Elem 18:4 - Quiché Bible

⁴ Eliezer u bi' ri jun chic rumal rech chi xubij: “Ri u Dios ri nu tat xpe che nu to'ic, xinuto' chuwäch ri u ch'ich' re ch'o'j ri ajawinel ri paraon.”

Elem 18:4 Referans Kwoze

Hebreos 13:6

Je c'u ri' cäcu'bi ka c'u'x, cuya' cäkabij: “Ri Ajawaxel are to'l wech, man quinxe'j ta wib chuwäch ri cäquiban na ri winak chwe.”

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Hechos 12:11

Ri Lu', aretak xul pa sak, xubij: “Camic xinwetamaj chi kastzij ri Ajawaxel u takom ulok ri u tako'n aj caj che wesaxic pa u k'ab ri Herod. Xinresaj chuwäch ronojel ri queyem ri aj judeyib chi quinrik na.”

Ri Daniel 6:22

Ri nu Dios xutak ulok ri u tako'n aj caj ri xtz'apin u pa qui chi' ri coj rech man c'o ta jun c'ax cäquiban chwe, reta'm c'u ri Dios chi man c'o ta nu mac, man c'o ta c'u jun lawaloyil nu banom ta che la.”

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Salmib 34:4

Xintz'onon che ri Ajawaxel, ri are' xutzelej u wäch ri xintz'onoj che, xinresaj c'u pa conojel ri nu xibriquil.

Salmib 18:48

Quinucol chuwäch ri coyowal ri nu c'ulel, xukuje' pa qui k'ab ri xquiyac quib chwij. ¡Ri lal Ajawaxel, quinto' la pa qui k'ab ri winak ri e tokinelab!

Salmib 18:1

Lal, Ajawaxel, lal nu chuk'ab, ¡quinlok'ok'en che la!

Nabe Tzijobelil 23:15

Ri e u c'ojol ri Moises e are' wa' Jerson xukuje' ri Eliezer.

Elem 2:15

Ri ajawinel aretak xretamaj chi ri Moises xucämisaj jun achi aj ejipt, xtakan che u tzucuxic ri Moises rech cucämisaj, xanimaj c'u bic ri Moises chuwäch ri ajawinel, xejekel pa Madian, chila' xt'uyi wi chunakaj jun c'ua'.

Hechos 7:29

Ri Moises, aretak xuta' we tzij ri', xanimajic, xk'ax pa Madian, xc'oji' chila', man u tinimit ta c'ut, xec'oji' c'u quieb u c'ojol.

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Chapletajic 49:25

¡Maltiox che ri u Dios ri a tat ri catuto' na; ri Dios ri c'o ronojel u cuinem, ri cattewichi'n na! ¡Cuc' tak tewichibal ri quepe chicaj! ¡Cuc' tak tewichibal re ri nimalaj plo! ¡Cuc' tak tewichibal re tu'bisanic xukuje' alc'ualanic!

Elem 2:22

ri ixok xc'oji' c'u jun ral ala ri xcoj Jerson che u bi' rumal ri Moises, xubij c'ut: “Xa in okxanel wib chupam rulew jun winak chic.”

Elem 4:20

Ri Moises xuc'am ri rixokil xukuje' ri e u c'ojol, xebuya' chrij jun bur, xtzelej c'u pa Ejipt. Xuc'am bic ri ch'ämiy aj Dios pa u k'ab.

Nabe Tzijobelil 23:17

Ri nabe u c'ojol ri Eliezer are' ri Rehabiy, man xec'oji' ta chi c'ut e u c'ojol, c'u ri Rehabiy xec'oji' q'ui u c'ojol.

Elem 10:28

Xubij chi c'ut ri ajawinel che ri Moises: “Chatel bic waral, kas chawila' awib, matpe chi jumul chnuwäch, apachique c'u k'ij ri catpe chi jumul chnuwäch, catcäm na.”