Jewa' cubij ri pixab: “Matkaj pa mac cuc' niq'uiaj chic, matcämisanic, mateläk'anic. Marayij qui wäch jastak ri man awech taj.” Chupam we tzij ri' c'o wi ri kas u nimal ronojel ri pixab: “Chalok'ok'ej ri awajil a tz'akat jacha' ri at chbil awib.”
Ri c'ojol ala xubij che: “¿Jachique tak?” Ri Jesus xubij: “Matcämisanic; matkaj pa mac ruc' jun winak chic; mateläk'anic; mayac tzijtal chrij jun winak chic.
mawi ri eläk'omab, mawi ri cäquirayij ri jastak que niq'uiaj winak chic, mawi ri quek'abaric, mawi ri queyok'onic, mawi ri cäquimaj jastak que niq'uiaj winak chic, conojel wa' man cäquechbej ta ri rajawibal ri Dios.
Xubij wa', man rumal ta rech chi coc il chque ri mebayib, xane' rumal rech chi eläk'om. Ruc' c'u ri are' c'o wi ri c'olbal puak, nak'atal c'ut cäreläk'aj ri cäya' chupam.
We cäriktaj jun aj israel cätajin cäreläk'aj bic jun u winakil rech cucoj che u lok'om pataninel rech o cuc'ayij bic, cätak u cämisaxic, rech cäq'uis u wäch ri etzelal ri c'o chixo'l.
C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.
E ajtijab che u banic ri lawaloyil; ri nimak qui k'ij quequitok'ij tak sipanic chque tak ri winak, ri k'atal tak tzij cäban na u pa qui k'ab che u banic k'atan tzij, ri e c'o qui cuinem caquibano jachique ri cäkaj chquiwäch caquetzelaj c'ut ri tinimit.
Are wa' ri u bim ri Ajawaxel: “Ri e are' man queta'm taj u banic ri suq'uilal; quequic'ol chquipam tak ri nimak tak cachoch ri cäqueläkaj ruc' tokinic.”
Chupam c'ut ri anima' quebel wi ulok ri itzel tak chomanic, cäcämisanic, ri kajic pa mac ruc' jun winak chic, ri cuc'axic quib cuc' achijab ixokib che qui banic macunic, eläk'anic, jalum k'alajisanic, yok'onic.