Elem 15:16 - Quiché Bible

¹⁶ Oh, Ajawaxel, chquina' quib, chkaj xe'n ib paquiwi'. Checanaj canok jacha' ri abaj rumal ri u chuk'ab ri k'ab la, c'ä coc'ow na ri tinimit la.

Elem 15:16 Referans Kwoze

Salmib 74:2

Chnataj ri tinimit la che la, ri xrik la ulok ojer pa ri tiquiritajic, ri xlok' la rech cux chi ech la; chnataj ri juyub re Sion che la, ri jekelinak wi la.

U Camulixic ri Pixab 2:25

Camic cachaptaj bic quinban na chi chiwäch ix conojel tak ri tinimit re ri ulew quenoj na che xe'n ib. Aretak caquita' i tzijol, caquichaplej c'u na birbitem quemajix c'u na rumal elemch'u'j.’ ”

Nabe Samuel 25:37

Ak'ab chucab k'ij, aretak oc'owinak chic ri u k'abaric ri Nabal, ri Abigail xuk'alajisaj chuwäch ri Nabal ruc' tz'akatil ri c'ulmatajinak, xak c'ätetal xuq'uiak rib jun itzel yabil che ri Nabal ri xche'erisan canok.

Ri Josue 2:9

“In weta'm chi ri Ajawaxel u yo'm we ulew ri' chiwe, u banom c'ut chi ri uj sibalaj ka xe'n kib chiwäch. Conojel ri e jekel waral e cäminak che xe'n ib u mac iwech.

2 Pedro 2:1

Xukuje' xec'oji' can chquixo'l ri winak ojer jujun ri xak xquijaluj quib chi e k'axal tak u tzij ri Dios. Xukuje' chixo'l ix quec'oji' na jujun ri cäquijaluj na quib chi e ajtijab. Ri e are' chi c'uyal cäquic'am ulok tijonic ri quec'amow bic ri winak pa ri c'ax. Man caquik'alajisaj taj ri Ajawaxel ri xecolowic. Rumal ri' chanim cäsach na qui wäch rumal rech ri cäquibano.

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Ri Jeremiy 31:11

Are' c'u ri Ajawaxel torowinak ri u tinimit ri Jacob, resam pa u k'ab jun nim tinimit ri c'o na u cuinem.

U Camulixic ri Pixab 11:25

Man c'o ta jun winak cäcuin na che u k'atixic i wäch. Ri Ajawaxel ri i Dios cuya' na nimalaj xe'n ib, nimalaj xibriquil apawije' ta ne ri quixoc'ow wi, jacha' ri u chi'm chiwe.

Elem 11:7

Rech quiwetamaj chi ri Ajawaxel man je ta cuban chque ri aj israelib jacha' ri cuban chque ri aj ejiptib, ri mawi ne jun tz'i' cäwawat ta che jun winak o che jun cawaj ri Israel.

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Ri Isaiy 51:10

xtzajisaj la ri plo, ri u ja'il ri nimalaj siwan, xban la be che ri u pam ri plo rech queboc'ow ri e torotajinak ulok.

Ucab Samuel 7:23

Are c'u ri Israel, ri tinimit la, ¡man c'o ta chi jun jacha' ta ri are', xa c'u jun we nim tinimit ri' cho ri uwächulew! Lal, Oh Dios, xto'tajisaj la rech cux tinimit la, xban c'u la che chi xux nim u k'ij, xeban c'u la nimak xukuje' mayibalalaj tak jastak che u banic utzil che. Ri lal xeq'uiak la bic chuwäch ri tinimit la ri xtor la ulok pa Ejipt, ri niq'uiaj nimak tak tinimit chic e cachil tak ri e qui diosib,

Nabe Samuel 2:9

Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.

U Camulixic ri Pixab 32:9

ri rechbal ri Ajawaxel, ri winak ri e rech, are ri u tinimit ri Jacob.

U Camulixic ri Pixab 32:6

¿La jewa' ri rajil q'uexel ri quiya' che ri Ajawaxel? Tinimit con, ri man c'o ta u no'j, ¿la ma ta are' a tat ri q'uiyisal awech? Are' xatq'uiyisanic xukuje' are' xattac'abanic.

Elem 23:27

Quinbano chi ri nimalaj xe'n ib ri quic'am ulok cänabej chawäch pa nimak tak ri tinimit ri catoc'ow wi, quebanimaj c'u ri a c'ulel chawäch.

Chapletajic 35:5

Aretak xebel bic chila', ri Dios xubano chi sibalaj xquixe'j quib tak ri tinimit ri e c'o apan chquinakaj, rumal ri' man c'o ta jun c'ax xquiban chque ri e ralc'ual ri Jacob.

Elem 15:5

Xebik'taj rumal ri ja', e je ta ne abaj, xech'uk rumal ri cholaj plo.

Elem 15:6

Oh, Ajawaxel, ri icak'ab la ri sibalaj nim u chuk'ab, are xsachow qui wäch ri ka c'ulel.

Elem 15:13

Ruc' ri lok'ok'ebal c'u'x la cätajin cäc'am la u be we tinimit ri' ri xcol la; ruc' ri cuinem la cac'am la bic pa ri tastalicalaj achoch la.

Elem 18:8

Ri Moises xutzijoj che ri u ji' ronojel ri u banom ri Ajawaxel che ri ajawinel xukuje' chque ri aj ejiptib che qui to'ic ri aj israelib xukuje' xutzijoj ronojel ri c'ax ri xquic'ulmaj pa tak ri be xukuje' ri xuban ri Dios che qui to'ic.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 23:20

“Chawilampe', quintak bic ri nu tako'n aj caj rech cänabej chawäch, rech catuchajij pa ri be, catuc'am bic pa ri c'olbal ri nu suc'umam chawe.

U Camulixic ri Pixab 2:4

Chaya' we takanic ri' chque ri tinimit: Ix quixoc'ow na pa ri culew ri e rija'lil ri Esau ri e jekel pa Seir, e iwachalaxic c'u wa'. Ri e are' cäquixe'j na quib chiwäch; are c'u ri ix sibalaj chichajij na iwib.

Ri Josue 4:24

Jeri' conojel ri tinimit ri e c'o cho ri uwächulew caquetamaj na chi sibalaj nim ri u cuinem ri Ajawaxel, are' c'u ri ix nim quiwil wi na amak'el ri Ajawaxel ri i Dios.”

Salmib 105:38

Ri aj ejiptib xequicotic aretak xquilo chi xebel ulok, sibalaj c'u qui xe'n quib.

Ri Isaiy 63:12

ri xbanowic chi ri juluwemalaj u cuinem xrachilaj ri Moises, ri xbanow quieb che ri plo chuwäch ri u tinimit, rech cänimar u k'ij chbe k'ij sak,

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 23:22

We c'u kastzij catniman che, caban ronojel ri nu takom u banic, quinux qui c'ulel ri qui banom qui c'ulel chawe, quink'atij qui wäch ri quek'atin a wäch.

Salmib 89:14

Ri tem re ajawibal la jekel puwi' ri suq'uil xukuje' ri ya'tal u banic; ri lok'ok'ebal c'uxaj xukuje' ri kastzij quebel ulok che c'ulaxic la.

Ri Ezequiel 16:8

Xinoc'ow chi chaxcut, xinca'y c'u chawe; chi c'o chic a junab che ri taquenic. Xinlic' ri nu ch'ukubem wib pawi', xinch'uk ri a cuerp ri ch'analic, xinya' c'u nu tzij chawe che awuc'axic; xinban jun c'ulwächinic awuc', xatux c'u wech. In, ri Ajawaxel, quinjiquiba' u bixic.