Elem 15:7 - Quiché Bible

⁷ Ruc' ri nimalaj chuk'ab la xebe xak'alej la ri xquiyac quib che c'ulelaxic la; xnicow ri oyowal la, xechajir c'ut jacha' ri pajo.

Elem 15:7 Referans Kwoze

Ri Isaiy 5:24

Rumal ri', jacha' ri k'ak' ri cuporoj ri pajo, xukuje' ri rak' k'ak' cuchajirisaj ri chaki'j tak u xak che', jewa' xukuje' ri u sachic i wäch, jacha' ri tico'n ri cäk'ay ri qui rab, cätuquin ri qui cotz'ijal jacha' ri puc'uc' ulew. Rumal rech chi man nim ta xiwil wi ri u tijonic xukuje' ri u takanic ri Ajawaxel ri c'o ronojel u cuinem, ri Tastalicalaj u Dios ri Israel.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ri Isaiy 47:14

Chebawila' c'ut, xak e junam ruc' ri pajo ri k'ak' quebik'owic, man quecuin ta cäquito' quib chuwäch ri rak' ri k'ak'. Rumal rech chi man k'ak' taj re rachak k'ak' ri cät'uyi jun chuwäch che u mik'ic rib.

Ri Isaiy 37:29

Rumal c'u rech chi weta'm chi c'o nimalaj awoyowal, xukuje' chi caban nimal, quincoj na jun quetequic ch'ich' che ri a tza'm, xukuje' quincoj jun jiq'uibal rij a wi' pa chi', quinban c'ut chi cätzelej pa ri be ri at petinak wi.

Ri Isaiy 5:16

Ri Ajawaxel ri c'o ronojel u cuinem cuc'ut na rib chi nim u banic, pa ri k'ij aretak cuk'at tzij ri Tastalicalaj Dios cuc'ut na ri u tastaliquil aretak cuban ri suq'uilal.

Salmib 148:13

¡Iwonojel chiya' u k'ij ri u bi' ri Ajawaxel, xuwi c'ut ri u bi' sibalaj aj chicaj! ¡Ri u juluwem c'o puwi' ri caj xukuje' puwi' ri ulew!

Salmib 83:13

Nu Dios, bana' la chque chi quebux jun salc'um, e jacha' chaki'j u xak tak che' ri quec'am bic rumal ri quiakik';

U Camulixic ri Pixab 33:26

Man c'o ta jas ri cajunamataj ta wi ri u Dios ri Jesurun, ri caquiejen ruc' nimalil paquiwi' tak ri sutz' ri e c'o chicaj rech cäpe che a to'ic.

Hechos 9:4

Xtzak c'u ri Sawl pa ulew, xuta' jun ch'abal ri xubij che: “Sawl, Sawl, ¿jasche cäban c'ax chwe?”

Ri Matey 3:12

C'o ri u jopibal pa u k'ab, ri trico xukuje' cutas che ri pajo. Cuc'ol c'u na ri u trico pa ri u c'uja, cuporoj c'u na ri pajo pa ri k'ak' ri mawi jubik' cächupic.”

Ri Zacariy 14:8

Quebel c'u na ulok pa Jerusalen c'aslic tak ja', ri quebelel na pa sak'ij xukuje' pa k'alaj, pa niq'uiaj chque cäbe na chupam ri Cäminak Cho ri jun pa niq'uiaj chic cäbe che u suq'uil ri Plo Mediteran.

Ri Zacariy 14:3

Chanim c'ut quel na ulok ri Ajawaxel che u tijic u chuk'ab cuc' tak we nimak tak tinimit ri', jacha' ta ne ri cutij u chuk'ab chupam ri k'ij re ri ch'o'j.

Ri Zacariy 2:8

Ri Ajawaxel ri c'o ronojel u cuinem in u takom che u ya'ic we tzijol ri' che u banic c'ax chque ri nimak tak tinimit ri xixquitoloba'. “Apachin ta ne ri cänakow ri nu tinimit cunak ri u c'u'x ri e nu bak'wäch. Rumal ri' kas in quintij na nu chuk'ab chquij tak we nimak tak tinimit ri', quinban c'u na chi kas e are' ri e qui lok'om pataninelab quetolobanic.” Je wa' cuban na ri Ajawaxel ri c'o ronojel u cuinem che u c'utic ri u juluwem, je c'u ri' qui ch'ob na ix chi are' xintakow ulok.

Ri Miquey 4:11

Camic e q'ui ri nimak tak tinimit ri qui mulin quib chawij, je c'u caquibij wa': “¡Cujequicot na che rilic ri Jerusalen tz'ilotajinak!”

Ri Jeremiy 10:6

Ajawaxel, man c'o ta jachin jun jacha' ta ri lal: ri lal nim banic la, ri bi' la nim u banic xukuje' cuinel.

Ri Isaiy 37:38

Pa jun k'ij c'ut aretak cätajin cak'ijilan chupam ri rachoch ri u dios Nisroc, ri quieb u c'ojol, ri Adramelec xukuje' ri Sarezer, xebopanic xquicämisaj c'ut, xebanimaj c'u bic xequic'u' quib pa tak ri ulew re Ararat. Are c'u xcanaj can ri Esaradon che ajawinel che u q'uexel.

Ri Isaiy 37:36

Xkaj c'u ulok ri u takom ri Ajawaxel xebucämisaj jun sient jumuch' ruc' job mil (185,000) achijab ajch'ojab re Asiriy aretak xsakar chucab k'ij e cäminak chic conojel.

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

Ri Isaiy 37:17

Kas tatabem la, Ajawaxel, chtatabej c'u la. Chjaka' ri bak'wäch la Ajawaxel chila' c'u la. Chtatabej la ri tzij ri xutak ulok u bixic ri Senaquerib chwe, c'axalaj tak tzij ri xubij ulok ronojel che yok'ic la ri c'aslic Dios.

Salmib 68:33

ri quiejeninak puwi' ri caj, ri junalic caj! Chitampe' ri u xojlinem ri u ch'abal, ri ch'abal ri c'o u cuinem.

Salmib 59:13

¡Sacha' la qui wäch, sacha' la qui wäch ruc' ri oyowal la! ¡Chq'uisa' la tzij paquiwi' maquitakej c'aslemal! ¡Chetamaxok chi ri Dios are ajawinel pa Israel c'ä chuq'uisbal ri uwächulew!

Elem 9:16

c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

Hebreos 12:29

Rumal rech chi ri ka Dios are je ta ne jun k'ak' ri ronojel cuporoj canok.

Elem 14:27

Ri Moises xuyuk ri u k'ab puwi' ri plo, aretak xsakaric ri ja' xtzelej chic pa ri nabe u c'olbal. Aretak c'ut ri aj ejiptib xcaj xebanimajic, xek'atitaj rumal ri ja', xejik'isax c'u rumal ri Ajawaxel chupam ri plo.

U Camulixic ri Pixab 4:24

rumal rech chi ri Ajawaxel ri i Dios, are' jun Dios achixomanel, jun k'ak' ri cujarisaj ronojel.

Elem 5:12

Ri aj israelib xquijabuj quib pa ronojel ri Ejipt, che u molic k'ayes rech cäquicoj che u q'uexwäch pajo.

Ri Job 9:4

Ri Dios nim ri u cuinem xukuje' ri u no'j. ¿Jachin ta ri cacuinic cuk'atij u wäch ma ta c'u c'o jas cuc'ulmaj?