Elem 14:4 - Quiché Bible

⁴ Quinban na co che ri ranima' ri ajawinel quixuterenej c'ut, quinc'ut c'u ri nu cuinem puwi' ri are xukuje' paquiwi' conojel ri rajch'ojab. Cäquetamaj na ri aj ejiptib chi in ri' ri Ajawaxel.” Je c'u xquiban ri aj israelib.

Elem 14:4 Referans Kwoze

Romanos 9:17

Are c'u ri Tz'ibatalic cubij chi ri Dios xubij che ri ajawinel re Ejipt: “Xinnimarisaj a k'ij, rech quinc'ut chquiwäch ri winak chi c'o na nu cuinem in chawäch at, rech cätzijox na ri nu bi' cho ronojel ri uwächulew.”

Elem 7:5

Aretak c'u nu banom chi c'ax che ri Ejipt, xukuje' e wesam chi bic ri aj israelib, ri e aj ejiptib cäquetamaj na chi in ri' ri Ajawaxel.”

Elem 7:3

Ri in quinban na che ri ajawinel chi co cutac'aba' rib, quebenban c'u na q'ui tak etal xukuje' jastak ri e mayibal pa Ejipt.

Elem 9:16

c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

Elem 7:17

Jewa' u bim ri Ajawaxel: Camic quetamaj na la chi in ri' ri Ajawaxel: Aretak quinjabuj ri nu ch'amiy ri c'o pa nu k'ab puwi' ri nima' Nil, ri ja' caq'uex taj na pa quic'.

Romanos 11:8

Jas ri tz'ibatalic: “Ri Dios xuya' jun uxlabal siquirinak chque bak'wächaj ri man queca'y taj, xiquinaj ri man quetan taj, c'ä pa ri k'ij camic.”

Ri Ezequiel 39:13

Conojel ri winak calatz'ob na qui wäch che qui mukic, jun c'u nimarisabal qui k'ij wa'. Pa ri k'ij ri' quinc'ut na ri nu juluwem. In, ri Ajawaxel quinjiquiba' u bixic.

Ri Ezequiel 28:22

chabij che: ‘Are wa' cubij ri Ajawaxel: In quink'alajisaj wib chi at nu c'ulel, Sidon; pa a niq'uiajil cäya' wi na nu k'ij. Aretak c'u chenc'äjisaj a wäch je c'u u c'utic wa' ri nu tastajic quinbano, cach'obataj c'u na chi in ri' ri Ajawaxel.

Ri Ezequiel 20:9

Man c'u xinban taj, xa' c'u ne are xebenwesaj ulok chupam ri ulew Ejipt, rech man cäyok' taj ri nu bi' chquixo'l ri nimak tak tinimit ri e jekel wi pa qui niq'uiajil, chquiwäch c'u ne we nimak tak tinimit ri'. Xinc'utunisaj wib chquiwäch nu chi'm c'u chque chi quebenwesaj ulok pa Ejipt.

Ri Nehemiy 9:10

Xeban la nimak tak etal xukuje' tak mayibal che u c'ulelaxic ri paraon, xukuje' che qui c'ulelaxic ri e pataninel tak rech xukuje' conojel tak ri winak re ri rulew, rumal rech chi xil la ri c'axc'olil ri xquiban we winak ri' chque ri aj israelib. Xban c'u la chi xnimarisax ri k'ij la jacha' ri u banom camic.

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Elem 14:8

Ri Ajawaxel xubano chi co xutac'aba' rib ri ajawinel quebuterenej c'ut ri aj israelib, pune' c'u e elinak ulok wa' ruc' nimalaj cuinem.

Romanos 9:18

Jeri' ri Dios quel u c'u'x che apachin ri cäraj quel wi u c'u'x. Cucowirisaj c'u ri ranima' apachin ri cäraj cucowirisaj.

Elem 10:27

Are' c'u ri Ajawaxel xubano chi ri ajawinel paraon co xutac'aba' rib. Man xraj taj xebe ri aj israelib.

Elem 14:3

Ri ajawinel cuchomaj na chi ri aj israelib man cäquich'ob taj jawije' ri quebe wi. E sachinak c'u pa ri chaki'j uwo sak.

Elem 14:5

Xya' c'u u bixic che ri ajawinel pa Ejipt chi xebanimaj bic ri aj israelib, chanim xuq'uex ri u chomanic ri ajawinel chquij ri aj israelib xukuje' je xquiban ri e rach k'atal tak tzij, xquibij: “¿Jasche xujch'äctajic chi xekatzokopij bic ri aj israelib rech man quechacun ta chic chke?”

Elem 14:23

Conojel ri rajquiejab ri ajawinel xukuje' ri e u carwaj xeteri bic chquij ri aj israelib c'ä pa u niq'uiajil ri plo;

Elem 14:25

xebujok'opij ri e qui carwaj, man quebin ta chic. Ri aj ejiptib xquibij: “Chujanimaj chquiwäch ri aj israelib, are cätajin cäch'ojin ri Ajawaxel che qui to'ic xukuje' che u banic c'ax chke.”

Aj Levitib 10:3

Xubij c'u ri Moises che ri Aaron: “Are wa' ri xraj ri Ajawaxel xubij: ‘Chque ri quenakajin chwe quinc'ut wi na ri nu tastajic, chquiwäch conojel ri aj israelib quinc'ut na ri nu juluwem.’ ” Man c'o ta c'u jas xubij ri Aaron.

Ri Ezequiel 32:15

Aretak chinjalwächij ri Ejipt pa jun chaki'j uwo sak cätoli' c'u can ri ulew, man e c'o ta chi u winakil, c'äte ri' caquich'ob na chi in ri' ri Ajawaxel.’ ”

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 10:2

rech xukuje' ri at catzijoj chque ri a c'ojol, ri e u wi' tak a mam ri xinban che retz'bexic qui wäch ri aj ejiptib, xukuje' ri nimak tak mayibal ri xinban chquixo'l. Jeri' quiwetamaj na chi in ri' ri Ajawaxel.”

Elem 12:28

xebe c'u che u banic ronojel jacha' ri takanic ri u yo'm ri Ajawaxel che ri Moises rachilam ri Aaron.

Ri Josue 11:20

are' c'u ri Ajawaxel xbanowic chi ri e c'ulel xquicowirisaj ri canima' xquik'atij c'u qui wäch ri aj israelib rech man ruc' ta elebal c'uxaj, ri aj israelib caquiq'uis tzij paquiwi', je jacha' ri takanic ri u yo'm ri Ajawaxel che Moises.

K'atal tak Tzij 4:7

Ri in quintak ulok ri Sisara ri c'amal qui be ri e rajch'ojab ri Jabin, rech cäpe chuchi' ri alaj nima' Sison, che u banic ch'o'j awuc' cuc' ri u carwaj xukuje' ri rajch'ojab. Are c'u ri in quebenjach na pa a k'ab.’

Ri Ezequiel 38:16

catch'ojin c'u na ruc' ri nu tinimit Israel. At, Gog, cach'uk na ri ulew jacha' jun nimalaj sutz' ri sibalaj k'ek. Pa we q'uisbal tak k'ij ri' quinban na chawe chi catpe na che u banic c'ax che ri wulew, rech rumal awech ri niq'uiaj nimak tak tinimit chic caquich'ob na nu wäch aretak chinc'ut ri nu tastajic chquiwäch.

Ri Ezequiel 38:23

Je c'u quinban wa' che u c'utic ri nu nimalil xukuje' ri nu tastajic chquiwäch ri tinimit winak. In quinc'utunisaj na wib chquiwäch we winak ri', caquich'ob c'u na chi in ri' ri Ajawaxel.”