Elem 2:15 - Quiché Bible

¹⁵ Ri ajawinel aretak xretamaj chi ri Moises xucämisaj jun achi aj ejipt, xtakan che u tzucuxic ri Moises rech cucämisaj, xanimaj c'u bic ri Moises chuwäch ri ajawinel, xejekel pa Madian, chila' xt'uyi wi chunakaj jun c'ua'.

Elem 2:15 Referans Kwoze

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.

Hechos 7:29

Ri Moises, aretak xuta' we tzij ri', xanimajic, xk'ax pa Madian, xc'oji' chila', man u tinimit ta c'ut, xec'oji' c'u quieb u c'ojol.

Chapletajic 24:11

Xa jubik' man coc ak'ab. Aretak xopan ri pataninel chrij ri tinimit, are jok'otaj wa' ri quebel ulok ri alitomab che u c'amic qui ja'. Ri pataninel xeruxlanisaj ri camey chunakaj jun c'ua' ri c'o wi ja'.

Chapletajic 29:2

Xurika' jun c'ua' pa ri juyub, chunakaj ri c'ua' e c'o oxmulaj chij ri cätajin quebuxlanic, chila' c'u cäquitij wi qui joron ri awaj. Cojom jun nimalaj abaj che ch'ukubal u wi' ri c'ua',

Ri Xuan 4:6

Chila' c'o wi ri u c'ua' ri Jacob. Cosinak ri Jesus che ri be, rumal wa' xt'uyi' chuchi' ri c'ua'. Chunakaj ri tiquil k'ij.

Ri Matey 10:23

Aretak quixokatax pa jun tinimit, chixanimajok, jix pa ri jun tinimit chic. Kastzij c'ut quinbij chiwe, chi c'ä maja' quebisolij conojel tak ri tinimit re Israel, aretak cäpe ri Rija'l winak.

E C'ambal tak Tzij 22:3

Ri utz cachomanic cäril ri sayowem quel c'u chuwäch; ri man utz ta cächomanic catakenic cucoch' c'u ri c'ax.

Elem 4:19

Aretak c'ä c'o ri Moises pa Madian, ri Ajawaxel xubij che: “Chattzelej pa Ejipt, e cäminak chi c'u conojel ri xquirayij a cämisaxic.”

Chapletajic 25:4

Ri e u c'ojol ri Madian e are ri Epa, ri Eper, ri Hanoc, ri Abid, ri Eld. Conojel wa' e rija'lil ri Setura.

Chapletajic 25:2

Ri e u c'ojol ri Abraham ruc' ri ixok ri', e are wa': ri Zimram, ri Jocsan, ri Medan, ri Madian, ri Isbac, ri Sua.

Elem 18:4

Eliezer u bi' ri jun chic rumal rech chi xubij: “Ri u Dios ri nu tat xpe che nu to'ic, xinuto' chuwäch ri u ch'ich' re ch'o'j ri ajawinel ri paraon.”

Nabe Ajawinelab 11:18

Xebel bic pa Madian xebopan pa Paran, ri xequic'am wi jujun achijab che pataninel tak quech. Xebopan pa Ejipt xquik'alajisaj quib chuwäch paraon, ajawinel re Ejipt, ri paraon xuya' cachoch xukuje' qui wa, xukuje' xusipaj c'u culew.

Ri Habacuc 3:7

In e wilom ri winak re Cusan e bik'itajinak chupam ri quiäkasakilal, xukuje' tak ri winak re Madian qui mojcolim tak quib rumal xe'n ib.