Elem 15:8 - Quiché Bible

⁸ Co xxut'uj la ri plo, xupac c'u rib; ri qui wäch ri ja' xquimulij quib jacha' jun tapia; ri najalaj u xe' ri plo xcowiric.

Elem 15:8 Referans Kwoze

Ri Job 4:9

Ri Dios, pa ri royowal, ruc' ri ruxlab cusachisaj c'u qui wäch chnimalaj conojel.

Salmib 78:13

Xuban quieb che ri plo xeroc'owisaj c'u chupam, ri ja' xux jacha' jun nim tapia.

2 Tesalonicenses 2:8

cuc'utunisaj c'u na rib ri itzel ri', ri cäsachisax na u wäch rumal ri Ajaw Jesus rumal ri ruxlab ri u chi', cuyojyobisaj c'u na rumal ri u ruc'upinic ri rulem.

Ri Habacuc 3:10

Ri tacatak tak juyub queyicopic aretak quil la cumal; quetzokopitaj ulok ri nimak tak jäb cho ri caj, ri choalaj plo cäjininic ri u jininem quebuyac c'ut ri nimak tak u rekbala'.

Ri Isaiy 11:4

Cuk'at na tzij ruc' suq'uil paquiwi' ri tukarib, cuto' na qui wi' ri mebayib ri e c'o pa ri tinimit. Ri e u tzij are cäc'äjisan na u wäch ri man cuchomaj ta ri cubano, ruc' ri ruxlab cucämisaj na ri aj etzelal.

Ucab Samuel 22:16

Xc'utun ri u xe' ri plo; xk'alajin ri u tz'akatil ri uwächulew, rumal ri xibibalalaj u ch'abal ri Ajawaxel, rumal ri u chuk'ab ri ruxlab ri xuq'uiako.

Ri Isaiy 37:7

Cawilampe' na, quinbano chi copan u bixic jun c'ax ri cape puwi' ri are', rumal c'u wa' cätzelej na pa ri rulew, chila' c'u quintak wi na u cämisaxic.’ ”

Elem 14:29

Are c'u ri aj israelib xeboc'ow pa chaki'j ulew pa ri plo, chquixo'l quieb tapia re ja', jun pa qui wiquiak'ab jun pa qui mox k'ab.

Ri Josue 3:13

Aretak ri e cojol tabal tok'ob ri e uc'aninak ri u caxa ri Ajawaxel, ri Ajawaxel re ronojel ri uwächulew cäquinim ri cakan chupam ri ja', ri nima' cuk'at na rib pa quieb, ri ja' ri cäpe ajsic cutanaba' binem cuk'il na rib cux na jun nimalaj cho.”

Salmib 33:7

Ri are' cumulij cut'ajij c'u ri ja' re ri nimalaj plo.

Ri Habacuc 3:15

Cumal tak ri e quiej la cabinibej la ri plo, ri nimalaj qui wäch ri ja' ri quepuluwic.

Ri Josue 3:16

Are' c'u ri ja' ri benak pa ri Cäminak Cho xutakej binem c'ä xq'uis na bic. Jewa' ri xc'ulmatajic aretak xuban quieb ri ja' rech ri nima', ri aj israelib xek'ax chupam chuwäch ri tinimit Jerico.