Elem 21:29 - Quiché Bible

²⁹ We c'u ri wacax nak'atal chic cätok'inic, cucämisaj c'u jachin jun, cäcämisax na ri wacax ruc' abaj xukuje' ri ajchak'e we reta'm chi tok'onel wi ulok ri u wacax xa c'u man oquinak ta il che u chajixic.

Elem 21:29 Referans Kwoze

Chapletajic 9:5

In quinch'ojij na chque ri winak chquijujunal, xukuje' chque ri awaj chquijujunal, ri i quiq'uel chijujunal. Quinch'ojij na chque ri winak chquijujunal ri u c'aslemal ri rajil u tz'akat.”

Elem 21:28

“We c'o jun wacax cutok' jun achi o jun ixok, we c'u cucämisaj, cäcämisax ri wacax ruc' abaj, mätijow ri u ti'jal, are c'u ri ajchak'e ri wacax man cäc'äjisax ta u wäch.

Elem 21:30

We c'u cäbix che chi cuya' cutor rib ruc' puak rech man cäcämisax taj, rajawaxic cuya' joropa' ri cätok'ix che, che u q'uexwäch ri u c'aslemal.

Elem 21:36

We c'u etamtalic chi tok'onel wi ulok ri wacax, man c'u oquinak ta il ri ajchak'e che u chajixic, cuya' na jun c'aslic wacax che u q'uexwäch ri wacax ri xcämic, cärechbej c'u can ri cäminak wacax.”