Elem 2:21 - Quiché Bible

²¹ Jeri' ri Moises xunimaj chi cajeki' pa rachoch ri Reuel. Ri Reuel xuya' c'u na jun u mia'l ri Sepor u bi' che rixokil,

Elem 2:21 Referans Kwoze

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Santiago 1:10

Are c'ut ri k'inom rajawaxic chi cuna' rib chi utz c'olic we camach'irisax rumal ri Dios. Ri k'inom xak junam ruc' ri u cotz'ijal ri k'ayes ri man cäbeytaj taj.

Hebreos 11:25

Xane' xucha' ri u rikic c'ax junam cuc' ri winak re ri u tinimit ri Dios, chuwäch ri u rikic quicotemal pa ri mac, ri xak rech quieb oxib k'ij.

1 Timoteo 6:6

Nim c'ut ri cuch'äc jun we cäniman che ri Dios xukuje' cäquicot che ri c'o ruc'.

Elem 2:10

Aretak xnimar ri ac'al, xuc'am bic xujacha' can pa u k'ab ri u mia'l ri ajawinel, ri u mia'l ri ajawinel xuban ral che, xucoj c'u Moises che u bi', xubij c'ut: “In xinwesaj chupam ri ja'.”

Ajilanic 12:1

Ri Mariy xukuje' ri Aaron xquichaplej u yok'ic ri Moises, rumal rech chi xc'uli' wa' ruc' jun ixok k'ek'.

Hechos 7:29

Ri Moises, aretak xuta' we tzij ri', xanimajic, xk'ax pa Madian, xc'oji' chila', man u tinimit ta c'ut, xec'oji' c'u quieb u c'ojol.

Elem 2:20

Ri Reuel xubij chque ri u mia'l: “¿Jawije' c'o wi we achi ri'? ¿Jasche xiya' can chila'? ¡Jisiq'uij ulok rech cäpe che u tijic u wa kuc'!”

Elem 4:18

Ri Moises xbe cho rachoch ri Jetro ri u tat ri rixokil, xubij c'u che: “Rajawaxic quintzelej pa Ejipt, jawije' e c'o wi ri nu winakil. Quinwaj quinwetamaj we c'ä e c'aslic.” “Jät ba', chawila' awib pa ri be,” xcha' ri Jetro che ri Moises.

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Ajilanic 10:29

Ri u tat ri Hobab are' ri Reuel aj Madian. C'o jun k'ij ri Moises xubij che ri baluc Hobab: “Ri uj cujbe pa ri ulew ri u chi'm ri Ajawaxel chi cuya' chke. Tasaj kuc' cakaban c'u na utzil chawe, ri Ajawaxel u chi'm chi cuban na utzil che ri Israel.”