Elem 20:5 - Quiché Bible

⁵ Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

Elem 20:5 Referans Kwoze

Ajilanic 14:18

ri banom la. Lal bim la chi man chanim ta coyowar la, chi sibalaj nim ri lok'ok'ebal c'u'x la chi cäsach la macaj che ri etzelal xukuje' ri man nimanic taj, pune' c'u ne man cäya' ta la can ri ajchak'mac chi ma ta cäc'äjisaj la u wäch, xane' cäc'äjisaj la u wäch ri quetzelal ri tataxelab paquiwi' ri alc'ualaxelab, ri i' takmam, ri xiquin tak mam xukuje' ri e calc'ual ri xiquin tak mam.

U Camulixic ri Pixab 5:9

Mapachba' awib chquiwäch mawi mebaya' k'ijilanic chque, in c'ut ri Ajawaxel ri a Dios, Dios achixomanel ri cuc'äjisaj ri quetzelal ri tataxelab ri caquetzelaj nu wäch, paquiwi' ri qui c'ojol, qui' tak qui mam, xukuje' ri e xiquin tak qui mam,

U Camulixic ri Pixab 4:24

rumal rech chi ri Ajawaxel ri i Dios, are' jun Dios achixomanel, jun k'ak' ri cujarisaj ronojel.

Elem 34:14

Mik'ijilaj jule' tak dios chic, rumal rech chi ri Ajawaxel achixomanel. Dios achixomanel ri u bi'.

Ri Josue 24:19

Xubij c'ut ri Josue chque: “Ri ix man quixecuin ta che u patanixic ri Ajawaxel, rumal rech chi are' jun Dios tastalic ri man cuban ta etzelal xukuje' achixomanel, ri man quebucoch'o ta ri e i c'ulelanic xukuje' tak ri e i mac.

Salmib 109:14

Chnataj che ri Ajawaxel ri retzelal ri u tat, mawi jubik' muchup ri u mac ri u nan;

Ri Josue 23:7

Man quiyuj ta iwib cuc' ri jule' tak winak chic ri c'ä e jekel waral chixo'l. Man quebik'ijilaj ta ri e qui diosib, mawi mebinimaj mawi ne mebinataj man quebinataj ta ri qui bi' tak we diosib ri', mawi miban jun chi'nic ri kas cäban na pa ri qui bi'.

U Camulixic ri Pixab 6:15

rumal rech chi ri Ajawaxel ri i Dios ri c'o iwuc', are' jun Dios achixomanel, cuya' c'ut cäpe royowal chiwe cusachisaj c'u i wäch chnimalaj iwonojel.

Ri Nahum 1:2

Ri Ajawaxel are' Dios achixomanel xukuje' ya'l rajil c'axelal: cuya' rajil c'axelal chque ri quec'ulelan che, cäpe c'u royowal chque ri qui banom qui c'ulel che.

Ri Jeremiy 32:18

Ri lal cac'ut la ri lok'ok'ebal c'u'x la c'ä chi jun mil (1,000) ija'lil, xukuje' c'ut cäc'äjisaj la qui wäch ri winak rumal rech ri qui mac tak ri qui tat. ¡Oh nimalaj Dios xukuje' c'o cuinem la, ri bi' la Ajawaxel c'o ronojel u cuinem!

Ajilanic 14:33

ri chupam quejeki' wi na ri e calc'ual jacha' aj yuk'ab cawinak junab. Jewa' caquiban na ri e are' che u tojic ri man i jiquil taj, c'ä quixcäm na ri ix iwonojel waral chupam ri chaki'j uwo sak.

Salmib 79:8

Mäban la chi uj ta cujtojow ri quetzelal ri e ka mam; ¡pet ba ri ch'uch'ujil la chanim che ka to'ic, xa c'u co'l man quel kanima'!

Elem 23:24

Matakej u banic awech ri caquiban we tinimit ri'. Matxuqui chquiwäch tak ri e qui diosib, mawi mebak'ijilaj; xane' chasacha' qui wäch ri qui diosib xukuje' tak ri tastalic tak abaj.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

Romanos 8:7

Ri caquichomaj ri jastak aj winak re mac, cuban u c'ulel che ri Dios. Rumal ri' man cuya' ta rib chuxe' ri u pixab ri Dios, mawi cäcuinic.

Romanos 1:30

Caquibij c'axalaj tak tzij chquij ri niq'uiaj chic, cäquetzelaj u wäch ri Dios. Queyok'onic. Nimak cäquina' quib. Cäquitzijoj quib chi utzalaj tak jastak qui banom. Cäquichomaj itzel tak jastak rech cäquibano. Man cäquinimaj ta ri qui tat qui nan.

Ri Jeremiy 2:9

“Rumal ri', in, ri Ajawaxel, quinjiquiba' u bixic: Quinjekeba' jun c'ulelanic iwuc' xukuje' cuc' ri e u wi' tak i mam.

Ri Isaiy 44:19

Man queboc ta che chomanic, man c'o ta qui chomanic che u ch'obic, cäquibij ta c'ut: “Pa niq'uiaj che ri che' xinnicowisaj pa ri k'ak' ri xinchak'ajisaj wi ri nu wa, xinbol nu ti', xintij c'ut che c'u ri u tz'akatil ri che' ri xcanajic xinban we jasach ri' ri xawebal, ¡are c'u ri cätajin quink'ijilaj xa ch'akap che'!”

Ri Isaiy 44:15

Quepe c'u ri winak cäquicoj che u banic qui k'ak', cäquic'am bic ch'akatak che u mik'saxic quib cäquic'am chi bic niq'uiaj che u chak'ajisaxic ri qui wa, cäquic'am chi bic niq'uiaj che u banic u wächbal jun dios, quexuqui' c'u chuwäch che u k'ijilaxic.

Salmib 81:15

Ri itzel caquil wi ri Ajawaxel quepe na chuwäch, caquimach' quib pa nimalaj xe'n ib, are c'u ri qui c'okotajic canajinak junalic paquiwi'.

Ri Job 5:4

Ri e u c'ojol man c'o ta jachin ta jun queto'wic; pa tak ri k'atbal tzij caban ri man suq'uilal taj chque man c'o ta c'u jachin cato'w ta na qui wi'.

Ucab Ajawinelab 23:26

Pune' c'u ruc' ronojel wa', ri Ajawaxel xutakej oyowaric, c'ä c'o na ri royowal chrij ri Juda cumal conojel ri etzelal ri xyacbex royowal rumal ri Manases.

Ucab Ajawinelab 17:35

Aretak ri Ajawaxel xuban jun c'ulwächinic cuc', xuya' takanic chque: “Mebiya' k'ijilanic chque tak diosib, mawi mimej iwib chquiwäch che qui patanixic.

Nabe Ajawinelab 21:29

“¿La awilom jas ri u mach'ic rib ri Acab u banom chnuwäch? Rumal c'u rech chi u mach'om rib chnuwäch, man quinc'am ta ulok ri etzelal paquiwi' ri rachalal joropa' k'ij cac'asi'c, xane' pa ri u c'aslemal ri u c'ojol.”

Ucab Samuel 21:6

cakaj chi quejach wukub rija'lil pa ka k'ab, quekaxequeba' c'u chuwäch ri Ajawaxel pa Gabaa aj Saul,” ri xcha'ic rumal ri Ajawaxel.

Ucab Samuel 21:1

Pa tak ri u k'ijol ri David xc'oji' jun wi'jal ri xbeytaj oxib junab xutakej rib. Xuta' c'ut ri David che ri Ajawaxel; ri Ajawaxel xutzelej u bixic che: “Ri wi'jal petinak cumal ri cämisanic ri xuban ri Saul e rachil ri rachalaxic, xequicämisaj c'ut ri e aj gabaonib.”

U Camulixic ri Pixab 32:21

Xquiyac ri wächixomanic rumal jun dios ri man dios taj, xinquik'ak'arisaj cumal tak ri qui diosib ri xak e subunelab. Ri in xukuje' quinyac na ri cachixomanic rumal jun tinimit ri man tinimit taj, quinyac na coyowal rumal jun tinimit ri man cäraj ta c'o cuch'obo.

U Camulixic ri Pixab 7:10

Cusach c'u qui wäch ri quebetzelan u wäch, cuya' ri c'äjisabal qui wäch jas ri takal chque. Man cäbeytaj ta che u ya'ic ri c'äjisabal qui wäch ri quebetzelan u wäch.

Aj Levitib 26:29

Quitij na ri qui ti'jal ri e i c'ojol, quitij na ri qui ti'jal ri e i mia'l.

Aj Levitib 26:1

“Mebiban tak i diosib mawi tak wächbal; mebiwalajisaj tastalicalaj tak abaj ri quetzoq'uic; mebimej tak iwib chquiwäch, in c'u ri' ri Ajawaxel ri i Dios.

Aj Levitib 20:5

quinkasaj ri woyowal puwi' ri achi ri', xukuje' paquiwi' ri e c'o pa ri rachoch, quinwesaj c'u ri u bi' chquixo'l ri u winakil, xukuje' je quinban chque ri xemacun junam ruc', xquik'ijilaj c'u ri Moloc.

1 Corintios 10:22

O ¿la cäkayac royowal ri Ajawaxel? ¿La are ta c'u lo c'o na ka chuk'ab uj chuwäch ri are'?

Ri Xuan 15:18

We ri winak aj uwächulew cäquetzelaj i wäch, chiwetamaj chi nabe xquetzelaj nu wäch in.

Ri Xuan 7:7

Ri e aj uwächulew man quecuin taj cäquetzelaj i wäch ix. Cäquetzelaj c'u nu wäch in, rumal rech chi quink'alajisaj jas ri qui banic, chi cäquiban etzelal.

Ri Matey 4:9

Ri itzel xubij che: “Conojel wa' quebenya' chawe we catxuqui' chnuwäch, quinak'ijilaj c'ut.”

Ri Daniel 1:2

Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Ri Ezequiel 8:3

Ri winak xulic' ri je ta ne u banic jun k'abaj xinumich'ej c'u che ri nu wi'. Are' c'ut ri u cuinem ri Dios xinuwalijisaj pa ri quiakik', pa tak c'ut ri c'utwächinic ri xuc'ut ri Dios chnuwäch, xinuc'am bic pa Jerusalen xinuya' chuchi' ri roquibal ri tinimit, ri cäca'y pa ri u mox elebal k'ij, jawije' ri e c'o wi ri diosib ri yacbal royowal ri Ajawaxel.

E C'ambal tak Tzij 8:36

are c'u ri u tasic ib chwij, are ri u ya'ic ri c'aslemal pa sayowem; ¡retzelaxic nu wäch are ri u lok'ok'exic ri cämical!”

Salmib 78:58

Xquiyac royowal cumal tak ri qui porobal ri quequik'ijilaj wi tak diosib; xequik'ijilaj tak ri diosib, xquiyac ri rachixomanic.

Ri Job 21:19

Cäbixic chi ri Dios cubano chi ri e calc'ual e are' quetojow ri qui mac ri qui tat. Kas are' c'ut ri banal etzelal ri rajawaxic cutojo' cusic' c'u u no'j.

Ucab Tzijobelil 25:14

Aretak xtzelej ulok ri Amasiy che qui ch'äquic ri aj Edom, xebuc'am ulok ruc' ri e qui diosib ri aj Seir, xebuban c'u u diosib chque, xebuk'ijilaj xebuporoj c'oc' tak k'ol chquiwäch.

K'atal tak Tzij 2:19

Aretak c'ut cäcäm ri c'amal be, caquixk'olij chi quib jumul, nim na ri etzelal ri cäquibano chuwäch ri xequiban ri e qui tat, quequipatanij, xukuje' quequik'ijilaj jule' tak diosib chic. Man cäquiya' ta can ri itzel tak qui nak'atisabal mawi ri itzel tak qui c'aslemal.

Ri Josue 23:16

we man quitz'akatisaj ri c'ulwächinic ri xuban ri Ajawaxel iwuc'. We quebik'ijilaj c'u tak diosib, quebimeja' ta c'u iwib chquiwäch, ri Ajawaxel coyowar na chiwe, sibalaj c'u chanimquixyubquen na pa we utzalaj ulew ri' ri u yo'm chiwe.”

U Camulixic ri Pixab 32:41

chi aretak quinban u ware ri nu ch'ich' re ch'o'j, ri sibalaj cäjulwic, quinchaplej c'u u k'atic tzij, quinya' na ri rajil u q'uexel chque ri nu c'ulel, quinya' na ri c'äjisabal qui wäch ri cäquetzelaj nu wäch, jas ri takal chque.

Ri Xuan 9:2

Ri e u tijoxelab ri Jesus xquita' che, xquibij: “Ajtij, ¿jachin ri xmacunic, a are' we achi ri', o e are' ri e u tat u nan, chi moy xalaxic?”

U Camulixic ri Pixab 5:10

quebenlok'ok'ej c'u ne na c'ä chu jun mil ija'lil ri quinquilok'ok'ej quequitz'akatisaj c'u qui banic ri e nu takomal.

Nabe Ajawinelab 19:10

Ri are' xutzelej u bixic: “Nu no'm nimalaj achixomanic che la, Ajawaxel, Dios ri c'o ronojel u cuinem, rumal rech chi ri aj israelib qui xutum canok ri c'ulwächinic la xukuje' e qui wulim tak ri porobal ri e ech la, ch'ich' c'ut xequicoj che qui cämisaxic tak ri e k'axal tzij la. Xuwi ri in in canajinak canok, cätajin c'u quintzucuxic che resaxic ri nu c'aslemal.”

Ri Ezequiel 18:19

Ri ix quiban na we c'otoj chi'aj ri', qui bij na: ‘¿Jasche man quebukajbejtaj ri c'ojolaxel ri e u mac ri u tat?’ Rumal rech chi ri c'ojolaxel are xuban ri colomal xukuje' ri suq'uilal, xebutz'akatisaj c'ut xukuje' xebuban ronojel ri caquibij tak ri nu pixab: rumal ri' kastzij cutakej c'aslemal.

Ri Ezequiel 20:7

Xinya' c'u takanic chque chnimalaj conojel chi chquisachisaj qui wäch tak ri e xojibalalaj tak qui diosib maquixk'olij c'u quib cuc' tak ri diosib aj Ejipt, rumal rech chi ri in, ri Ajawaxel, in qui Dios.

Ri Ezequiel 39:25

Rumal ri' in, ri Ajawaxel, quinbij: Camic quel na nu c'u'x che ronojel ri tinimit Israel, ri e rija'lil ri Jacob. Quenbana' chi cuq'uex ri cutaklebej, che u cojic chuk'ab chi chyok u k'ij ri tastalicalaj nu bi'.

Ajilanic 25:11

“Ri Pinees banowinak chi coc'ow ri woyowal chquij ri aj israelib, rumal rech chi ri are' c'o junam achixomanic ruc' je jas ri c'o wuc' in chque. Rumal ri' man nu na yo'm ta wib chi in u c'amom ta bic ri achixomanic man xinq'uis ta c'u u sachixic qui wäch.

Ucab Ajawinelab 5:18

Xuwi quinbochi'j ri Ajawaxel chi chusacha' nu mac che jun jasach: chi aretak ri wajaw ri nim u k'ij cäbe che k'ijilanic chupam ri rachoch ri Rimon, cutok'ej c'u rib che ri nu k'ab, quinxuqui' c'u na chupam we ja ri', chusacha' nu mac ri Ajawaxel che wa'.”

Ucab Ajawinelab 5:27

Rumal c'u rech wa', ri u ch'a'c ri Naaman cusipaj na rib chawe xukuje' chque ri awija'lil amak'el.” Aretak xel bic ri Jiez chuwäch ri Elisey, nojinak che ch'a'c ri sibalaj sak niquinoj jacha' ri sakalaj tew.

Ucab Tzijobelil 7:19

We c'u ri ix quitas iwib chwij, man quebitz'akatisaj ta c'ut ri pixab xukuje' tak ri takomal ri nu yo'm chiwe, xane' quebipatanij xukuje' quebik'ijilaj jule tak diosib chic,

Ri Ezequiel 18:2

“¿Jasche pa Israel xak amak'el cäbix ri c'o pa tzij ri je cubij wa': ‘Ri tataxelab are' quetijow tak ri ch'amalaj tak uva are c'u casalabetaj ri qui ware ri alc'ualaxelab?’

Ri Daniel 3:18

We c'u ne man je cuban chke, kas chetamaj la, chi man quekak'ijilaj taj ri e diosib la mawi quekamej ta kib chuwäch ri u wächbal winak re k'an puak.”