Elem 16:15 - Quiché Bible

¹⁵ Aretak ri aj israelib xquilo, rumal c'u rech chi man queta'm ta u wäch, xquibij chquibil tak quib: “¿Jas wa'?” Ri Moises xubij chque: “Are wa' ri wa ri cuya' ri Ajawaxel chiwe che tzukbal iwib.

Elem 16:15 Referans Kwoze

Elem 16:4

Ri Ajawaxel xubij che ri Moises; “Quinbana' na chi cäjabin ulok qui wa chicaj. Conojel c'u ri winak quebel na bic che u molic ulok ri cäquitij che ri jun k'ij. Quinwaj quinwilo jachin cäniman che ri nu takanic, xukuje' jachin ri man cäniman taj.

Ri Xuan 6:58

Are wa' ri wa ri kajinak ulok pa ri caj. Man je taj jas ri jaswa' ri xquitij ri e i mam, xecäm c'ut. Ri cutij we wa ri', cäc'asi na amak'el chbe k'ij sak.”

Elem 16:31

Ri aj israelib xquicoj “jaswa'” che u bi' ri cäquimolo. Sak jacha' ri u wäch culanto, qui' jacha' ri wotz'otz' ri yo'm ta juyubal räx cab puwi'.

U Camulixic ri Pixab 8:3

Pune' c'u xixuya' pa ri c'ax xukuje' xina' numic, xixutzuk c'u na ruc' jaswa', we wa ri' mawi ri ix mawi ri e i mam iweta'm ta ulok u wäch, rech quich'obo chi man xuwi ta rumal ri wa cäc'asi ri winak, xane' rumal ronojel ri quel ulok chuchi' ri Ajawaxel.

1 Corintios 10:3

Conojel xa jun u wäch wa xquitijo, ri wa aj uxlabal.

Ri Nehemiy 9:20

Xya' c'u ne la que ri utzalaj uxlabal la che qui tijoxic; mawi jumul ma ta xopan ri jaswa' pa qui chi' ri xtak la ulok chque, xaya' la qui ja' che resaxic ri qui chaki'j chi'.

Ri Nehemiy 9:15

Xya' c'u la wa chque ri petinak chicaj che resaxic ri qui wi'jal xukuje' qui ja' ri xel chupam ri nimalaj abaj che u cämisaxic ri qui chaki'j chi'. Xbij c'u la chque chi cheboc che jekelem chupam ri ulew ri chi'm la chque.

Ri Josue 5:12

Kas chi' c'ut pa ri k'ij ri' man c'o ta chi jaswa' xkajic, jeri' ri aj israelib pa ri junab ri' are' xquitij ri u wächinic ri ulew pa Canaan.

Ri Xuan 6:49

Ri e i mam xquitij ri jaswa' pa ri chaki'j uwo sak, xecäm c'ut.

U Camulixic ri Pixab 8:16

Jaswa' xutzukbej ri iwech pa ri chaki'j uwo sak, ri wa ri' man xquetamaj ta u wäch ri e i mam, che i mach'irisaxic, che i c'ambejexic xukuje' che u banic utzil chiwe chuq'uisbalil.

Ajilanic 21:5

xquichaplej c'u u c'ulelaxic ri Dios xukuje' ri Moises. Je c'u xquibij wa': “¿Jasche xujiwesaj ulok pa Ejipt, rech quiban chke chi cujcäm chupam ri chaki'j uwo sak? Mawi ta ne ka ja' c'olic mawi ka wa. ¡Q'uistajinak chic ka c'u'x che we wa ri' ri xak capatzowic!”

Elem 16:33

Xubij c'u ri Moises che ri Aaron: “Chac'ama' jun t'uy, chaya' jun gomer (quieb litro) jaswa' chupam. Chaya' chuwäch ri Ajawaxel, rech cäc'ol can chque ri e u wi' tak i mam ri quepe na.”

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”

Hebreos 9:4

Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.

Ri Lucax 12:30

Conojel c'ut we jastak ri' are sibalaj quequitzucuj ri winak aj uwächulew. Ri i Tat c'ut reta'm chi rajawaxic wa' chiwe.

E C'ambal tak Tzij 9:5

“Chixpetok che u tijic iwe ri nu wa, xukuje' che ruq'uiaxic iwe ri u wa'l nu uva ri nu k'obisam.

Salmib 78:24

¡xubano chi xjabin jaswa' puwi' ri u tinimit, trico ri xpe chicaj, rech cäquitijo!

Salmib 105:40

Xquita' qui wa, xutak c'u ulok sakco'r chque, ruc' wa ri xpe chicaj xebunojisaj.