Elem 19:17 - Quiché Bible

¹⁷ Ri Moises xeresaj bic ri winak pa tak ri cachoch che u c'ulaxic ri Dios, xebe e tac'al c'u chuxe' ri juyub.

Elem 19:17 Referans Kwoze

U Camulixic ri Pixab 4:10

“Pa ri k'ij aretak ri ix xixc'oji' chuwäch ri Ajawaxel ri i Dios chuxe' ri juyub Horeb, ri Ajawaxel xubij chwe: ‘Chebamulij conojel ri winak rech cäquitatabej ri nu tzij, cäquetamaj c'u u ya'ic nu k'ij conojel ri k'ij rech ri qui c'aslemal, chequitijoj c'ut ri calc'ual chi je chquibana'.’

U Camulixic ri Pixab 5:5

In c'o c'u in chixo'l ruc' ri Ajawaxel, che u k'axexic ri u tzij ri Ajawaxel chiwe, xixe'j c'u ya' iwib che ri k'ak', man xixpaki' ta puwi' ri juyub. Xubij c'ut ri Ajawaxel:

Hechos 7:38

Are Moises wa' ri xc'oji' cuc' ri comon aj israelib pa ri chaki'j uwo sak, ri xc'oji' ruc' ri tako'n aj caj ri xch'aben pa ri juyub Sinai, ri xc'oji' cuc' ri e ka mam. Are' c'ut ri xc'amow ri tzij re c'aslemal ri xuk'axej chke.”

Elem 19:13

C'o jun mucoj ri u k'ab che u ch'ayic, rajawaxic c'ut cäcämisax na che abaj o cuc' ch'ab. Pune' ta ne winak o awaj, man cäc'asbax ta canok. Xuwi we cabeytaj ri rok'ebal ri trompet cuya' quepaki' ri winak puwi' ri juyub.”

Elem 19:16

Churox k'ij aretak xpe ri u sakaric, xuban cakulja rachilam caypa', jun tzatzalaj sutz' c'ut xc'oji' puwi' ri juyub. Jun cowilaj rok'ibal trompet xbanowic chi xebirbob conojel ri winak ri e c'o pa tak ri cachoch rumal xe'n ib.

Elem 19:18

Ronojel c'u ri juyub Sinai xbukuw sib puwi', rumal rech chi ri Ajawaxel kajinak ulok pa u niq'uiajil ri k'ak'. Ri u sibal ri cäpakic junam ruc' ri u sibal jun jorno, ronojel c'u ri juyub sibalaj cäyicopic.

Aj Levitib 9:5

Ri aj israelib xequic'am ulok c'ä chuwäch ri Lic'om Rachoch Dios re rikoj ib ri xtakan wi ri Moises, conojel c'u ri aj israelib xekebic, xetaq'ui' c'u na chuwäch ri Ajawaxel.

U Camulixic ri Pixab 4:11

Ix xixkeb chuxe' ri juyub, ri quebel wi rak' tak k'ak' ri sibalaj naj quebel chicaj, ri xebux jun tzatzalaj k'ekalaj sutz'.