Elem 13:3 - Quiché Bible

³ Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 13:3 Referans Kwoze

U Camulixic ri Pixab 24:18

Mäsach pa i jolom chi xukuje' ri ix xixux na lok'om pataninelab pa Ejipt, are c'u ri Ajawaxel ri i Dios xixresaj ulok chila'; rumal ri' quixintako chi quiban ronojel wa'.

U Camulixic ri Pixab 5:15

Chnataj chawe chi xatc'oji' na che lok'om pataninel pa Ejipt, are c'u ri Ajawaxel ri a Dios xatresaj ulok chila' ruc' nimalaj chuk'ab. Rumal c'u ri' ri Ajawaxel ri a Dios catutako chi man catchacun ta pa ri k'ij re uxlanem.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

U Camulixic ri Pixab 16:12

Chnataj chiwe chi xukuje' ri ix xixux na lok'om pataninelab pa Ejipt; rumal ri' chixoc che qui nimaxic tak we pixab ri'.

U Camulixic ri Pixab 5:6

‘In ri Ajawaxel ri a Dios ri xatesan ulok pa Ejipt, ri at uxinak wi lok'om pataninel.

U Camulixic ri Pixab 15:15

Mäsach pa a jolom chi ri at xukuje' xatux can lok'om pataninel lok'om pa Ejipt, are c'u ri Ajawaxel ri a Dios xyo'w ri a tzopitajem. Rumal ri' quinya' we takanic ri' chawe camic.

U Camulixic ri Pixab 6:12

Aretak cäc'ulmataj wa', chixoc il, mäsach ri Ajawaxel ri Dios pa i jolom ri xixelesan ulok pa Ejipt jawije' ri xixpatanin wi jacha' ri cäban chque ri lok'om tak pataninelab.

U Camulixic ri Pixab 16:3

Ri awaj ri capilic quitijo, cärachilaj caxlanwa ri man caya' ta ch'am ruc'. Wukub k'ij quitij ri caxlanwa ri man caya' ta ch'am ruc', are c'u caxlanwa wa' re ri rikoj c'ax, ruc' aninakil c'ut xixel ulok pa Ejipt; jeri' joropa' k'ij quixc'asi'c, cänataj na ri k'ij chiwe ri xixel ulok pa Ejipt.

U Camulixic ri Pixab 8:14

Miban nimal mawi mäsach ri Ajawaxel ri i Dios pa i jolom ri xixresaj ulok pa Ejipt, jawije' xixc'oji' wi na che patanijic;

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Ri Josue 24:17

Ri Ajawaxel are' ri xujesan ulok uj xukuje' ri e ka mam pa Ejipt, ri xujcoj wi na che lok'om pataninelab. Are' c'ut ri xebuban q'ui tak mayibalil chkawäch, xukuje' are' ri xujtok'en ulok xujuto' ulok pa ronojel ri be ri ka banom ulok, aretak xujoc'ow ulok pa conojel tak ri tinimit.

U Camulixic ri Pixab 13:10

Chabujij che abaj c'ä cäcäm na, rumal rech chi are ta xraj xatutas can chrij ri Ajawaxel ri a Dios ri xatesan ulok pa Ejipt, ri at c'o wi che lok'om pataninel.

U Camulixic ri Pixab 24:22

Chnataj chiwe chi xukuje' ri ix xixux lok'om pataninelab pa Ejipt; rumal ri' quixintako chi quiban ronojel wa'.”

Elem 12:42

Pa ri chak'ab ri' ri Ajawaxel xerilij che quesaxic ulok pa Ejipt. Are' chak'ab wa' aj Ajawaxel, ri chak'ab ri che u ya'ic u k'ij, ri aj israelib rajawaxic quequilij, chi ija'lil chi ija'lil.

U Camulixic ri Pixab 13:5

Are c'u we k'axal tzij ri', o ri quec'utun jastak chuwäch, cac'okox na che cämical u mac rech chi xucoj i c'u'x che u tasic iwib chrij ri Ajawaxel ri i Dios ri xixutor chupam ri pataninic ri xixc'oji' wi pa Ejipt, xukuje' rumal rech chi xucoj u chuk'ab chiwe chi qui yacan ri be ri ix u takom ri Ajawaxel ri i Dios chi qui takej. Je quiban wa' che u sachic u wäch ri etzelal ri cac'oji' chixo'l.

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Elem 23:15

Chawoc'owisaj ri nimak'ij re ri caxlanwa ri man cäya' ta ch'am ruc', je chabana' jacha' ri takanic ri nu yo'm chawe, pa we nimak'ij ri' wukub k'ij catij caxlanwa ri man cäya' ta ch'am ruc'. Cäban we nimak'ij ri' pa ri ic' Abib are c'u ic' wa' ri xatel ulok pa Ejipt. Man c'o ta c'u jun ri cuya' copan che wilic ri ma ta c'o jas ruc'am ulok.

Elem 20:8

Chanataj ri k'ij re uxlanem chawe, che u tasic che ri Ajawaxel.

Elem 12:19

Wukub k'ij mäc'oji' ch'am pa tak ri iwachoch, apachin ta ne ri cutij caxlanwa ri yo'm ch'am ruc' quesax na ri u bi' chquixo'l ri aj israelib, we i winakil, we man winakil taj.

Elem 12:8

Pa ri ak'ab ri' cäquitij na ti'j ri cäsa' cho k'ak' rachilam c'ayilaj tak ichaj xukuje' caxlanwa ri man caya' ta ch'am ruc'.

Elem 6:1

Xubij c'ut ri Ajawaxel che ri Moises: “Cawil c'u na ri quinban che ri ajawinel, xak xuwi c'ut rumal ri chuk'ab cuya' na chiwe chi quixel bic pa ri rulew; c'o chi c'u na jubik', kas are' cäbin na chiwe chi quixel bic.”

Elem 3:20

Rumal ri', quinc'ut na ri nu cuinem quebensoc na ri aj ejiptib ruc' cämical cumal conojel ri mayibal ri quinbana' na pa ri culew; c'äte ri' quixutzokopij na ri ajawinel.

Elem 12:15

Wukub k'ij quitij caxlanwa ri man caya' ta ch'am ruc'; rumal ri' kas pa ri nabe k'ij man cuya' taj cac'oji' ch'am pa tak ri iwachoch. Apachin ta ne ri cutij caxlanwa ri yo'm ch'am ruc' pa ronojel ri wukub k'ij, quesax ri u bi' chquixo'l ri aj israelib.

Salmib 105:5

Chenataj chiwe ri e nimak tak u chac xukuje' e mayibal, xukuje' ri pixab ri e tz'ibam ri e u yo'm qui bixic;

Efesios 1:19

chi sibalaj nim ri u cuinem chke ri uj cojonelab, jas ri nimalaj chuk'ab xukuje' cuinem ri xucoj ri Dios,

1 Corintios 11:24

aretak ya'tajinak chic ri maltioxinic rumal che ri Dios, xupiro je c'u xubij wa': “Are' nu cuerp wa', ri jachom che cämical che u banic utzil chiwe. Chibana' wa' che nu nataxic.”

1 Corintios 5:8

Je c'u ri', chkabana' ri nimak'ij re ri oc'owem, man ruc' ta ri ojer ch'am, mawi ruc' ri ch'am re etzelal, re u banic itzel tak jastak. Xane' chkabana' ruc' caxlanwa ri man c'o ta ch'am ruc'. Man ruc' ta quieb kanima', xane' ruc' kastzij.

Ri Lucax 22:19

Xuc'am ri wa, xumaltioxij che ri Dios, xupiro, xuya' chque ri u tijoxelab, xubij: “Are nu cuerp wa', ri jachom u mac iwech. Chitija' wa' che natabal wech.”

Ri Nehemiy 9:10

Xeban la nimak tak etal xukuje' tak mayibal che u c'ulelaxic ri paraon, xukuje' che qui c'ulelaxic ri e pataninel tak rech xukuje' conojel tak ri winak re ri rulew, rumal rech chi xil la ri c'axc'olil ri xquiban we winak ri' chque ri aj israelib. Xban c'u la chi xnimarisax ri k'ij la jacha' ri u banom camic.

Nabe Tzijobelil 16:12

Chenataj tak ri nimak tak u chac chiwe ri xukuje' e mayibal, xukuje' tak ri u colomibal ri e u yo'm tak u bixic:

Ri Matey 10:12

Aretak c'u quixoc pa jun ja, chiya' rutzil qui wäch ri ajchak'e ri ja.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 7:4

Ri ajawinel man cunimaj taj ri quibij na che c'ä quinban na c'ax che ri Ejipt, che resaxic bic ri nu tinimit Israel.

Elem 12:17

Ri nimak'ij que ri caxlanwa ri man cäya' ta ch'am cuc' are jun k'ij ri qui nimak'ijaj na rumal rech chi kas pa ri k'ij ri' xixinwesaj ulok pa Ejipt chnimalaj iwonojel. Quinimak'ijaj na jacha' jun pixab ri cäjeki' canok ri quecoc'owisaj ri e tat nan xukuje' ri alc'ualaxelab.

Elem 13:9

Je ta ne ri c'o ta jun iwetal che ri i k'ab, o che ri i palaj, rech amak'el cänataj ri u pixab ri Ajawaxel chiwe, are c'u xixesan ulok pa Ejipt ruc' ri nimalaj u cuinem.

U Camulixic ri Pixab 7:8

Ri Ajawaxel xixresaj ulok pa Ejipt, jawije' xixc'oji' wi na che lok'om pataninelab lok'om, ruc' c'u nimalaj cuinem xixresaj ulok pa u k'ab ri ajawinel re Ejipt, ix c'u lok' chuwäch, kas c'u je xubano jas ri xuchi'j chque ri e i mam.

Nabe Ajawinelab 8:42

cuban c'u ch'awem uc' la chusuq'uil we achoch la ri' (cätataj c'u ya' u tzijol ri bi' la ri sibalaj nim u banic xukuje' ri nimalaj u jabuxic ri cuinem la),

Salmib 114:1

Aretak ri Israel, ri rachoch ri Jacob, xel ulok pa Ejipt, chupam ri itzel tinimit.

Salmib 136:11

Che ri xebesan ulok ri aj israelib pa Ejipt, junalic c'ut ri u lok'ok'ebal c'u'x;

Chapletajic 15:16

Oc'owinak chi quiejeb sient (400) junab quetzelej na ulok ri e awija'lil pa we c'olbal ri', maja' c'u caquitz'akatisaj u banic ri quetzelal ri aj amoreyib.”

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 12:2

“We ic' ri' are jun ic' ri nim u banic chiwäch, are wa' ri nabe ic' chaplebal re ri junab.

Elem 12:41

kas c'u pa ri k'ij aretak xtz'akat ri quiejeb sient ruc' juwinak lajuj (430) junab, conojel ri e c'o chuxe' ri u takanic ri Ajawaxel xebel ulok pa ri rulew ri Ejipt.

Elem 34:18

“Chiwoc'owisaj ri nimak'ij re ri caxlanwa ri man cäya' ta ch'am ruc', je roc'owisaxic quibano jacha' ri takanic ri nu yo'm chiwe, wukub k'ij quitij caxlanwa ri man cäya' ta ch'am ruc'. Ri u k'ijol are ri ic' Abib, chupam c'ut we ic' ri' xixel ulok pa Ejipt.

U Camulixic ri Pixab 6:21

Ix quitzelej na u bixic chque: ‘Uj xujc'oje che u patanixic ri ajawinel pa Ejipt, are c'u ri Ajawaxel xujresaj ulok chila' ruc' nimalaj cuinem.

U Camulixic ri Pixab 9:12

xubij c'u chwe: ‘Chatkaj bic ruc' aninakil, rumal rech chi e macuninak ri winak ri xebawesaj ulok pa Ejipt. Sibalaj chanim xquitastaj quib chrij ri takanic ri xinya' chque, xquiban jun qui dios re ch'ich'.’

U Camulixic ri Pixab 13:6

We ne ri kas awachalal, o ri a c'ojol, o ri a mia'l, o ri awixokil ri a lok', o ri awachil ri sibalaj at utz ruc', cucoj a c'u'x chi c'uyal che' qui k'ijilaxic jule' tak diosib chic ri man aweta'm ta qui wäch, mawi xquetamaj qui wäch ri e a mam,

U Camulixic ri Pixab 13:11

We jewa' quibano, conojel ri aj israelib cäquetamaj na, cäquixe'j c'u na quib che u banic jun etzelal ri junam ruc' wa'.

U Camulixic ri Pixab 16:1

“Aretak curik ri ic' Abib, quinimak'ijaj ri Oc'owem che u ya'ic u k'ij ri Ajawaxel ri i Dios, pa jun chak'ab c'ut re we ic' ri', ri Ajawaxel ri i Dios xixresaj ulok pa Ejipt.

U Camulixic ri Pixab 26:8

xulic' ri nimalaj u cuinem, chupam c'ut nimalaj xibriquil xukuje' tak c'ulmatajic ri man e c'o ta c'o wi, xujresaj ulok chupam ri Ejipt

K'atal tak Tzij 2:12

Xquixutuj can ri Ajawaxel ri qui Dios ri e qui mam ri xebesan ulok pa Ejipt, xquijach quib che qui k'ijilaxic tak ri e qui diosib tak ri winak ri e c'o chquinakaj, xquiyac royowal ri Ajawaxel.

K'atal tak Tzij 6:8

ri Ajawaxel xutak ulok jun k'axal u tzij che u bixic chque: “Je wa' cubij ri Ajawaxel, ri u Dios ri Israel: ‘Ri in xixinwesaj ulok pa Ejipt, jawije' ri xixc'oji' wi na che lok'om pataninelab.

Ri Nehemiy 1:10

Uj uj pataninelab la xukuje' tinimit la, ri xujlok' chi la rumal ri nimalaj cuinem la xukuje' chuk'ab la.

Salmib 89:14

Ri tem re ajawibal la jekel puwi' ri suq'uil xukuje' ri ya'tal u banic; ri lok'ok'ebal c'uxaj xukuje' ri kastzij quebel ulok che c'ulaxic la.

Salmib 136:12

xulic' ri u k'ab ruc' nimalaj cuinem, junalic c'ut ri u lok'ok'ebal c'u'x.

Ri Jeremiy 34:13

“In, ri Ajawaxel, ri u Dios ri Israel, xinban jun c'ulwächinic cuc' ri e i mam aretak xebenwesaj ulok pa Ejipt, ri xepatanij wi jacha' lok'om pataninelab. Xinya' takanic chque

Ri Daniel 9:15

Ajawaxel xukuje' ka Dios, lal xc'ut la ri nimalaj cuinem la aretak xesaj la ulok ri tinimit la pa Ejipt, yo'm c'u la u k'ij ri bi' la pa tak ri k'ij ri' c'ä camic; are c'u ri uj, uj macuninak ka banom ri lawaloyil.