Elem 16:3 - Quiché Bible

³ Je c'u xquibij wa' chque: “¡C'o ta banom wi chi xuban ta ri Ajawaxel chi xujcäm ta pa Ejipt! Chila' xujt'uyi wi chquinakaj ri jujun tak t'uy ti'j, cuj wa' c'ut c'ä cujnoj na, ri ix c'ut xujic'am ulok pa we chaki'j uwo sak ri' che ka cämisaxic konojel rumal wi'jal.”

Elem 16:3 Referans Kwoze

Elem 17:3

Quecäm c'u ri winak che chaki'j chi' rumal ri' xquic'ulelaj ri Moises, xquibij che: “¿Jasche xujawesaj ulok pa Ejipt, che ka cämisaxic che chaki'j chi' ri uj, ri kalc'ual xukuje' conojel ri kawaj?”

Juyuwem 4:9

Are utz na quech ri xecäm chupam ri ch'o'j chquiwäch ri xecäm rumal wi'jal, rumal rech chi nojimal xecäm wa' aretak xeq'uis tak ri qui wächinic ri ulew.

U Camulixic ri Pixab 28:67

Sibalaj c'u nim ri xe'n ib ri cana' na xukuje' quebawil na xibibalalaj tak jastak; pa ri u sakaric c'ut cabij na: ‘¡C'o ta banom wi chi xcoc ta ri ak'ab!’ Aretak chak'ab chic, cabij na: ‘¡C'o ta banom wi chi xcasakar taj!’

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ajilanic 14:2

Conojel e are' xquichaplej qui bixic lawaloyil chrij ri Moises xukuje' ri Aaron. Je xquibij wa': “¡C'o ta banom wi xujcäm ta can pa Ejipt, o waral chupam ri chaki'j uwo sak!

1 Corintios 4:8

C'o chi iwuc' ronojel ri quiwaj, ix k'inomab chic. Quixtakan chic, pune' man uj c'o ta iwuc'. Quinwaj chi kastzij quixtakanic, rech xukuje' ri uj junam cujtakan iwuc'.

Ri Josue 7:7

Xcha' c'u ri Josue: “¡Ay, Ajawaxel, Ajawaxel! ¿Jasche xban la' chi we tinimit ri' xroc'owisaj ri nima' Jordan? ¿La xa pa lo che ka jachic pa qui k'ab ri amoreyib, rech casachisax ka wäch cumal? ¡C'o ta banom wi xujcanaj ta can ch'käp che ri Jordan!

2 Corintios 11:1

C'o ta banom wi quicuy ta jubik' ri nu conil. Weta'm c'ut chi quicuyu'.

Hechos 26:29

Ri Pawl xubij che: “Quintz'onoj ri' che ri Dios chi we xa' cumal quieb oxib tzij o cumal q'ui tzij, man xuwi ta ri lal, xane' xukuje' conojel ri cäquitatabej ri nu tzij camic, quebux ta ne je jas ri in, ma ta c'u e c'o we tikom tak ch'ich' ri' chque.”

Ri Job 3:20

¿Jasche cuya' ri Dios chi cäril ri sakilal ri cutij c'ax? ¿Jasche cuc'asba' ri nojinak che c'ayil,

Ri Job 3:10

¡C'okotajinak ri chak'ab ri', ri xuya' c'olbal chi xinalaxic man xuto' ta c'u nu wi' rech ma ta xebenwil tak ri e u q'ueyowal!

Ri Job 3:1

Are' c'u xch'aw na ri Job, xuc'okoj ri k'ij ri xalaxic.

Ucab Samuel 18:33

Xyicopitaj ri ranima' ri ajawinel, xpaki' c'u puwi' ri ja ri c'o puwi' ri roquibal ri tinimit, xuchaplej ok'ej. Aretak cätajin cabinic, cubij: “¡Absalon, nu cojol! ¡Absalon, nu cojol! ¡C'o ta banom wi in taj ri xincäm che a q'uexwäch! ¡Nu c'ojol, Absalon, nu cojol!”

U Camulixic ri Pixab 8:3

Pune' c'u xixuya' pa ri c'ax xukuje' xina' numic, xixutzuk c'u na ruc' jaswa', we wa ri' mawi ri ix mawi ri e i mam iweta'm ta ulok u wäch, rech quich'obo chi man xuwi ta rumal ri wa cäc'asi ri winak, xane' rumal ronojel ri quel ulok chuchi' ri Ajawaxel.

Ajilanic 16:41

Chucab c'u k'ij, ronojel ri tinimit xuchaplej u yok'ic ri Moises xukuje' ri Aaron je c'u xquibij wa': “¡Ix cätajin qui cämisaj ri u tinimit ri Ajawaxel Dios!”

Ajilanic 16:13

¿La xa man nim ta cawilo chi xujawesaj ulok chupam jun ulew ri cabelel wi ri leche xukuje' ri juyubal räx cab jacha' ta ne ri ja', rech caban chke chi cujcäm chupam ri chaki'j uwo sak, ri are c'u cawaj catux nimalaj c'amal ka be?

Ajilanic 11:15

We je cätakej la u banic wa' chwe, are utz na chi quesaj la ri nu c'aslemal, we kastzij chi nim quinil wi la. Jeri' quinel na chquixo'l e q'ui tak latz'.”

Elem 5:21

xquibij c'u chque: “Chrila' ri Ajawaxel ri i banom chke, xukuje' chuc'äjisaj i wäch. Ix ri ix ajchak'mac chi ri ajawinel e rachil ri e u takanelab itzel cujquilo. Kas ix ix yowinak ri ch'ich' re ch'o'j pa u k'ab che ka cämisaxic.”

Elem 2:23

Q'ui junab chic banom wa', aretak xcäm ri ajawinel re Ejipt. Ri aj israelib xquitakej ok'ej xukuje' elem ch'u'j rumal ri c'axalaj chac ri e takom che u banic. Xuta' c'ut ri Dios ri qui juyuwem.

Ajilanic 14:3

¿Jasche xujuc'am ulok ri Ajawaxel chupam we ulew ri'? ¿Rech cujcäm chupam ri ch'o'j, e are' c'u ri kixokil xukuje' tak ri kalc'ual quekaj pa qui k'ab ri c'ulel? ¡Are utz na chke chi chujtzelej pa Ejipt!”

Salmib 78:19

C'ax xech'aw che, xquibij: “¿La xa puch cäcuin ri Dios che u ya'ic jun je'lalaj wa'im chke chupam ri chaki'j uwo sak?

Salmib 78:25

¡Ri winak xquitij qui wa tako'nib aj caj! ¡Ri Dios xuya' q'ui ri qui wa ri caquitijo!

Ri Jeremiy 42:14

je c'u quibij wa': ‘are utz na chke chi cujejekel pa Ejipt, ri man quekil ta wi ch'o'j, mawi cakata' rok'ebal su', mawi cujecäm ta che wi'jal’,

Ri Jeremiy 44:17

Je c'u ri', cäkatakej na u banic ri chomatajinak u banic kumal. Cäkatakej na u chi'xic c'oc' k'ol xukuje' tak sipanic re u wa'l uva che ri Ajawinel Ixok dios re ri Caj, jacha' ri ka takem ulok u banic c'ä camic xukuje' jacha' ri xequiban ri e ka mam xukuje' tak ri e ka ajawinelab xukuje' xquiban ri e c'amal tak be chquipam ri tinimit tak re Juda xukuje' pa tak ri u xo'l tak ri ja pa Jerusalen. Are c'u ri nabe canok tz'ebetal ri cäkatijo, utz c'u quel ronojel chkawäch man xpe ta c'u jun quiäkasakil pakawi';

Elem 14:11

Xquibij c'u che ri Moises: “¿La xa ta pu ma ta c'o cujmuk wi pa Ejipt chi xujawesaj ulok rech cujelcäm pa we chaki'j uwo sak ri'? ¿Jasche je xaban wa' chke? ¿Jasche xujawesaj ulok pa Ejipt?

Ajilanic 11:20

Jun ic' cäbeytaj na u tijic ri ti'j cumal, c'ä quebel na ulok pa tak qui tza'm chuya' c'u muluj c'uxaj chque, rumal rech chi in qui xutum in, ri Ajawaxel, ri in c'o pa qui niq'uiajil, e ok'inak quibim c'ut chnuwäch in: ‘¿Jasche xujel ulok pa Ejipt?’ ”

Ajilanic 21:5

xquichaplej c'u u c'ulelaxic ri Dios xukuje' ri Moises. Je c'u xquibij wa': “¿Jasche xujiwesaj ulok pa Ejipt, rech quiban chke chi cujcäm chupam ri chaki'j uwo sak? Mawi ta ne ka ja' c'olic mawi ka wa. ¡Q'uistajinak chic ka c'u'x che we wa ri' ri xak capatzowic!”

Salmib 107:5

¡c'o qui numic xukuje' qui chaki'j chi', camem cäquibano!