Elem 23:1 - Quiché Bible

¹ “Mebaya' tak k'alajisanic ri xa e banoj tak tzij, mawi majunaj a tzij ruc' ri banal etzelal rech catux k'alajisanel che u to'ic u wi' ri man suq'uil taj.

Elem 23:1 Referans Kwoze

Salmib 101:5

Quintz'apij na u pa qui chi' ri xak chic'uyal queyok'on chque ri qui c'ulja: ¡man utz ta quinwil wi ri cuban nimal, ri cunimarisaj rib!

E C'ambal tak Tzij 19:5

Ri u cawäch k'alajisanel kas curik wi na ri c'äjisabal u wäch; ri banal tzij man quel ta puwi' ri cubano.

Elem 20:16

Mebabij banoj tak tzij che u banic c'ax che ri awajil a tz'akat.

Salmib 35:11

Quewalij itzel tak k'alajisanelab cäquic'ot nu chi' chquij jastak ri man weta'm taj.

U Camulixic ri Pixab 5:20

Mebaban banoj tzij che u banic c'ax che ri awajil a tz'akat.

Aj Levitib 19:16

Mawalijisaj tzijtal chquixo'l ri awinakil. Matuxic jun che u cämisaxic ri awajil a tz'akat. In ri' ri Ajawaxel.

Apocalipsis 12:10

Te c'u ri' xinta' jun nimalaj ch'abal pa ri caj, ri xubij: “Opaninak ri colonic, ri u cuinem ri Dios, xukuje' ri rajawinic. C'o chic ri takanic pa u k'ab ri Crist. Are c'ut ri tzujul quech ri kachalal ri quebutzujuj chuwäch ri ka Dios chi pa k'ij chi chak'ab q'uiakom bic.”

Romanos 3:8

Che c'u wa', ¿jas c'u che man cäkabij: “Chkabana' etzelal rech cäpe utzil?” E c'o jujun winak ri cujquiyok'o, cäquibij chi are wa' ri ka tijonic. Takal c'u chque chi cäc'äjisax na qui wäch.

E C'ambal tak Tzij 19:9

Ri u cawäch k'alajisanel kas curik wi na ri c'äjisabal u wäch; ri banal tzij queyex rumal ri cämical.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

2 Timoteo 3:3

man c'o ta lok'ok'ebal qui c'u'x, man e cuyenelab taj, e bil tak tzijtal, man cäquijic' ta quib, e c'analaj tak winak ri cäquiban qui c'ulel che ri utz,

Efesios 4:25

Rumal ri', miban chi ri banoj tzij, xane' chitzijola' ri kastzij chijujunal cuc' ri e iwajil i tz'akat, rumal rech chi xa' uj jun cuerp.

E C'ambal tak Tzij 24:28

We man c'o rumal, maya' k'alajisanic chrij ri awajil a tz'akat mawi majiquiba' qui bixic ri man e kas ta tzij.

E C'ambal tak Tzij 21:28

Ri u cawäch k'alajisanel cäsachisax na u wäch; jachin c'ut ri reta'm cätatabenic, amak'el cäcuin che u tzelexic wächaj.

E C'ambal tak Tzij 10:18

Quech ri banal tak tzij ri man u k'alajisaxic taj ri oyowaric, xukuje' quech man c'o ta qui no'j ri qui jabuxic tzijtal.

E C'ambal tak Tzij 6:19

ri subunelalaj k'alajisanel xukuje' banal tzij, xukuje' ri cuyac ch'o'j chquixo'l achalaxic.

Salmib 15:3

ri man c'o ta jun rajil u tz'akat cuyok'o, ri man cuban ta c'ax che ri rachil, mawi cäretzelaj u wäch ri u c'ulja;

Aj Levitib 19:11

Mixeläk'ic, miban banoj tak tzij, c'o jun musub ri rajil u tz'akat.

Ri Lucax 19:8

Xtaq'ui' c'u ri Zaquey, xubij che ri Ajawaxel: “Chilampe' la, Wajaw, pa niq'uiaj chque ri jastak we quinya' chque ri mebayib. We c'o c'u weläk'am chque ri winak, quincajmulij na u tzelexic chque.”

Ri Lucax 3:14

Xukuje' ri ajch'ojab xquita' che, xquibij: “E c'u ri uj, ¿jas cäkaban na?” Ri Xuan xutzelej u bix chque: “Miban c'ax che jachin jun. Micoj xe'n ib che reläk'axic qui rajil ri winak. Mibij jalum k'abam chquij. Chixquicot ruc' ri tojbal iwe.”

Ri Matey 19:18

Ri c'ojol ala xubij che: “¿Jachique tak?” Ri Jesus xubij: “Matcämisanic; matkaj pa mac ruc' jun winak chic; mateläk'anic; mayac tzijtal chrij jun winak chic.

Ri Jeremiy 20:10

Quincuinic quintatabej ri qui jasjatem ri winak: “¡C'o xibriquil pa ronojel c'olbal!” Caquibij: “¡Tisaj jo' che u tzujuxic!” Xukuje' ne ri wachil wib cuc' queyem chi quinkaj pa jun c'ambejebal. Je caquibij wa': “Cäraj ne cuya' rib pa subutajem; cäkaj c'u na pa ka k'ab cakaya' c'u na ri rajil u c'axelal che.”

E C'ambal tak Tzij 25:23

Rumal ri quiakik' aj riquiak'ab elebal k'ij cäpe ri jäb, cumal c'ut ri itzel tak ak'aj ri itzel tak palaj.

E C'ambal tak Tzij 25:18

Wi't, ch'ich' re ch'o'j, ch'ab ri tz'imaj u wi', ¡are jewa' ri cuya' jalum k'alajisanic chrij ri rachil ri junam u wäch ruc'!

E C'ambal tak Tzij 19:28

Ri u cawäch k'alajisanel cäretz'bej u wäch ri suq'uilal; ri banal etzelal quebutzak ulok etzelal pa u chi'.

E C'ambal tak Tzij 17:4

Ri banal etzelal xukuje' ri banal tzij caquiya' qui xiquin che ri etzelalaj ak'aj.

E C'ambal tak Tzij 12:17

Ri suc'alaj k'alajisanel cuk'alajisaj ri kastzij; ri u cawäch k'alajisanel quebujiquiba' banoj tak tzij.

Salmib 120:3

¿Jas ta chic ri cacuin ri ak'aj ri banal nimal cuc'amo?

Salmib 27:12

minjach la pa qui k'ab, quiwalijisam c'u quib jalul tak k'alajisanelab chwij, aninak c'u e c'olic.

Ucab Samuel 19:27

Xubana' c'u tzij chwij chwäch la. Are c'u ri lal xak lal junam ruc' jun aj chicajalaj u tako'n ri Dios cuban c'u na jachique ri utz carilo.

Ucab Samuel 16:3

“¿Jawije' c'o wi ri ri' u mam ri awajaw?” xcha' ri ajawinel che. “Canajinak can pa Jerusalen” xcha' ri Sib, “cuchomaj c'ut chi ri aj israelib camic caquitzelej ri ajawibal che ri rech canok ri u mam.”

Elem 23:7

chanajtajisaj awib chquique ri tzujunic ri xa e banoj tak tzij, mawi mak'at tzij chi cäcämisax ri winak ri man c'o ta jubik' u mac, man quink'alajisaj ta c'ut chi ma ta c'o u mac ri c'o u mac.

Ri Xuan 7:51

“¿La cubij lo ri ka pixab chi cäc'okox jun winak, we ma ta nabe cätatabex na ri u tzij, quetamax na jas ri u banom?”

Chapletajic 39:17

Junam c'u u bixic xubij che: “Ri lok'om pataninel aj hebrey ri xacoj ulok pa kachoch, xoc pa ri nu warbal are ta xraj xresaj nu q'uixbal.

E C'ambal tak Tzij 14:5

Ri suc'alaj k'alajisanel man cuban ta tzij; ri u cawäch k'alajisanel quebubij banoj tzij.