Elem 17:14 - Quiché Bible

¹⁴ Ri Ajawaxel xubij che ri Moises: “Chatz'ibaj wa' pa jun wuj che natabal, chabij che ri Josue chi quinchup na ri u nataxic ri qui bi' ri aj amalesib.”

Elem 17:14 Referans Kwoze

Elem 34:27

Ri Ajawaxel xubij che ri Moises: “Chebatz'ibaj tak we tzij ri', are c'u wa' ri qui tac'alibal tak ri c'ulwächinic ri quiban awuc' xukuje' cuc' ri aj israelib.”

Nabe Samuel 30:17

Xuwi c'u xopan ri David ak'ab xuchaplej qui cämisaxic c'a xkaj na ri k'ij, conojel c'ut xebucämisaj, xuwi xeto'taj ri quiejeb sient (400) alabom ri xequiejen tak chquij camey xecuinic xebanimajic.

Nabe Samuel 30:1

Churox k'ij, ri David xukuje' tak ri rachijab xebopan pa Siclag, xequirika' chi ri aj amalesib xeboc pa ri Negueb xquiban c'ax che ri Siclag, xquic'äjij, xquinicowisaj.

Ucab Samuel 8:12

Pa Edom, pa Moab, pa Amon, cuc' ri pilisteyib, xukuje' cuc' ri aj amalesib, xukuje' ri resam pa ri ch'o'j ruc' ri Hadad-ezer, u c'ojol ri Rehob, ajawinel aj Soba.

Ajilanic 24:20

Xril c'u apanok ri Balaam ri Amalec, xuya' c'u u bixic ri cac'ulmataj na: “Ri Amalec are jun nim tinimit ri nim u banic, xa c'u kas casachisax na u wäch.”

Ri Job 18:17

Ri u nataxic cachupisax cho ri uwächulew man canatax ta chi c'ut ri u bi'.

Elem 24:4

Ri Moises xutz'ibaj ronojel ri tzij ri xubij ri Ajawaxel che, sibalaj c'u ak'ab xwalij chucab k'ij, xuyac jun porobal chuxe' ri juyub, xebucoj cablajuj (12) tastalic tak abaj, jun che u q'uexwäch jujun ramak' re Israel.

Elem 13:9

Je ta ne ri c'o ta jun iwetal che ri i k'ab, o che ri i palaj, rech amak'el cänataj ri u pixab ri Ajawaxel chiwe, are c'u xixesan ulok pa Ejipt ruc' ri nimalaj u cuinem.

Elem 12:14

Are jun k'ij wa' ri takal u nataxic iwumal, quiban jun nimalaj nimak'ij che roc'owisaxic che u ya'ic u k'ij ri Ajawaxel. Pixab wa' ri cäcanaj chiwe amak'el, ri quecoc'owisaj ri e tat nan xukuje' ri alc'ualaxelab.

E C'ambal tak Tzij 10:7

Ri utzalaj winak cänatax cuc' tak tewichibal; ri banal etzelal chanim cäsach u nataxic.

Salmib 9:6

Ri c'ulel cäminak, e cäminak ruc' are tak ri u tinimit; lal xsachow la qui wäch, mawi c'u ne ri natabal quech xcanaj ta canok.

Ri Job 19:23

¡C'o ta banom wi c'o ta jachin quetz'iban tak ri e nu tzij quebutzoc' ta c'u can chuwäch ch'ich'!

Ri Esdras 9:14

¿la cuya' ta c'u lo chi ma ta quekanimaj chic qui banic tak ri e takomal la? ¿La c'o ta chi c'u cujux cuc' tak winak ri e c'o itzelalaj tak qui c'aslemal? ¿La ma ta c'u cäpe na oyowal la chke, casachisaj c'u na la ka wäch ri', man c'o ta jun cac'asi' ta na canok chke?

Nabe Tzijobelil 4:43

xequisachisaj c'ut qui wäch ri e aj amalesib. Kas chi' c'ut e jekelinak can chila' c'ä camic.

Ucab Samuel 1:1

Aretak cäminak chic ri Saul, Ri David xtzelej pa Siclag aretak e ch'äctajinak chic ri aj amalesib, xcanaj c'u can quieb k'ij chila'.

Nabe Samuel 15:18

Je c'u ri', we are' ri Ajawaxel xattakow bic xuya' bic takanic chawe chi casachisaj qui wäch ri ajmaquib tak aj amalesib, xukuje' che qui banic c'ax chque c'ä caq'uis na tzij paquiwi'.

Ri Josue 4:7

Ix quibij na chque: ‘Aretak ri caxa ri c'o wi ri u c'ulwächinic ri Ajawaxel xoc'ow chupam ri Jordan, ri u ja'il ri nima' xuk'at rib chuwäch ri caxa. We abaj tak ri' quebajwatajic rech amak'el canataj chque ri aj israelib ri xc'ulmataj waral.’ ”

U Camulixic ri Pixab 31:9

Xutz'ibaj c'ut ri Moises we pixab ri' chuwäch jun wuj, xujach c'u chque ri e cojol tabal tok'ob e aj levitib ri quetelen bic ri caxa ri c'o wi ri u c'ulwächinic ri Ajawaxel, xukuje' chque conojel ri nimak tak tatayib re Israel,

Ajilanic 33:2

Ri Moises xebutz'ibaj tak ri qui bi' ri c'olbal ri quebel wi tak u bic, jun c'olbal jun c'olbal chic, je jas ri takanic cuya' ri Ajawaxel che, e are' tak c'olbal wa' jawije' ri xebel wi bic.

Elem 17:13

ri Josue xebuch'äc ri ajch'ojab aj amalesib, xebucämisaj conojel ruc' ch'ich' re ch'o'j.

Elem 32:33

Ri Ajawaxel xubij che ri Moises: “Xuwi ri cämacun chnuwäch, are wa' quinwesaj ri u bi' chupam ri nu wuj.

Ri Jeremiy 36:2

“Chac'ama' jun botobic wuj tz'ibabal, chatz'ibaj c'u chuwäch, ronojel ri nu bim chawe che ri cuc'ulmaj na ri Israel, ri Juda xukuje' ri jule' nimak tak tinimit chic, kas aretak xinchaplej a tzijobexic pa tak ri u k'ijol ri Josiy c'ä camic.

Nabe Tzijobelil 4:42

E c'o chi c'u na, job sient (500) achijab e qui tz'akat, e rija'lil ri Simion, xebe chupam ri c'ache'laj re Seir ri xc'am qui be rumal ri Pelatiy, Neariy, Repaiy xukuje' ri Uziel, e u c'ojol ri Isi,

Ri Jeremiy 30:2

“Ri Ajawaxel, ri u Dios ri Israel, cacha': Chatz'ibaj pa jun wuj ronojel ri nu bim chawe,