Elem 16:12 - Quiché Bible

¹² “Nu tom chi c'ax quech'aw ri aj israelib. Chatch'aw cuc' chabij chque: ‘Benak k'ij quitij ti'j, ak'ab quitij wa c'ä quixnoj na. Jeri' quiwetamaj na chi in ri' ri Ajawaxel.’ ”

Elem 16:12 Referans Kwoze

Ri Joel 3:17

“Ri ix quitzelej chi na iwib che retamaxic chi in ri' ri Ajawaxel ri i Dios, in jekel pa Sion, ri nu juyub ri tastalic. Ri Jerusalen cux na jun tinimit ri tastalic: mawi jumul cach'äc ta chi na cumal tak winak ri naj quepe wi.

Ri Ezequiel 39:22

Kas pa ri k'ij ri' cächaptaj bic, ri Israel cuch'ob na chi in ri' ri Ajawaxel ri u Dios.

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Ri Ezequiel 34:30

C'äte ri' caquich'ob na chi in, ri Ajawaxel ri qui Dios, in c'o cuc', xukuje' chi ri Israel are' nu tinimit. In, ri Ajawaxel, quinjiquiba' u bixic.

Ri Jeremiy 31:24

Ri winak ri e aj Juda xukuje' ri e aj u tinimit tak, ri e ajticonijel xukuje' ri e ajyuk' tak chij quejeki' na chi'.

Elem 7:17

Jewa' u bim ri Ajawaxel: Camic quetamaj na la chi in ri' ri Ajawaxel: Aretak quinjabuj ri nu ch'amiy ri c'o pa nu k'ab puwi' ri nima' Nil, ri ja' caq'uex taj na pa quic'.

Elem 4:5

Xubij c'u ri Ajawaxel che ri Moises: “Cac'ulmataj c'ut we mayibal ri' rech cäquicojo chi u c'utum rib ri Ajawaxel chawäch, ri qui Dios ri e a mam; u Dios ri Abraham, ri Isaac, xukuje' rech ri Jacob.”

Elem 12:6

Quichajij c'u na c'ä pa ri ucajlajuj (14) rajilabal we ic' ri', pa we k'ij ri' conojel ri aj israelib chquijujunal cäquipil ri awaj pa ri benabal k'ij.

Elem 16:11

Ri Ajawaxel xutzijobej ri Moises, xubij c'u che:

Aj Levitib 11:44

“In c'ut ri Ajawaxel ri i Dios, ri ix rajawaxic chi kas quitas iwib, chixux c'u tastalic, in c'u in tastalic, man quinban ta etzelal. Mitz'iloj ba iwib ruc' apachique chicop ri cujururej rib cho ri ulew.

Ajilanic 14:27

“¿C'ä jampa' lo ri quintakej na qui coch'ic ri qui ch'ach'atem we itzel tak aj israelib ri'? Xetataj wumal chi itzel quech'aw chwij.

Nabe Ajawinelab 20:28

Xopan c'ut jun k'axal tzij ruc' ri ajawinel re Israel, xubij c'u che: “Jewa' cubij ri Ajawaxel: ‘Rumal rech chi qui bim ri aj siriyab chi ri in in jun dios quech ri c'ache'laj, chi ri in man in jun dios taj c'ut quech ri beya', quebenjach we q'uialaj winak ri' pa a k'ab. Jeri' cawetamaj na chi in ri' ri Ajawaxel.’ ”

Salmib 105:40

Xquita' qui wa, xutak c'u ulok sakco'r chque, ruc' wa ri xpe chicaj xebunojisaj.

Ajilanic 11:4

Chquixo'l ri aj israelib e qui yujum quib ronojel qui wäch winak, ri xak xuwi' caquichomaj ri wa'im. Xquiban c'u quech ri aj israelib cuc', xeboc c'u che ok'ej je c'u xquibij wa': “¡C'o ta banom wi c'o ta ti'j chke che u tijic!

Ri Ezequiel 35:13

Xajak ri a chi' xinatzuru, xtzokopitaj ri awak' che nu yok'ic. In xinto.