Elem 12:3 - Quiché Bible

³ Chibij chque conojel ri aj israelib ri quinbij chiwe: ‘Pa ri lajuj rajilabal we ic' ri' chijujunal chic'ama' jun alaj ama' chij o jun alaj ama' q'uisic', jun che jujun ja winak.

Elem 12:3 Referans Kwoze

1 Corintios 5:7

Chiwesaj ba' ri ojer ch'am, rech quixux c'ac' k'or, ri man c'o ta ch'am ruc', je jas ri i banic. Ri ka chij re ri oc'owem are ri Crist, ri xcäm che tabal tok'ob cho ri Dios rumal kech.

Ri Xuan 1:29

Chucab k'ij chic ri Xuan xril ri Jesus cätajin cäpe ruc', xubij “Chiwilampe', ri Alaj u Chij ri Dios, ri cäresaj ri qui mac ri winak.

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 1:2

“Chattzijon cuc' ri aj israelib chabij c'u chque chi aretak jun chiwe quebuc'am ulok awaj chwe che sipanic, rajawaxic cäresaj ulok chquixo'l ri u wacax xukuje' chquixo'l ri u chij.

Ri Xuan 12:12

Chucab k'ij chic, ri q'uialaj winak ri xebopan pa ri nimak'ij, aretak xquito chi oquem cuban ri Jesus pa Jerusalen,

Ri Xuan 1:36

Xca'y c'u apan che ri Jesus cätajin cäbin apanok, xubij: “Chiwilampe' ri Alaj u Chij ri Dios.”

Ucab Tzijobelil 35:7

Ri Josiy xebuyaj c'ut chque ri winak ri e aj tinimit ri xeriktaj chila' awaj che roc'owisaxic ri Oc'owem: alaj ama'ib tak chij alaj ama'ib tak q'uisic', e juwinak lajuj mil (30,000) awaj chi conojel, e c'o chi c'u wi na ri oxib mil (3,000) alaj tak ama'ib wacax.

Ajilanic 15:11

Are wa' ri rajawaxic u banic chque jujun ama'ib tak wacax, chque jujun ama'ib tak chij chque jujun alaj mayib tak chij o chque jujun alaj ama'ib tak q'uisic' ri quechi'xic.

Elem 12:6

Quichajij c'u na c'ä pa ri ucajlajuj (14) rajilabal we ic' ri', pa we k'ij ri' conojel ri aj israelib chquijujunal cäquipil ri awaj pa ri benabal k'ij.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 4:30

ri Aaron xutzijoj chque conojel ri winak ronojel ri u bim ri Ajawaxel che ri Moises, xukuje' xebuban ri mayibal chquiwäch ri u bim ri Dios chi quebubano.

Chapletajic 22:8

“Ri Dios cäyo'w na ri chij ri cajwataj che ri tabal tok'ob ri cächajirisaxic, nu c'ojol,” xcha' ri u tat. Xquitakej c'u binem junam.

Chapletajic 4:4

Xukuje' ri Abel xebuc'am bic jujun chque ri nabe tak cal ri e u chij ri e chomak xebuya' che tabal tok'ob chuwäch ri Ajawaxel. Ri Ajawaxel nim xril wi ri Abel, xukuje' ri u sipanic,

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Nabe Samuel 7:9

Ri Samuel xuc'am jun alaj ama' chij ri c'ä cätunic, man c'o ta xresaj che, xuchi'j che tabal tok'ob ri cächajirisaxic chuwäch ri Ajawaxel; xubochi'j c'u ri Ajawaxel paquiwi' ri aj israelib, ri Ajawaxel xuya' che ri Samuel ri xutz'onoj.

Ri Josue 7:14

Chwek chixeltac'al iwonojel pa jujun tak amak', are' c'u ri amak' ri quinc'utu caquitac'aba' na quib pa tak u k'ab achalaxic, ri u k'ab achalaxic ri quinc'utu quebutac'aba' na ri jujun ja winak ri jun ja winak ri quinc'utu quebutac'aba' na ri jujun tak rachijab.

Elem 20:19

Xquibij che ri Moises: “At chujach'abej, cujniman c'u na; mujch'abex c'u rumal ri Dios, mujcäm ne konojel.”

Elem 14:15

Ri Ajawaxel xubij che ri Moises: “¿Jasche catz'onoj ri nu to'banic? Chabij chque ri aj israelib chi cäquitakej ri qui be.

Ri Xuan 12:1

Wakib k'ij cäraj na ri nimak'ij re ri Oc'owem, ri Jesus xopan pa Betan, jawije' ri jekel wi ri Lazaro, ri xc'astajisax chquixo'l ri cäminakib rumal ri Jesus.

Elem 12:2

“We ic' ri' are jun ic' ri nim u banic chiwäch, are wa' ri nabe ic' chaplebal re ri junab.

Elem 12:4

We c'u ne c'o jun ja winak ri xa e quieb oxib pa ri cachoch ri man quecuin ta che u q'uisic ronojel ri awaj, ri ajchak'e ja ruc' ri u c'ulja ri c'o nakaj che, junam cäquitij na, chujacha' chquiwäch joropa' ri e c'olic xukuje' joropa' ri quecuin che u tijic chquijujunal.

Elem 12:21

Ri Moises xutak qui siq'uixic conojel ri nimak tak tatayib aj israelib, xubij chque: “Jix je i c'ama' ulok jun alaj ama' chij o jun alaj ama' q'uisic', jujun che jujun ja winak, chipila' che roc'owisaxic ri Oc'owem.

Ri Ezequiel 40:1

Pa ri lajuj rajilabal ri ic', k'ij c'u wa' re ri c'ac' junab, ri Ajawaxel xuya' ri u k'ab panuwi', pa jun c'utwächinic c'ut xinuk'axej pa ri rulew ri Israel. Tz'akatem cubana' ri juwinak job (25) junab ri uj esam ulok uj c'amom ulok pa Babilon, cajlajuj (14) junab chi c'ut ch'äctajinak ri Jerusalen. Chupam ri rulew ri Israel, ri Ajawaxel xinuya' puwi' jun juyub ri sibalaj naj elinak chicaj; kas chila' c'ut, xinwil wi apan pa ri u mox k'ab ri elebal k'ij, jumulaj ja ri je ta ne cäpe jun tinimit.