Elem 2:5 - Quiché Bible

⁵ Xkaj c'u apan ri u mia'l ri ajawinel ri paraon che atinem chuchi' ri nima' Nil; cätajin quewacat apan ri alitomab ri pataninel tak rech chuchi' ri nima' aretak xril apan ri chicäch ri c'o chquixo'l tak ri aj. Xutak bic jun ali, ri pataninel rech xubij che chi cuc'ama' ulok ri chicäch.

Elem 2:5 Referans Kwoze

Hechos 7:21

Aretak c'ut q'uiaktajinak chi canok, ri u mia'l ri ajawinel paraon xuyaco, xuq'uiyisaj, xuban ral che.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

Salmib 9:9

Ri Ajawaxel quebuch'uk ri cäquirik c'ax, ri are' quebuch'uk pa tak ri k'ijol re elebal ch'u'j.

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Elem 8:20

Ri Ajawaxel xubij che ri Moises: “Ri ajawinel ak'ab cäbe chuchi' ri nima', rumal ri' chatwalij ak'ab, catbe che u bixic che: ‘Jewa' u bim ri Ajawaxel: Chatzokopij bic ri nu tinimit rech cäbe che nu k'ijilaxic.

Elem 7:15

Chwek ak'ab catbe che rilic, aretak cäkaj bic chuchi' ri nima'. Chaweyej chila', chac'ama' bic ri ch'ämiy ri xjalwächitaj pa cumätz.

E C'ambal tak Tzij 21:1

Ri u chomabal ri ajawinel pa u k'ab ri Ajawaxel. Cätakenic e jacha' tak ri nima', ri be ri craj ri Ajawaxel.

Salmib 76:10

Ri royowal ri winak caq'uextaj che yabal k'ij la, xukuje' ne ri xa jubik' royowal caq'uextaj pa corona la.

Nabe Ajawinelab 17:6

E are' tak c'ut ri joj quequic'am bic caxlanwa xukuje' ti'j che ak'abil xukuje' pa ri xk'ekal. Ri are' caruq'uiaj rech ri alaj nima'.

Ri Jonas 1:17

Are' c'u ri Ajawaxel xutak ulok jun nimalaj cär che u bik'ic ri Jonas. Xcanaj c'u oxib k'ij oxib ak'ab ri Jonas chupam ri cär.

Ri Jonas 2:10

Are' c'u ri Ajawaxel xubano chi ri cär xuxawaj can ri Jonas cho cowilaj ulew.

Elem 2:6

Aretak xujak ri chicäch, c'äte xrilo c'o jun ac'al chupam ri cätajin cok'ic, ri u mia'l ri ajawinel xel u c'u'x che, xubij c'ut: “Calc'ual ri aj hebreyib wa'.”