Elem 19:19 - Quiché Bible

¹⁹ Nojimal c'ut sibalaj co chic cätataj ri cok'ibal ri trompet; cäch'aw ri Moises, are c'u ri Dios ruc' cakulja cuch'abej ulok.

Elem 19:19 Referans Kwoze

Salmib 81:7

Xinasiq'uij aretak at c'o pa bis, xatinto' c'ut; xatinch'abej ulok pa ri sutz' ri cätililic; xatinc'ambejej chuchi' ri ja' re Merib.

Elem 19:16

Churox k'ij aretak xpe ri u sakaric, xuban cakulja rachilam caypa', jun tzatzalaj sutz' c'ut xc'oji' puwi' ri juyub. Jun cowilaj rok'ibal trompet xbanowic chi xebirbob conojel ri winak ri e c'o pa tak ri cachoch rumal xe'n ib.

Hebreos 12:21

Sibalaj xibibal ri xquilo, jeri' chi xubij ri Moises: “Quinxe'j wib, quinbirbitic.”

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Elem 19:13

C'o jun mucoj ri u k'ab che u ch'ayic, rajawaxic c'ut cäcämisax na che abaj o cuc' ch'ab. Pune' ta ne winak o awaj, man cäc'asbax ta canok. Xuwi we cabeytaj ri rok'ebal ri trompet cuya' quepaki' ri winak puwi' ri juyub.”

Hebreos 12:19

Man i tom ta ri rok'ebal ri trompet xukuje' ri u ch'abal ri Dios ri xtzijonic. Ri winak ri xquito xquibochi'j chi c'o chi jun tzij mäbix chque,

U Camulixic ri Pixab 4:36

Ri are' xixuch'abej ulok kas pa ri caj che i jiq'uic, chuwäch c'ut ri uwächulew xuc'ut wi ri nimalaj u k'ak' chiwäch, xita' c'u ri u tzij pa u niq'uiajil ri k'ak'.

Ajilanic 12:8

ruc' c'ut ri are' quinch'aw chwinakil xukuje' pa jun ch'abal ri q'uiakalic. We c'u ri are' quinuca'yej chi winakil, ¿jasche qui chajij anima' quixyok'on che?”

U Camulixic ri Pixab 5:22

“E are tak tzij wa' ri co xuya' u bixic ri Ajawaxel, pa u niq'uiajil ri k'ak' xukuje' pa u niq'uiajil jun tzatzalaj sutz', aretak iwonojel ix c'o chuxe' ri juyub. Man c'o ta chi c'u jas xubij. Xutz'ibaj c'u tak we tzij ri' chuwäch quieb tz'alam tak abaj, c'äte ri' xebujach chwe.