mawi jun wächbal ri e u bim tak ri Ajawaxel chiwe chi man quebiban taj,

U Camulixic ri Pixab 6:1

“E are tak takomal wa', pixab xukuje' tak ri pixab ri e tz'ibatalic, ri in u takom ri Ajawaxel ri i Dios chi quixintijoj che, rech quichaplej qui banic pa ri ulew ri quixoc che rechbexic.