Elem 20:25 - Quiché Bible

²⁵ We c'u re abaj ri porobal quiban chwe mebicoj tzoc'om abaj, aretak c'u qui tzoc' ri abaj ruc' ch'ich' qui ban che chi man takal ta chi che chi coc ta che porobal.

Elem 20:25 Referans Kwoze

Ri Josue 8:31

je jacha' ri takanic ri xuya' ri Moises ri pataninel rech ri Ajawaxel chque ri aj israelib je jacha' ri tz'ibatal chupam ri wuj re ri u pixab ri Moises: “Jun porobal que abaj ri man cätzoc' taj.” E are' c'u ri aj israelib xequichi'j tabal tok'ob ri cächajirisaxic puwi' ri porobal, xequiya' c'u tabal tak tok'ob re utzirisan ib.

Elem 20:24

Chibana' jun porobal re ulew chwe, chebichi'j c'ut chwe puwi', ri e iwawaj quech ri e i tzobaj xukuje' tak wacax jacha' che tabal tok'ob ri cächajirisaxic xukuje' tabal tak tok'ob re utzirisan tak ib. Quinpe' c'u na quixintewichi'j c'u na chquipam ri jujun tak c'olbal ri quinwaj wi chi cänatax ri nu bi'.

Nabe Ajawinelab 6:7

Pa ri u yaquic ri rachoch Dios xecoj abaj ri tz'akat qui tzoq'uic, jeri' chi aretak xchap u yaquic man xetataj ta pa ri rachoch Dios mawi bajibal mawi tak tzoq'uibal mawi jun chacubal chic re ch'ich'.

Ri Ezequiel 40:42

Ri quiejeb mexa ri cajwataj chque ri awaj ri queporoxic e re abaj ri e esam pa ri juyub; jun bara' qui rabic jun bara' qui wäch, quieb k'abaj ruc' niq'uiaj k'abaj cak'anibem, paquiwi' tak wa' queya' wi tak ri ti'j que tak ri sipanic. Chupam ri ja, c'o jun tanatob pa ronojel ri u pam ri ja, man tz'akat ta niq'uiaj k'abaj u wäch, ri queya' wi tak ri sipanic re c'äj xukuje' tak ri chaconisan ri que cämisabex ri awaj ri quechajirisaxic.

Elem 24:4

Ri Moises xutz'ibaj ronojel ri tzij ri xubij ri Ajawaxel che, sibalaj c'u ak'ab xwalij chucab k'ij, xuyac jun porobal chuxe' ri juyub, xebucoj cablajuj (12) tastalic tak abaj, jun che u q'uexwäch jujun ramak' re Israel.