Elem 15:15 - Quiché Bible

¹⁵ ri e qui nimal ri ajch'ojab aj Edom cäpe na canima', ri e c'amal tak qui be ri e aj Moab quebirbob na rumal xe'n ib, quetuktub na conojel ri aj cananeyib.

Elem 15:15 Referans Kwoze

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Ri Josue 2:11

Sibalaj nim ri xe'n ib ri i yo'm chke aretak xketamaj, chi man c'o ta jachin cuchajij ta anima' che u tac'abaxic rib chiwäch. Rumal rech chi ri Ajawaxel, ri i Dios, are' ri Dios ri c'o chicaj xukuje' iquim cho ri uwächulew.

Ri Josue 2:9

“In weta'm chi ri Ajawaxel u yo'm we ulew ri' chiwe, u banom c'ut chi ri uj sibalaj ka xe'n kib chiwäch. Conojel ri e jekel waral e cäminak che xe'n ib u mac iwech.

U Camulixic ri Pixab 2:4

Chaya' we takanic ri' chque ri tinimit: Ix quixoc'ow na pa ri culew ri e rija'lil ri Esau ri e jekel pa Seir, e iwachalaxic c'u wa'. Ri e are' cäquixe'j na quib chiwäch; are c'u ri ix sibalaj chichajij na iwib.

Chapletajic 36:40

Are qui bi' tak wa' ri e nimak qui k'ij aj Esau, pa qui cholajil tak alaxic, c'olbal xukuje' tak bi'aj: Timna, Alba, Jetet,

Ri Habacuc 3:7

In e wilom ri winak re Cusan e bik'itajinak chupam ri quiäkasakilal, xukuje' tak ri winak re Madian qui mojcolim tak quib rumal xe'n ib.

Ri Nahum 2:10

Sachisam u wäch, tz'inowirisam, tolobam canok, jewa' ri u c'ulmam ri Ninibe. Ri animaaj quelebelob che xe'n ib, quebirbit tak ri ch'ecaj, conojel man e c'o ta chic qui chuk'ab quesakmaqui c'ut.

Ri Ezequiel 21:7

We c'u ne cäc'ot a chi' jasche cätok'ic, chabij chque chi rumal jun jasach ri xya' u bixic ri xa' jubik' man quec'ulmatajok, conojel c'ut ri winak ri e c'o chuwäch ri uwächulew quebejbob na quetuktub na tak ri qui k'ab; man c'o ta chi jun c'o ta chajin anima' ruc', conojel quebirbitlab tak ri qui ch'ec rumal xe'n ib. Chanim cäpe ri jok'otaj, quec'ulmataj chanim. In, ri Ajawaxel, quinjiquiba' u bixic.”

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Isaiy 13:7

Conojel c'u ri winak cho ri uwächulew quechukchub na ri qui k'ab, conojel man c'o ta chic qui chuk'ab,

Salmib 68:2

quesach pa ri quiakik' jacha' ri sib, queleblobic jacha' ri xca'b pa ri k'ak'; chuwäch ri Dios, man c'o ta qui k'ij ri e banal tak etzelal.

Ucab Samuel 17:10

xukuje' c'u ne ri cowilaj achi na, xukuje' c'u ne ri sibalaj c'a'n na jacha' jun c'oj, cätuktub na cäpe na ranima'; conojel c'ut ri aj Israel queta'm chi ri tat la xukuje' ri e benak ruc' e cowilaj tak achijab.

Nabe Samuel 14:16

Ri e u chajinelab ri Saul, ri e c'o pa Gabaa aj Benjamin, xequil ri aj pilisteyib quetililic quexiq'uinilobic quebe jeri' quebe jela'.

Ri Josue 14:8

Ri xebe wuc' xquicoj qui xib ri winak, are' c'u ri in xincanaj jic ruc' ri nu Dios xukuje' Wajaw.

Ri Josue 2:24

Xquibij che: “Ri Ajawaxel u jachom ronojel ri ulew pa ka k'ab. Rumal kech uj, conojel ri winak ri e c'o chila' e cäminak che xe'n ib.”

U Camulixic ri Pixab 20:8

E are' chi c'ut ri e c'amal tak be quebe qui tzijobej chi na ri quebe pa ri ch'o'j cäquibij c'u na: ‘We c'o jun cuxe'j rib, man c'o ta chajinanima' ruc' tzelej cho rachoch rech man cuya' ta xibin ib chque ri e rachil.’

Chapletajic 36:15

Ri e c'amal tak be chque ri e rija'lil ri Esau, e are wa': Ri e c'amal tak be chque ri e rija'lil ri Elipaz u nabeal ri Esau, e are ri Teman, ri Omar, ri Zep, ri Senaz,

Salmib 48:5

aretak c'ut xquil ri tinimit xpe canima', man cäquirik ta chic jas cäquibano, xebanimajic.

Ri Jeremiy 49:23

Tzijol che ri cuc'ulmaj na ri Damasc: “Ri tinimit tak re Hamat xukuje' re Arpad elinak qui q'uixbal, rumal rech chi opaninak c'ut itzel tak tzijol cuc'. Quenoj che xibriquil, man quecuin taj quec'oji' pa utzil.

Chapletajic 36:16

ri Core, ri C'atam, ri Amalec. E are wa' ri e c'amal tak be ri xebel chquixo'l ri e rija'lil ri Elipaz pa ri ulew re Edom, conojel tak wa' e rija'lil ri Ada.

Ri Habacuc 3:6

Ri ulew cäyicopic aretak ri are' cätaqui'c; quebirbob ri nimak tak tinimit aretak quebuca'yej; ri e ojer tak juyub quewulijic queja'r c'ut ri ojer tak juyub; e are' tak c'ut ri e u be ri Dios e re chbe k'ij sak.