Elem 12:27 - Quiché Bible

²⁷ Are wa' ri quitzelej na u bixic: ‘Cäpil we awaj ri' pa ri Oc'owem che u ya'ic u k'ij ri Ajawaxel. Aretak xebucämisaj ri aj ejiptib, xak c'u xoc'ow chuwäch tak ri cachoch ri aj israelib ri e c'o pa Ejipt, je xuban wa' che quito'ic ri kachalaxic ri xec'oji' pa Ejipt.’ ” Ri aj israelib xquimej quib, xek'ijilanic,

Elem 12:27 Referans Kwoze

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Elem 12:11

Qui cojom chic ri catz'iak, ri qui xajäb, xukuje' cuc'am chic ri qui ch'ämiy pa qui k'ab, tijoj rib ri awaj cäquibano rumal rech chi are ri Roc'owem ri Ajawaxel.

1 Corintios 5:7

Chiwesaj ba' ri ojer ch'am, rech quixux c'ac' k'or, ri man c'o ta ch'am ruc', je jas ri i banic. Ri ka chij re ri oc'owem are ri Crist, ri xcäm che tabal tok'ob cho ri Dios rumal kech.

Elem 12:23

Aretak ri Ajawaxel coc'ow che qui cämisaxic ri aj ejiptib, cäril na ri quic' ri bilom chuchi' ri ja ri ix c'o wi, xak coc'ow bic chuwäch ri ja ri'. Jeri' ri Ajawaxel man cuya' ta be che ri cämisanel chi coc pa tak ri ja.

Ri Nehemiy 8:6

Ri Esdras xuk'ijilaj c'ut ri Ajawaxel, ri Dios ri c'o ronojel u cuinem, ronojel c'ut ri tinimit ruc' ri qui k'ab quiwalijisam chicaj, xquitzelej u bixic: “Je' chbanok, je chbanok.” Xquimej c'u quib c'ä xquiya' ri qui palaj cho ri ulew, xquik'ijilaj c'ut ri Ajawaxel.

Ucab Tzijobelil 29:30

Xuya' chi c'u takanic ri ajawinel Ezequiy xukuje' ri e rach k'atal tak tzij chque ri aj levitib chi chquiya' k'ijilanic che ri Ajawaxel cuc' tak ri u bix ri David xukuje' ri e rech ri Asap, ri k'axal tzij. Xquiban c'ut ruc' nimalaj quicotemal, xukuje' xexuquic che u ya'ic k'ijilanic.

Ucab Tzijobelil 20:18

Are c'u ri Josapat xxuquic xupachba' rib c'ä na ri u palaj cho ri ulew, e are' c'ut ri aj Juda xukuje' ri aj Jerusalen xquimej quib chuwäch ri Ajawaxel che u ya'ic k'ijilanic che.

Nabe Tzijobelil 29:20

Chuq'uisbalil c'ut xubij ri David chque conojel ri winak ri qui mulin quib: “Chixk'ijilan ba che ri Ajawaxel ri i Dios.” Conojel c'ut ri winak xek'ijilan che ri Ajawaxel, qui Dios ri e qui mam, xexuqui' c'ut xquimejela' quib chuwäch ri Ajawaxel xukuje' chuwäch ri ajawinel.

U Camulixic ri Pixab 16:5

Man cuya' ta qui chi'j ri tabal tok'ob re ri oc'owem pa apachique tinimit ri cuya' ri Ajawaxel ri i Dios chiwe,

U Camulixic ri Pixab 16:2

Pa ri nimak'ij re ri Oc'owem quebiya' wacax xukuje' tak chij che tabal tok'ob chuwäch ri Ajawaxel ri i Dios, pa ri c'olbal ri cucha' na ri Ajawaxel che u jekelibal ri u bi'.

Elem 34:25

Aretak quebiya' ri awaj che tabal tok'ob, merachilaj quic' xukuje' caxlanwa ri cäya' ch'am ruc', mawi quic'ol ta can ri cäto'taj canok che ri cäpil che ri Oc'owem che ri ucab k'ij.

Elem 34:8

Chanim xumej rib ri Moises, xuk'ijilaj ri Ajawaxel xubij:

Elem 10:2

rech xukuje' ri at catzijoj chque ri a c'ojol, ri e u wi' tak a mam ri xinban che retz'bexic qui wäch ri aj ejiptib, xukuje' ri nimak tak mayibal ri xinban chquixo'l. Jeri' quiwetamaj na chi in ri' ri Ajawaxel.”

Elem 12:28

xebe c'u che u banic ronojel jacha' ri takanic ri u yo'm ri Ajawaxel che ri Moises rachilam ri Aaron.

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Salmib 44:1

Nu Dios, e ka tom cuc' tak ri ka xiquin, e quitzijom tak ri e ka mam chke ri xban la pa tak ri qui k'ijol, pa tak ri ojer tak k'ijol ri e oc'owinak:

Elem 13:8

Pa we k'ij ri' quibij chque ri e iwalc'ual: ‘Quekaban we jastak ri' che u nataxic ri xuban ri Ajawaxel che kesaxic ulok pa Ejipt.

Salmib 78:5

Ri Dios xujekeba' jun pixab che ri Jacob; xujuch' ri be ri rajawaxic cutakej ri Israel, xuya' takanic chque ri e ka mam chi cäquic'ut chquiwäch ri calc'ual,