Elem 2:14 - Quiché Bible

¹⁴ Ri aj hebrey xutzelej u bixic che: “¿Jachin c'u ri xatcojow at jacha' che c'amal be xukuje' che k'atal tzij pakawi'? ¿La xa ta pu lo cachomaj nu cämisaxic, jacha' ri xaban che u cämisaxic ri aj ejipt?” Ri Moises aretak xuta' ri xbix che sibalaj xuxe'j rib, xretamaj c'ut chi tatajinak chic chi xucämisaj jun achi aj ejipt.

Elem 2:14 Referans Kwoze

Ri Lucax 12:14

Ri Jesus xubij che: “Achi, ¿jachin in cojowinak che k'atal tzij o che jachanel piwi'?”

Ri Matey 21:23

Xopan ri Jesus pa ri rachoch Dios. Aretak cätajin catijon chila' xenakajin c'u ri e qui nimakil ri e cojol tak tabal tok'ob ruc' xukuje' ri e nimak tak tatayib re ri tinimit. Xquic'ot u chi': “¿Ruc' jachique takanic quebaban we jastak ri'? ¿Jachin xyo'w wa' we takanic ri' pa a k'ab?”

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Chapletajic 19:9

Ri achijab aj Sodom xquibij che ri Lot: “¡Chatel chi'! Man cäpe ta na jun winak jas ri at ri man ka winakil taj cheltakan ta pakawi'. ¡Camic nim ri c'ax ri cäkaban chawe chuwäch ri cäkaban ta chque we achijab ri'!” Xquichaplej u banic c'ax che ri Lot, xekeb ruc' ri uchi'ja are ta xcaj xquitarij ta apan jela'.

Hechos 7:35

Are Moises wa', ri xquetzelaj u wäch aretak xquibij: ‘¿Jachin xatcojow che c'amal be, xukuje' che k'atal tzij?’ Pune' jeri', are ri are' ri xtak bic rumal ri Dios che c'amal qui be paquiwi' xukuje' che to'l quech. Je xuban ri Dios rumal ri tako'n aj caj ri xuc'ut rib chuwäch pa ri juwi' q'uix.

E C'ambal tak Tzij 19:12

Ri royowal ri ajawinel xak junam ruc' ri u wunic ri coj, are c'u ri utzalaj u rayibal jacha' ri räxk'ab puwi' ri k'ayes.

Ajilanic 16:13

¿La xa man nim ta cawilo chi xujawesaj ulok chupam jun ulew ri cabelel wi ri leche xukuje' ri juyubal räx cab jacha' ta ne ri ja', rech caban chke chi cujcäm chupam ri chaki'j uwo sak, ri are c'u cawaj catux nimalaj c'amal ka be?

Ajilanic 16:3

Conojel c'ut e are' xquimulij quib, xquic'ulelaj ri Moises rachil ri Aaron, xquibij c'u chque: “¡Chubana' wa' ri nimal ri quixc'amowic! Ronojel ri tinimit tastajinak rumal ri Dios, c'o c'ut ri Ajawaxel kuc' konojel. ¿Jasche qui walijisaj iwib ix jacha' k'atal tzij ri nim u banic puwi' ri u tinimit ri Ajawaxel?”

Chapletajic 13:8

Xurika' c'u jun k'ij ri Abram xubij che ri Lot: “Ri at xukuje' ri in kachalaxic kib, rumal ri' man utz taj cäc'oji' ch'o'j chkaxo'l, mawi chquixo'l ri awajyuk'ab cuc' ri e wech.

Ri Lucax 19:27

E are tak c'ut ri qui banom qui c'ulel chwe, ri man xcaj taj chi c'o nu takanic paquiwi', chebic'am ulok, chebicämisaj chnuwäch.’ ”

E C'ambal tak Tzij 29:25

Ri xe'n ib chquiwäch ri winak are jun c'amibal, are' c'u ri cujiquiba' u c'u'x chrij ri Ajawaxel chajitalic.

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.

Chapletajic 34:27

Xepe ri niq'uiaj u c'ojol chic ri Jacob, xequitac'alela' ri cäminakib, xequeläk'aj bic ri jastak quech ri winak che u tojic u q'uexel ri c'ax ri xban che ri canab.