Elem 14:25 - Quiché Bible

²⁵ xebujok'opij ri e qui carwaj, man quebin ta chic. Ri aj ejiptib xquibij: “Chujanimaj chquiwäch ri aj israelib, are cätajin cäch'ojin ri Ajawaxel che qui to'ic xukuje' che u banic c'ax chke.”

Elem 14:25 Referans Kwoze

Elem 14:14

Mixoc il, ri Ajawaxel are cäch'ojin na che i q'uexwäch.”

Ri Jeremiy 51:21

Catinwachilaj che qui k'ajisaxic tak ri quiej xukuje' tak ri ajquiejab, carwaj xukuje' ri e u c'al tak quech.

Ri Job 20:24

We cäto'taj chuwäch jun ch'ojibal re räx ch'ich', cariktaj na rumal jun q'uiakbal ch'ab re k'an ch'ich'.

U Camulixic ri Pixab 3:22

Maxe'j ba awib chquiwäch; rumal rech chi ri Ajawaxel ri a Dios are cäch'ojin na che i q'uexwäch.’ ”

Ri Amos 9:1

Xinwil ri Ajawaxel, ri c'o chuxcut ri porobal xubij c'u chwe: “Chebatactobisaj tak ri e qui jolom tak ri rakan ja c'ä chetactob tak na ri apal; ¡chetzakok qui banom ch'akatak paquiwi' tak ri winak! E are' tak c'ut ri quec'asi' canok quebencämisaj na ruc' ch'ich' re ch'o'j: pune' quequitijtojibej quebanimajic mawi ta ne xa' ta jun cäto'tajic;

Ri Amos 5:19

Xak junam ruc' ri aretak canimaj jun chuwäch jun coj cupuq'uij c'u rib ruc' jun os, o jacha' aretak jun coc chupam ri rachoch, cutok'ej c'u rib che ri tapia, cacatz c'u rumal jun cumätz.

Salmib 76:6

Ri carwaj xukuje' ri quiej man quecuin ta chic queslabic aretak ri lal, nu Dios u Dios ri Jacob, cäcoj la qui xib.

Salmib 68:12

“¡Cätajin quebanimaj tak ri ajawinelab cachil ri e cajch'ojab!” Ri ixokib cho tak ri cachoch, cätajin cäquijach ri xtokix chque ri c'ulel,

Salmib 46:9

U q'uisom qui tza'm ri ch'o'j c'ä pa ri q'uisbal u jutz' ri uwächulew; e u k'ajisam tak ri q'uiakbal ch'ab, e u muchum tak ri tz'imaj ch'ich', ¡e u porom tak ri carwaj re ch'o'j!

Ri Job 27:22

man ruc' ta tok'obisan wächaj cäpe na puwi', pune' cutzucuj u to'ic rib.

Ri Job 11:20

E are' c'u ri itzel tak winak, xak lok' caquitzucuj na jachin cabanow tok'ob chque; man caquirik ta c'u na jun c'olbal jawije' ri caquito' ta wi na quib, xuwi c'u eyebal qui c'u'x ri cämical.”

Ri Amos 1:14

Rumal ri' quincoj na k'ak' chque ri nimak tak u tapia ri Raba, are c'u we k'ak' ri' cusachisaj qui wäch tak ri nimak tak cachoch querachilaj rakoj tak chi'aj re ch'o'j xukuje' tininem quech u k'ijol cakulja.

K'atal tak Tzij 4:15

are c'u ri Ajawaxel xucoj xe'n ib chquixo'l ri aj carwaj xukuje' chquixo'l ri rajch'ojab ri Sisara pa ri jok'otaj aretak rajawaxic xutac'aba' ta rib chuwäch ri u ch'ich' ri Barac; xukuje' ne ri kas Sisara xel chupam ri u carwaj xanimaj chi rakan.

Elem 14:4

Quinban na co che ri ranima' ri ajawinel quixuterenej c'ut, quinc'ut c'u ri nu cuinem puwi' ri are xukuje' paquiwi' conojel ri rajch'ojab. Cäquetamaj na ri aj ejiptib chi in ri' ri Ajawaxel.” Je c'u xquiban ri aj israelib.

Elem 14:18

Aretak nu c'utum chic ri nu cuinem puwi' ri ajawinel, paquiwi' ri u carwaj xukuje' paquiwi' ri cajquiejab, ri aj ejiptib cäquetamaj na chi in ri' ri Ajawaxel.”

U Camulixic ri Pixab 32:31

Sibalaj queta'm ri ka c'ulel chi ri to'l quech man junam ta ruc' ri kech uj.

Ri Nehemiy 6:16

Ri qui banom qui c'ulel chke xquetamaj xukuje' conojel tak ri nimak tak tinimit ri e c'o tak chkanakaj sibalaj xquixe'j quib xebirbob c'ut, xquich'ob na chi we chac ri' ri q'uisom u banic xban ruc' ri u to'banic ri ka Dios.

Elem 15:3

Ri Ajawaxel are jun nimalaj ch'ojinel, Ajawaxel ¡are u bi' wa'!

U Camulixic ri Pixab 1:30

Ri Ajawaxel ri i Dios are cänabej chiwäch, are cäch'ojin na che i q'uexwäch jas ri xiwilo ri xuban pa Ejipt,

Ri Josue 10:14

Mawi nabe mawi c'äte c'ulmatajinak ta jun k'ij jacha' ri k'ij ri' chi ri Ajawaxel xuta' ri u ch'abal jun winak, are' c'u ri Ajawaxel xch'ojin che u q'uexwäch ri Israel.

Ucab Tzijobelil 20:29

Aretak xetamatajic chi ri Ajawaxel are' ri xucoj u chuk'ab cuc' ri u c'ulel ri Israel, conojel ri nimak tak tinimit xenoj che xe'n ib chuwäch ri Dios.

Ri Nehemiy 4:14

Aretak c'u xinwilo chi caquixe'j quib, xintac'aba' wib xinbij chque ri nimak tak qui banic, chque ri quek'atow tak tzij xukuje' chque ri e u tz'akatil ri tinimit: “Mixe'j iwib chquiwäch. Chnataj chwe chi ri Ajawaxel nimalaj xukuje' xibibal, chicojo' i chuk'ab che qui q'uexwäch ri e i winakil che qui q'uexwäch tak ri e i c'ojol ri e i mia'l, ri e iwixokil xukuje' tak ri e iwachoch.”

Ri Nehemiy 9:11

Xpac la ri plo chquiwäch, xeboc'ow c'u chuxo'l pa chaki'j ulew; xejik'isaj la ri e okataninak c'ä chuxe' ri plo, e jacha' jun abaj ri cäkaj chuxe' ri ja'.

Salmib 35:1

Ajawaxel, walij la chquij ri quewalij che nu c'ulelaxic; k'atij la qui wäch ri cäquik'atij nu wäch.

Ri Isaiy 31:4

Ri Ajawaxel xubij chwe: “Jacha' jun coj ri u cämisam jun chij man cuxe'j ta rib chquiwäch ri ajyuk'ab, pune' conojel cäquimulij quib chrij cäquixibij c'u ruc' rakoj tak chi'aj, jewa' ri u petic ri Ajawaxel ri c'o ronojel u cuinem cuto' na u wi' ri u tinimit puwi' ri juyub Sion.