Elem 20:2 - Quiché Bible

² “In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 20:2 Referans Kwoze

U Camulixic ri Pixab 5:6

‘In ri Ajawaxel ri a Dios ri xatesan ulok pa Ejipt, ri at uxinak wi lok'om pataninel.

Ri Osey 13:4

Je cubij wa' ri Ajawaxel: “In, ri Ajawaxel, in ri a Dios kas aretak xatjeki' pa Ejipt: Mac'amowaj chi jun che a Dios xane' xak xuwi ri in, xuwi c'ut ri in in a colonel.

Aj Levitib 26:13

In ri' ri Ajawaxel ri i Dios, ri xixinwesaj ulok pa ri qui tinimit ri aj ejiptib rech man quitakej iwuxic qui lok'om pataninelab, in xinwesaj ri eka'bal ri cojom piwi', xinwalijisaj ri i jolom rech jicom chic quixbinic.”

Salmib 81:10

In ri' ri Ajawaxel, ri a Dios, ri xatesan ulok pa Ejipt; chajaka' ri a chi', catinnojisaj c'u na.

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Aj Levitib 19:36

Tz'akat tak pajbal, tz'akat tak pajanic, xukuje' tz'akat tak etabal quicojo. In ri' ri Ajawaxel ri i Dios, ri xixinwesaj ulok pa Ejipt.

U Camulixic ri Pixab 7:8

Ri Ajawaxel xixresaj ulok pa Ejipt, jawije' xixc'oji' wi na che lok'om pataninelab lok'om, ruc' c'u nimalaj cuinem xixresaj ulok pa u k'ab ri ajawinel re Ejipt, ix c'u lok' chuwäch, kas c'u je xubano jas ri xuchi'j chque ri e i mam.

U Camulixic ri Pixab 5:15

Chnataj chawe chi xatc'oji' na che lok'om pataninel pa Ejipt, are c'u ri Ajawaxel ri a Dios xatresaj ulok chila' ruc' nimalaj chuk'ab. Rumal c'u ri' ri Ajawaxel ri a Dios catutako chi man catchacun ta pa ri k'ij re uxlanem.

Aj Levitib 23:43

rech conojel ri e awija'lil caquetamaj chi, aretak ri in xebenwesaj ulok ri aj israelib pa Ejipt, xinban chque chi xejeki' pa tak cäbal. In ri' ri Ajawaxel ri qui Dios.

U Camulixic ri Pixab 15:15

Mäsach pa a jolom chi ri at xukuje' xatux can lok'om pataninel lok'om pa Ejipt, are c'u ri Ajawaxel ri a Dios xyo'w ri a tzopitajem. Rumal ri' quinya' we takanic ri' chawe camic.

U Camulixic ri Pixab 13:10

Chabujij che abaj c'ä cäcäm na, rumal rech chi are ta xraj xatutas can chrij ri Ajawaxel ri a Dios ri xatesan ulok pa Ejipt, ri at c'o wi che lok'om pataninel.

Aj Levitib 26:1

“Mebiban tak i diosib mawi tak wächbal; mebiwalajisaj tastalicalaj tak abaj ri quetzoq'uic; mebimej tak iwib chquiwäch, in c'u ri' ri Ajawaxel ri i Dios.

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

Salmib 50:7

“¡Chatampe', nu tinimit, Israel; quebenya' ri jastak chisak chawäch! ¡In Dios, ri a Dios!

Romanos 10:12

Man c'o ta c'u jalbem ib chquixo'l ri aj judeyib cuc' ri man aj judeyib taj, kas are' c'u ri Ajawaxel are' Cajaw conojel, cäyan c'u ruc' telechinic chque conojel ri quek'ijilan che.

Romanos 3:29

Ri Dios, ¿la xuwi lo Dios chque ri aj judeyib? ¿La ma ta xukuje' chque ri man aj judeyib taj? Kastzij chi are Dios chque conojel ri nimak tak tinimit,

Ri Jeremiy 31:1

Ri Ajawaxel cujiquiba' u bixic: “Pa ri k'ijol ri' in quinux na qui Dios conojel ri amak' re ri Israel, e are' c'ut ri e are' quebux na nu tinimit.”

Ucab Tzijobelil 28:5

Rumal c'u rech wa', ri Ajawaxel ri u Dios xujach pa u k'ab ri ajawinel re Siriy, xch'äc c'u cumal ri aj siriyab q'ui winak xequiyut bic xequic'am bic pa Damasc. Xukuje' xujach ri Ajawaxel pa u k'ab ri ajawinel re Israel, ri xuban jun nimalaj ch'äcanic puwi'.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 15:13

Ruc' ri lok'ok'ebal c'u'x la cätajin cäc'am la u be we tinimit ri' ri xcol la; ruc' ri cuinem la cac'am la bic pa ri tastalicalaj achoch la.

Elem 15:16

Oh, Ajawaxel, chquina' quib, chkaj xe'n ib paquiwi'. Checanaj canok jacha' ri abaj rumal ri u chuk'ab ri k'ab la, c'ä coc'ow na ri tinimit la.

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

Elem 20:1

Ri Dios xch'awic, xebubij c'ut conojel tak we tzij ri':

Elem 29:46

Jeri' cäquich'ob na chi in ri' ri Ajawaxel ri qui Dios, ri xebesan ulok pa Ejipt, rech quinc'oji' chquixo'l. In ri' ri Ajawaxel ri qui Dios.”

Aj Levitib 11:45

In ri' ri Ajawaxel ri xixinwesaj ulok pa Ejipt rech quinux i Dios: rumal ri' rajawaxic quixux tastalic, ri in man quinban ta etzelal, in c'u tastalic in.”

K'atal tak Tzij 2:1

Ri aj cajalaj tako'n ri Ajawaxel xpaki' ulok pa Jilgal xopan pa Boquim, xubij c'u chque ri aj israelib: “In xixinwesaj ulok pa Ejipt xixinc'am ulok pa we ulew ri' ri xinbij chi quinya' chque ri e i mam aretak xinbij chque: ‘Mawi jumul quinyojij ri nu c'ulwächinic iwuc',

Ri Isaiy 43:3

In c'ut ri Awajaw, ri a Colonel, ri Tastalicalaj u Dios ri Israel. In at nu lok'om; Ri nu lok'obem awech are' ri Ejipt, ri Etiopiy xukuje' ri Seba e are nu lok'obem awech,

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ri Jeremiy 16:14

In, ri Ajawaxel quinjiquiba' u bixic, cäpe c'u na jun k'ijol ri man cäquiban ta chic ri chi'nic ri kas cäban na, man cäquibij ta chic: ‘Rumal ri u c'aslemal ri Ajawaxel, ri xebesan ulok ri aj israelib pa Ejipt’,

Ri Jeremiy 34:13

“In, ri Ajawaxel, ri u Dios ri Israel, xinban jun c'ulwächinic cuc' ri e i mam aretak xebenwesaj ulok pa Ejipt, ri xepatanij wi jacha' lok'om pataninelab. Xinya' takanic chque

Ri Ezequiel 20:7

Xinya' c'u takanic chque chnimalaj conojel chi chquisachisaj qui wäch tak ri e xojibalalaj tak qui diosib maquixk'olij c'u quib cuc' tak ri diosib aj Ejipt, rumal rech chi ri in, ri Ajawaxel, in qui Dios.

Ri Ezequiel 20:19

Xinbij chque: In ri' ri Ajawaxel ri i Dios. Chebitz'akatisaj qui banic tak ri nu pixab jas ri tz'ibatalic xukuje' tak ri takanic ri e nu yo'm qui bixic,

Ri Amos 2:10

Are c'u ri ix xixinwesaj ulok pa Ejipt, cawinak junab c'ut xinc'am i be pa ri chaki'j uwo sak che u ya'ic ri culew chiwe.

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Aj Levitib 25:38

In ri' ri Ajawaxel ri i Dios, ri xixinwesaj ulok pa Ejipt, che u ya'ic ri ulew re Canaan chiwe xukuje' rech c'u quinux i Dios.

Aj Levitib 25:42

E pataninel c'u tak wech xebenwesaj ulok pa Ejipt; man cuya' taj quec'ayixic e jacha' ta ne lok'om pataninelab.

Aj Levitib 25:55

E pataninel tak wech c'ut ri aj israelib, e pataninel tak wech ri xebenwesaj ulok pa Ejipt. In ri' ri Ajawaxel ri qui Dios.”

U Camulixic ri Pixab 20:1

“We aretak quixel bic che u banic ch'o'j chquij ri i c'ulel, quiwilo chi e c'o q'ui qui quiej, xukuje' qui carwaj re ch'o'j, xukuje' quiwilo chi e q'ui na ri cajch'ojab chquiwäch ri iwech ix, mixe'j iwib chquiwäch, are c'u ri ix c'o ri Ajawaxel ri i Dios iwuc', ri xixesan ulok pa Ejipt.

K'atal tak Tzij 6:10

Xinbij c'u chiwe chi in ri' ri Ajawaxel ri i Dios, chi mixe'j iwib chquiwäch ri e qui diosib ri aj amoreyib ri ix ix c'o pa ri culew camic; man xinimaj ta c'ut ri xinbij chiwe.’ ”

Nabe Ajawinelab 18:39

Aretak xilitaj wa', conojel ri winak xquimej quib c'ä xquiya' na ri qui palaj cho ri ulew, xquibij c'ut: “¡Ri Ajawaxel are' ri Dios, ri Ajawaxel are' ri Dios!”

Ucab Ajawinelab 17:7

Xbantaj we c'ulmatajic rumal rech chi ri aj israelib e macuninak chuwäch ri Ajawaxel ri qui Dios, ri xebesan ulok pa Ejipt xeresaj c'u chuxe' ri u takanic ri paraon, ajawinel re Ejipt, xequik'ijilaj c'u tak diosib

Ucab Ajawinelab 17:12

Xequik'ijilaj tak diosib, ri bim chque rumal ri Ajawaxel chi man cuya' taj cäquibano.

Salmib 81:7

Xinasiq'uij aretak at c'o pa bis, xatinto' c'ut; xatinch'abej ulok pa ri sutz' ri cätililic; xatinc'ambejej chuchi' ri ja' re Merib.

Salmib 81:11

Are c'u ri nu tinimit man xraj ta xinutatabej; ¡ri Israel man xraj taj xinunimaj!

Ri Ezequiel 20:5

Chabij chque: ‘Are wa' ri cubij ri Ajawaxel: Aretak xincha' ri Israel, xinban jun chi'nic ri kas cäban na, xincha' chque ri quija'lil, xinc'ut c'u wib chquiwäch pa Ejipt. Nimalaj u banic we chi'nic ri' ri kas cäban na ri', xincha' chque: In ri' ri Ajawaxel.

Ri Osey 12:10

In xebentzijobej ri e k'axal tak nu tzij xeben q'uiyirisaj ri e cajilabal ri e qui c'utwächinic, cumal tak wa' xebenbij c'ambal tak no'j.