Elem 19:11 - Quiché Bible

¹¹ chquisuc'umaj c'u apan quib che ri cäbij, cäbij c'ut quinkaj ulok, in ri Ajawaxel, puwi' ri juyub Sinai chquiwäch conojel ri aj israelib.

Elem 19:11 Referans Kwoze

Elem 19:16

Churox k'ij aretak xpe ri u sakaric, xuban cakulja rachilam caypa', jun tzatzalaj sutz' c'ut xc'oji' puwi' ri juyub. Jun cowilaj rok'ibal trompet xbanowic chi xebirbob conojel ri winak ri e c'o pa tak ri cachoch rumal xe'n ib.

U Camulixic ri Pixab 33:2

Jewa' ri u beya'l: “Ri Ajawaxel xel ulok pa Sinai; kas pa Seir xtunun wi ulok pakawi', xjuluw ulok pakawi' pa tak ri juyub re Paran xuchaplej pa Merib-cades; pa ri u wiquiak'ab cuc'am wi ulok ri k'ak' re ri pixab.

Elem 34:5

Xkaj c'u ulok ri Ajawaxel pa jun sutz', xc'oji' c'u chila' ruc' ri Moises, xubij c'ut ri kas u bi'.

Ri Xuan 6:38

In kajinak c'u ulok pa ri caj, man che ta u banic ri nu rayibal, xane' che u banic ri u rayibal ri nu Tat ri xinutak ulok.

Ri Xuan 3:13

Man c'o ta jun benak chicaj, xuwi ri jun ri xkaj ulok pa ri caj, ri Rija'l Winak.

Salmib 144:5

Ajawaxel, jolo' la ri k'atibal qui wäch ri caj, chk'aj c'u la ulok; slabej la ri juyub rech quequesaj sib;

Salmib 18:9

Xupac ri ch'ukuwinak ri caj, xkaj ulok. Chquixe' ri rakan c'o k'ekalaj tak sutz'.

Ajilanic 11:17

In quinkaj na bic quinch'aw c'u na awuc' chila', quinc'am c'u na niq'uiaj ri uxlabal ri c'o awuc' quinya' c'u na chque rech catquito' che u c'amic bic we tinimit ri'. Jeri' man xak ta a tuquiel catc'ojic.

Elem 19:20

Xkaj c'u ulok ri Ajawaxel puwi' ri juyub Sinai, puwi' ri c'olbal ri sibalaj naj elinak chicaj, xubij c'u che ri Moises chi cäpaki' ruc' pa ri c'olbal ri'. Xpaki' ri Moises,

Elem 19:18

Ronojel c'u ri juyub Sinai xbukuw sib puwi', rumal rech chi ri Ajawaxel kajinak ulok pa u niq'uiajil ri k'ak'. Ri u sibal ri cäpakic junam ruc' ri u sibal jun jorno, ronojel c'u ri juyub sibalaj cäyicopic.

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Chapletajic 11:5

Xkaj c'u ulok ri Ajawaxel che rilic ri tinimit xukuje' ri nimalaj tz'ak ri cätajin cäquiyac ri winak.

Elem 34:2

Chasuc'umaj awib chwek ak'ab, rech catpaki' puwi' ri juyub Sinai, quinaweyej c'u pa ri c'olbal ri naj elinak chicaj.

Ri Josue 3:5

Xubij c'u ri Josue chque “Chi josk'ila' iwib, rumal rech chi chwek quiwil na ri Ajawaxel quebuban tak mayibal.”

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Elem 24:16

Xkaj ri u juluwem ri Dios puwi' ri juyub Sinai, wakib k'ij xch'ukutaj rumal ri sutz'. Chuwuk k'ij c'ut, ri Ajawaxel xusiq'uij ulok ri Moises pa ri sutz'.

Elem 24:17

Ri u juluwem ri Ajawaxel xc'utun chquiwäch ri aj israelib jacha' jun k'ak' ri bik'onel, puwi' ri juyub ri naj elinak chicaj.

U Camulixic ri Pixab 4:10

“Pa ri k'ij aretak ri ix xixc'oji' chuwäch ri Ajawaxel ri i Dios chuxe' ri juyub Horeb, ri Ajawaxel xubij chwe: ‘Chebamulij conojel ri winak rech cäquitatabej ri nu tzij, cäquetamaj c'u u ya'ic nu k'ij conojel ri k'ij rech ri qui c'aslemal, chequitijoj c'ut ri calc'ual chi je chquibana'.’