Elem 15:1 - Quiché Bible

¹ Ri Moises xukuje' ri aj israelib xquibixoj we bix ri' che u ya'ic u k'ij ri Ajawaxel: Quinbixon che u ya'ic u k'ij ri Ajawaxel, ri xuban jun mayibalalaj ch'äcanic aretak xebujik'isaj ri quiej pa ri plo cachilam ri ajquiejab.

Elem 15:1 Referans Kwoze

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Elem 15:21

ri are' cätajin cubixoj chque: “Chixbixon che u ya'ic u k'ij ri Ajawaxel, ri xuban jun mayibalalaj ch'äcanic aretak xebujik'isaj ri quiej pa ri plo cachilam ri ajquiejab.”

Salmib 106:12

xecojon c'u che ri e u chi'nic ri Dios, xequibixoj c'u bix che.

Salmib 107:8

Chebiya' maltioxinic che ri Ajawaxel rumal ri u lok'ok'ebal c'u'x, ¡rumal ri cuban che qui to'ic ri winak!

Colosenses 2:15

Rumal ri Crist, ri Dios xukasaj qui k'ij ri c'o qui takanic xukuje' ri c'o qui cuinem, xresaj qui q'uixbal chquiwäch conojel, xch'äcan paquiwi' cho ri ripibal.

Salmib 107:15

Chiya' maltioxinic che ri Ajawaxel rumal ri lok'ok'ebal u c'u'x, ¡rumal ri cuban che qui to'ic ri winak!

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Elem 14:27

Ri Moises xuyuk ri u k'ab puwi' ri plo, aretak xsakaric ri ja' xtzelej chic pa ri nabe u c'olbal. Aretak c'ut ri aj ejiptib xcaj xebanimajic, xek'atitaj rumal ri ja', xejik'isax c'u rumal ri Ajawaxel chupam ri plo.

Ajilanic 21:17

Pa we k'ijol ri' aretak ri aj israelib xebixonic: “¡Cätixix ulok ri ja' pa ri c'ua'! ¡Chixbixon che ri c'ua'!

Ri Nehemiy 9:11

Xpac la ri plo chquiwäch, xeboc'ow c'u chuxo'l pa chaki'j ulew; xejik'isaj la ri e okataninak c'ä chuxe' ri plo, e jacha' jun abaj ri cäkaj chuxe' ri ja'.

Ri Job 36:24

Conojel ri winak quequiya' u k'ij tak ri e u banoj; chenataj c'u che la xukuje' ri u yic qui k'ij.

Salmib 32:7

Lal ri lal to'l wech; quinch'uk la chuwäch ri xak quieb cubij panuwi', cäsutij la wij cuc' rakoj tak chi'aj re ch'äcanic.

Salmib 76:6

Ri carwaj xukuje' ri quiej man quecuin ta chic queslabic aretak ri lal, nu Dios u Dios ri Jacob, cäcoj la qui xib.

Salmib 105:43

Jewa' xuban ri Dios aretak xresaj ulok ri u tinimit ri cha'talic, cuc' rakoj tak chi'aj re quicotemal,

E C'ambal tak Tzij 29:6

Ri e u c'amibal ri banal etzelal e are' tak ri e u mac; are' c'u ri winak ri tz'akatisanel pa ronojel cäquicotic utz c'u rech.

Ri Isaiy 42:10

Chibixoj che ri Ajawaxel jun c'ac' bix kas pa ri c'olbal ri sibalaj naj che ri ulew chek'ijilan che jachin tak ri quebin puwi' ri plo xukuje' ri chicop ri e jekel chupam, ri ulew tak ri e c'o chupam ri plo xukuje' ri e u winakil.

Ri Jeremiy 51:21

Catinwachilaj che qui k'ajisaxic tak ri quiej xukuje' tak ri ajquiejab, carwaj xukuje' ri e u c'al tak quech.

Elem 14:26

Ri Ajawaxel xubij che ri Moises: “Chayuku' ri a k'ab puwi' ri plo, rech cätzelej ri ja' paquiwi' ri aj ejiptib, paquiwi' ri qui carwaj xukuje' ri cajquiejab.”

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Ri Osey 2:17

Quebenwesaj c'u na chquichi' ri e qui bi' tak ri e baal, mawi c'u jumul chenatax ta chi na.