Elem 14:19 - Quiché Bible

¹⁹ Pa ri jok'otaj ri' ri aj cajalaj u tako'n ri Dios xukuje' ri jutac'aj sutz' ri nabejinak chquiwäch ri aj israelib, xquiq'uex ri qui c'olbal xek'ax chquij.

Elem 14:19 Referans Kwoze

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Elem 32:34

Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

Ajilanic 20:16

xkata' c'ut to'banic che ri Ajawaxel, ri are' xutatabej c'ut ri ka rakoj tak chi'aj xutak c'ut jun tako'n ri xujresaj ulok pa Ejipt. Uj c'o c'u camic chupam ri tinimit re Cades, uj c'o c'ut chunakaj ri u c'ulbatil ri awulew.

Elem 14:24

aretak c'u xpe u sakaric, ri Ajawaxel xebuca'yej ri ajch'ojab aj ejiptib pa ri jutac'aj k'ak' xukuje' pa ri jutac'aj sutz', xebuyojij c'ut;

Elem 14:20

Xcanaj c'ut ri jutac'aj sutz' chquixo'l ri aj ejiptib cuc' ri aj israelib; xux c'u k'eku'm ri sutz' chque ri aj ejiptib, are c'u ri chque ri aj israelib are chäj ri cac'utuw ri qui be. Rumal ri' pa ronojel ri jun ak'ab ri' mawi jubik' xenakajin ri aj ejiptib chque ri aj israelib.

Salmib 77:20

Xc'am la u be ri tinimit la jacha' jumulaj chij, rumal ri Moises xukuje' ri Aaron.

Salmib 78:53

utz xuban bic che qui c'amic rech man cäquixe'j ta quib, e are' c'u ri e qui c'ulel xemuktaj can chupam ri plo.

Ri Isaiy 52:12

Man rajawaxic ta c'ut quixel ulok ruc' aninakil, mawi rajawaxic xa quixanimaj ulok, rumal rech chi ri Ajawaxel ri u Dios ri Israel, quixuchajij na pa tak i xcut.

Ri Isaiy 58:8

We je caban wa', cäjuluw na ri a chaj, jacha' aretak cäpe u sakaric, man cäbeytaj ta c'u qui cunatajic tak ri e a socotajic. Ri a suq'uil cänabej na chawäch cäteri c'u ri nu juluwem chawij.

Ri Osey 12:13

Rumal jun k'axal tzij, ri Ajawaxel xresaj ulok ri tinimit Israel pa Ejipt; ¡rumal c'ut jun k'axal tzij, xuchajij!

Ri Zacariy 12:8

In ri Ajawaxel, quinto' na qui wi' ri e jekel pa Jerusalen. Ri sibalaj e tukarib na chque sibalaj e co na e jacha' ri ajawinel David, e are' tak c'ut ri e rija'lil ri David je quebux na jacha' ri Dios, e jacha' ri u tako'n ri Ajawaxel, ri canabej chquiwäch.

Ri Miquey 2:13

Ri Dios are' ri cajakow na ri qui be, queteri c'u na chrij quebel c'u na bic chuchi' ri oquibal chupam ri tinimit. Ri cajawinel, ri Ajawaxel, cänebej na chquiwäch conojel.