Elem 14:21 - Quiché Bible

²¹ Ri Moises xuyuk ri u k'ab puwi' ri plo, xuban c'u ri Ajawaxel chi xupac rib ri plo rumal jun nimalaj quiakik' ri xpe pa elebal k'ij ronojel ri jun ak'ab ri'. Xuban c'u quieb che ri plo xux chaki'j ulew.

Elem 14:21 Referans Kwoze

Ri Isaiy 63:12

ri xbanowic chi ri juluwemalaj u cuinem xrachilaj ri Moises, ri xbanow quieb che ri plo chuwäch ri u tinimit, rech cänimar u k'ij chbe k'ij sak,

Elem 15:8

Co xxut'uj la ri plo, xupac c'u rib; ri qui wäch ri ja' xquimulij quib jacha' jun tapia; ri najalaj u xe' ri plo xcowiric.

Salmib 66:6

Xuq'uex ri plo pa chaki'j ulew, ri e ka mam xeboc'ow chupam ri nima' chicakan; ¡chujquicot pa ri Dios!

Ri Isaiy 51:10

xtzajisaj la ri plo, ri u ja'il ri nimalaj siwan, xban la be che ri u pam ri plo rech queboc'ow ri e torotajinak ulok.

Salmib 78:13

Xuban quieb che ri plo xeroc'owisaj c'u chupam, ri ja' xux jacha' jun nim tapia.

Salmib 74:13

Xban la quieb che ri plo ruc' ri cuinem la; xpaxij la ri qui jolom ri nimak tak awaj ri e c'o chupam ri plo;

Ri Nehemiy 9:11

Xpac la ri plo chquiwäch, xeboc'ow c'u chuxo'l pa chaki'j ulew; xejik'isaj la ri e okataninak c'ä chuxe' ri plo, e jacha' jun abaj ri cäkaj chuxe' ri ja'.

Ri Josue 4:23

xukuje' ri xuban ri Ajawaxel ri u Dios xuchaki'jarisaj ri u ja'il ri Jordan aretak xixoc'ow ix, jacha' ri u chaki'jarisaxic canok ri Quiäk Plo aretak xujoc'ow uj.

Salmib 136:13

Che ri xuban quieb che ri Quiäk Plo, junalic c'ut ri u lok'ok'ebal c'u'x.

Elem 14:16

Ri at chayaca' ri a ch'ämiy chicaj, chayuku' ri a k'ab chabana' quieb che ri plo rech queboc'ow ri aj israelib chupam pa chaki'jal.

Ri Isaiy 51:15

In ri Ajawaxel ri a Dios, ri nu bi' are Ajawaxel ri c'o ronojel u cuinem in xinslaban ri plo xewalij c'u ri e u rekbala',

Ri Job 26:12

Ruc' ri u chuk'ab xtakan puwi' ri plo; ruc' ri u nawiquil xuch'äc ri jilijic Rahab.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

Chapletajic 8:1

Xnataj ri Noe che ri Dios xukuje' xenataj conojel ri awaj che ri e c'o ruc' ri Noe pa ri jucub. Xutak ulok jun quiakik' puwi' ri uwächulew, nojim xbutzajic ri ja';

Elem 7:19

Xutakej u bixic ri Ajawaxel che ri Moises: “Chabij che ri Aaron chi chuc'ama' ri u ch'ämiy, chuyuku' ri u k'ab paquiwi' tak ri nima', ri qui q'uiyibal tak ja', paquiwi' tak ri cho xukuje' ri e c'o wi tak ja' pa Ejipt: puwi' ronojel ri c'o ja' chupam, rech cäjalwächitaj pa quic'. ¡Jeri' xuwi quic' cäriktaj na pa tak ri c'olbal tak ja' we re che' o re abaj!”

Elem 14:20

Xcanaj c'ut ri jutac'aj sutz' chquixo'l ri aj ejiptib cuc' ri aj israelib; xux c'u k'eku'm ri sutz' chque ri aj ejiptib, are c'u ri chque ri aj israelib are chäj ri cac'utuw ri qui be. Rumal ri' pa ronojel ri jun ak'ab ri' mawi jubik' xenakajin ri aj ejiptib chque ri aj israelib.

Ri Josue 2:10

Keta'm chi aretak xixel ulok pa Ejipt, ri Ajawaxel xuchaki'jarisaj ri u ja'il ri Quiäk Plo rech cuya' quixoc'owic. Xukuje' keta'm chi ri ix xiq'uis tzij puwi' ri Sehon xukuje' ri Og, ri quieb cajawinel ri aj amoreyib ri' e c'o ch'käp che ri Jordan.

Ri Josue 3:17

Ronojel ri tinimit xoc'ow chupam ri Jordan pa chaki'jal, aretak ri e cojol tabal tok'ob ri e uc'aninak ri caxa ri c'o wi ri u c'ulwächinic ri Ajawaxel canajinak pa u niq'uiajil ri Jordan, co tac'al pa chaki'j ulew.

Ucab Ajawinelab 2:8

Xpe c'u ri Eliy xuc'am ri u k'u', xuban jun bolobic che xupak'ij c'ut ri ja', xuban c'u quieb ri ja', qui cabichal c'ut xek'ax chupam ri nima' jacha' ta ne pa chaki'j ulew.

Ri Isaiy 23:11

Ri Ajawaxel xulic' ri u k'ab puwi' ri plo, xebuyicopisaj ri nimak tak tinimit xutak qui wulixic ri e u cowirisabal ri Canaan.

Ri Isaiy 43:16

Ri Ajawaxel xujak jun be chupam ri plo, jun alaj be pa tak ri ja' ri quebulk'atic;

Ri Isaiy 50:2

¿Jasche, aretak xinulic man c'o ta jachin xinriko? ¿Jasche, aretak xinsiq'uinic, man c'o ta jun xch'aw chwe? ¿La are pa i c'u'x chi man quincuin ta che i toric? ¿La are pa i c'u'x chi man quincuin ta che i tzokopixic? Cubana' jun takanic ri quinya'o chi cächaki'jar ri plo, e are tak c'ut ri nima' quebux chaki'j uwo sak rech quecäm ri cär rumal chakij chi', quepuk'pup c'ut rumal rech chi man c'o ta ja'.

Ri Isaiy 63:13

ri xubano chi xek'ax pa ri plo man xejilijob ta c'ut, e jacha' quiej chupam ri chaki'j uwo sak,

Ri Habacuc 3:8

¿La e yactajinak oyowal la, Ajawaxel, chquij tak ri nima'? ¿La nicowinak ri c'anal la chquij tak ri plo? ¿Rumal c'u ri' caquiejen la chquij tak ri e quiej la coc c'u la chupam ri carwaj la ri ch'äcanel?

Ri Job 38:24

¿Jachique tak ri be ri quebutakej ri sakilal aretak cujach rib? ¿Jas ri cuban ri quiakik' rech ri elebal k'ij culic' rib chuwäch ri uwächulew?

Salmib 148:8

¡Ri cakulja, ri sakbach, ri sakalaj tew xukuje' ri mayul! ¡Ri quiakik' ri cäjich'ich'ic ri cunimaj ri u takanic!

Ri Isaiy 44:27

In quincuinic quinya' takanic chi cätzaj ri nimalaj plo, xukuje' chi ri e nima' chi chebux chaki'j beya'.