Elem 16:8 - Quiché Bible

⁸ Xubij chi c'u ri Moises chque ri aj israelib: “Ri Ajawaxel benak k'ij cuya' na i ti', ak'ab cuya' na i wa ri tz'ebetalic, u tom c'ut chi c'ax quixch'aw chrij. ¿Jas ta ri ka banic uj? Man chkij ta c'u uj c'ax xixch'aw wi xane' chrij ri Ajawaxel.”

Elem 16:8 Referans Kwoze

Romanos 13:2

Jeri', apachin ri cuc'ulelaj u wäch ri k'atal tzij, are cuc'ulelaj ri u takanic ri Dios. Are c'u ri quec'ulelanic, cäquic'am ulok c'äjisabal qui wäch chbil quib.

Nabe Samuel 8:7

xubij c'u ri Ajawaxel che: “Apachique jasach ri cutz'onoj ri tinimit chawe chanimaj u banic, man at ta c'ut ri catquixutuj, xane' in, rech man quinajawin ta paquiwi'.

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

Ri Lucax 10:16

Apachin ri cutatabej ri i tzij, in ri' qui nu tatabej. Apachin ri man nim ta quixril wi, in ri' man nim ta quinrilo. Apachin ri man nim ta quinrilo, man nim ta cäril wi ri' ri xinutak ulok.”

Ajilanic 14:27

“¿C'ä jampa' lo ri quintakej na qui coch'ic ri qui ch'ach'atem we itzel tak aj israelib ri'? Xetataj wumal chi itzel quech'aw chwij.

Ajilanic 21:7

Xebe c'ut jawije' c'o wi ri Moises xquibij c'u che: “¡Uj macuninak aretak xkac'ulelaj ri Ajawaxel xukuje' ri at! ¡Chatz'onoj che ri Ajawaxel chi chebunajtajisaj tak ri cumätz chke!” Ri Moises xutz'onoj che ri Ajawaxel chi chusacha' qui mac ri aj israelib,

1 Corintios 10:10

Mawi mixch'ach'atic, jacha' jujun chque xech'ach'atic, rumal ri' xecämisax rumal ri tako'n ajcämisanel.

Ri Xuan 13:20

Kastzij, kastzij quinbij chiwe: Jachin ri cac'amowan ri quintak bic, quinuc'amowaj in; jachin c'u ri quinuc'amowaj in, cuc'amowaj ri xintakow ulok.”

Ri Matey 10:40

“Apachin ri quixc'amowanic, in ri' in u c'amowam; apachin c'u ri quinc'amowanic, u c'amowam ri xintakow ulok.

Ri Matey 9:4

Xretamaj c'ut ri Jesus ri qui chomanic, xuc'ot qui chi': “¿Jasche sibalaj itzel ri qui chomaj?

Ri Isaiy 37:29

Rumal c'u rech chi weta'm chi c'o nimalaj awoyowal, xukuje' chi caban nimal, quincoj na jun quetequic ch'ich' che ri a tza'm, xukuje' quincoj jun jiq'uibal rij a wi' pa chi', quinban c'ut chi cätzelej pa ri be ri at petinak wi.

Ri Isaiy 32:6

Rumal rech chi ri k'an u chi' cäch'aw na jacha' jun ri k'an u chi', cuchomaj c'u qui banic etzelal cutzucuj u banic ri il cuban tzij chrij ri Ajawaxel man c'o ta cuya' bic che ri cänumic, man cuya' ta bic ruq'uia' ri cächaki'j u chi'.

Elem 16:12

“Nu tom chi c'ax quech'aw ri aj israelib. Chatch'aw cuc' chabij chque: ‘Benak k'ij quitij ti'j, ak'ab quitij wa c'ä quixnoj na. Jeri' quiwetamaj na chi in ri' ri Ajawaxel.’ ”

Elem 16:9

Ri Moises xubij che ri Aaron: “Chabij chque conojel ri aj israelib chi chekeb chuwäch ri Ajawaxel, u tom c'ut chi c'ax quech'awic.”

Elem 17:2

Xquich'a' c'u che ri Moises, je xquibij wa' che: “Chaya' ka ja' ri cäkuq'uiaj.” “¿Jasche quiban iwoyowal chwe? ¿Jasche quic'ambejej ri Dios?” xcha' ri Moises.

Ajilanic 11:18

Chataka' c'u ri tinimit chi chuch'ajch'ojisaj rib re chwek, caquitij c'u na ti'j. Xetataj wumal chi quebok'ic caquibij c'ut: ‘¡C'o ta banom wi c'o ta ti'j chke che u tijic! ¡Utz ka banom can nabe pa Ejipt!’ Quenya' c'u na ti'j chque rech caquitijo,