Elem 20:10 - Quiché Bible

¹⁰ are c'u ri uwuk k'ij re uxlanem ri tasom che ri Ajawaxel ri a Dios. C'o jun chac maban chupam we k'ij ri', mawi ri a c'ojol mawi ri a mia'l, mawi ri a pataninel lok'om, achi o ixok, mawi tak ri e awawaj, mawi ri man a winakil taj ri jekel chupam ri a wachoch.

Elem 20:10 Referans Kwoze

Elem 34:21

Wakib k'ij chixchacunok, pa ri uwuk k'ij chixuxlanok, pune' pa u k'ijol ticonijic o pa u k'ijol k'atoj.

Ri Lucax 23:56

Aretak xetzelej ulok, xequisuc'umaj tak c'oc'al xukuje' c'oc'alaj tak cunabal. Xebuxlan c'u pa ri k'ij re uxlanem, jas ri cubij ri pixab.

Ri Nehemiy 10:31

Aretak c'u chepe ri winak ri e re jun ulew chic pa ri k'ij re uxlanem che qui c'ayixic ri jastak ri tijic quij xukuje' niq'uiaj c'ayij chic, man c'o ta jas ri cakalok' ta na chque, mawi pa ri k'ij re uxlanem mawi pa apachique chi k'ij re nimak'ij; xukuje' ne, pa ri uwuk junab quekak'ila' kib che u tiquic ri ulew xukuje' quekasach tak ri c'asaj.

Elem 31:13

“Kas at chattzijon cuc' ri aj israelib, chabij wa' chque: Ri ix, nim chebiwila' wi ri e nu k'ij re uxlanem, jun etal c'u wa' ri jekebam chnuxo'l iwuc' in che tak ri k'ij junab, rech quetamatajic chi in, ri Ajawaxel ri xixincha'o'.

Elem 16:26

Wakib k'ij cuya' quimol ri jaswa', pa ri uwuk k'ij man c'o ta jas c'olic are c'u k'ij wa' re uxlanem.”

Elem 35:2

Wakib k'ij cuya' cäban chac, are c'u ri uwuk k'ij are jun tastalicalaj k'ij wa' chiwe re tz'akatalaj uxlanem che u ya'ic u k'ij ri Ajawaxel. Apachin c'u ri cächacun pa we k'ij ri', cäcämisaxic.

Aj Levitib 23:3

Wakib k'ij catchacun, are c'u ri uwuk k'ij; man ya'tal taj jun chac, are jun k'ij ri nim u banic re uxlanem c'o c'u na jun mulin ib. We k'ij ri cux na k'ij re uxlanem che u ya'ic u k'ij ri Ajawaxel.

Ri Ezequiel 14:7

We jun aj israel o jun apachique winak ri jekel pa Israel cutas rib chwij kas cujach c'u rib che qui k'ijilaxic tak ri e diosib, cucoj c'ut ri u bak'wäch che ri cäbanow che chi cämacunic, cäbextax c'u ruc' jun k'axal tzij che u tz'onoxic u no'j chwe, kas in quintzelen na u wäch ri cutz'onoj: