Elem 15:6 - Quiché Bible

⁶ Oh, Ajawaxel, ri icak'ab la ri sibalaj nim u chuk'ab, are xsachow qui wäch ri ka c'ulel.

Elem 15:6 Referans Kwoze

Ri Isaiy 51:9

C'astaj la, c'astaj la u k'ab ri Ajawaxel, cojo' la ri chuk'ab la c'astaj la jacha' ri xban la can nabe, pa ri ojer tak k'ijol. Lal xbanow la ch'akatak che ri Rahab ri nimalaj awaj aj plo;

Apocalipsis 2:27

jas ri nu Tat u yo'm takanic pa nu k'ab, cätakan c'u na paquiwi' ri nimak tak tinimit ruc' bara' re räx ch'ich', quebuc'äjij na je ta ne e lak re ulew.

Salmib 60:5

¡Choc la il chke, chujcolo' la ruc' ri chuk'ab la! ¡Ri e lok' chwäch la chebesaj la pa ri c'ax!

Salmib 2:9

Ruc' bara' re ch'ich' quebaban na ch'akatak chque tak ri ajawinelab; ¡quebaban na ch'akatak chque jacha' ri cäban chque tak ri bo'j re t'ac!”

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Ri Isaiy 52:10

Ri Ajawaxel u c'utum ri u cuinem chquiwäch conojel ri nimak tak tinimit. Pa ronojel ri uwächulew quetamax na chi ri ka Dios uj u colom.

Ri Jeremiy 13:14

Quebenpaxij c'u na e jacha' k'ebal, ri jun cupak'ij na rib ruc' ri jun chic, tataxelab xukuje' c'ojolaxelab xak quejunamatajic. Man quel ta c'u na nu c'u'x chque; quinsachisaj na qui wäch man ruc' ta elebal c'uxaj xukuje' man ruc' ta tok'obisam wächaj. In, ri Ajawaxel, quinjiquiba' u bixic.’ ”

Salmib 98:1

¡Chibixoj che ri Ajawaxel jun c'ac' bix, u banom c'u tak mayibal! ¡U rikom c'u ch'äcanem rumal ri nimalaj u cuinem, xukuje' rumal ri tastalicalaj u k'ab!

Salmib 77:10

Ri sibalaj c'ax cuban chwe are ri u chomaxic chi ri aj Chicaj man je ta chic kuc' jacha' ri nabe.

Salmib 74:11

¿Jasche cac'u' ri k'ab la ri c'o nimalaj u cuinem? ¿Jasche xak k'alum ri k'ab la?

Salmib 44:3

Man are' ta c'u ri qui chuk'ab mawi ri qui ch'ich' re ch'o'j ri xyo'w ta ri ch'äcanic chque; man e are' ta xech'äcow ri ulew. ¡Are ri cuinem la xukuje' ri chuk'ab la! ¡Are' ri u juluwem ri wächbal la, rumal chi e lok' chwäch la!

Salmib 17:7

Ya' la jun k'alajalaj c'utbal re ri lok'ok'ebal c'u'x la chwe, lal, ri queto'tajisaj la pa qui k'ab ri qui c'ulel chque ri caquitzucuj ri ch'ukubal quib pa ri cuinem la.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Ri Isaiy 30:14

cäsach na i wäch jacha' jun k'ebal re ulew, ri cämuchmub ronojel man cäcanaj ta can jun ch'akap chquixo'l ri ch'akatak ri utz taj cäya' ta rachak k'ak' chupam o cäpac'abex ta ja' pa ri c'ua'.”

Elem 3:20

Rumal ri', quinc'ut na ri nu cuinem quebensoc na ri aj ejiptib ruc' cämical cumal conojel ri mayibal ri quinbana' na pa ri culew; c'äte ri' quixutzokopij na ri ajawinel.

Elem 6:1

Xubij c'ut ri Ajawaxel che ri Moises: “Cawil c'u na ri quinban che ri ajawinel, xak xuwi c'ut rumal ri chuk'ab cuya' na chiwe chi quixel bic pa ri rulew; c'o chi c'u na jubik', kas are' cäbin na chiwe chi quixel bic.”

Elem 15:12

Xc'ut ri cuinem la xebubik' ri ulew.

Elem 15:16

Oh, Ajawaxel, chquina' quib, chkaj xe'n ib paquiwi'. Checanaj canok jacha' ri abaj rumal ri u chuk'ab ri k'ab la, c'ä coc'ow na ri tinimit la.

Elem 18:8

Ri Moises xutzijoj che ri u ji' ronojel ri u banom ri Ajawaxel che ri ajawinel xukuje' chque ri aj ejiptib che qui to'ic ri aj israelib xukuje' xutzijoj ronojel ri c'ax ri xquic'ulmaj pa tak ri be xukuje' ri xuban ri Dios che qui to'ic.

Nabe Samuel 2:10

Ri Ajawaxel cuban na ch'akatak chque ri quec'ulelan che, pa ri caj quebutak wi ulok cakulja paquiwi'. Ri Ajawaxel cuk'at na tzij puwi' ronojel ri uwächulew; cuya' na cuinem pu k'ab ri ajawinel ri u cha'om, cuban c'u na chi cäq'uiy ri u cuinem.”

Salmib 24:8

¿Jachin wa' we Ajawinel ri' aj juluwem? ¡Are' ri Ajawaxel, c'o u chuk'ab xukuje' c'o u cuinem! ¡Are' ri Ajawaxel, ri c'o u cuinem chupam ri ch'o'j!

Salmib 44:4

¡Wajawinel! ¡Nu Dios! Lal xyo'w la ri ch'äcanic che ri tinimit la;

Salmib 89:14

Ri tem re ajawibal la jekel puwi' ri suq'uil xukuje' ri ya'tal u banic; ri lok'ok'ebal c'uxaj xukuje' ri kastzij quebel ulok che c'ulaxic la.

Ri Isaiy 63:12

ri xbanowic chi ri juluwemalaj u cuinem xrachilaj ri Moises, ri xbanow quieb che ri plo chuwäch ri u tinimit, rech cänimar u k'ij chbe k'ij sak,