Elem 12:2 - Quiché Bible

² “We ic' ri' are jun ic' ri nim u banic chiwäch, are wa' ri nabe ic' chaplebal re ri junab.

Elem 12:2 Referans Kwoze

Elem 13:4

Ri ix quixel bic pa we k'ij ri' pa ri ic' re Abib,

U Camulixic ri Pixab 16:1

“Aretak curik ri ic' Abib, quinimak'ijaj ri Oc'owem che u ya'ic u k'ij ri Ajawaxel ri i Dios, pa jun chak'ab c'ut re we ic' ri', ri Ajawaxel ri i Dios xixresaj ulok pa Ejipt.

Elem 34:18

“Chiwoc'owisaj ri nimak'ij re ri caxlanwa ri man cäya' ta ch'am ruc', je roc'owisaxic quibano jacha' ri takanic ri nu yo'm chiwe, wukub k'ij quitij caxlanwa ri man cäya' ta ch'am ruc'. Ri u k'ijol are ri ic' Abib, chupam c'ut we ic' ri' xixel ulok pa Ejipt.

Elem 23:15

Chawoc'owisaj ri nimak'ij re ri caxlanwa ri man cäya' ta ch'am ruc', je chabana' jacha' ri takanic ri nu yo'm chawe, pa we nimak'ij ri' wukub k'ij catij caxlanwa ri man cäya' ta ch'am ruc'. Cäban we nimak'ij ri' pa ri ic' Abib are c'u ic' wa' ri xatel ulok pa Ejipt. Man c'o ta c'u jun ri cuya' copan che wilic ri ma ta c'o jas ruc'am ulok.

Ajilanic 28:16

“Chupam ri cajlajuj k'ij re ri nabe ic' re ri junab caban ri nimak'ij re ri Oc'owem che u ya'ic u k'ij ri Ajawaxel,

Aj Levitib 23:5

Pa ri nabe ic', pa ri ucajlajuj rajilabal ri ic', aretak cakaj ri k'ij, coc'owisax ri oc'owem che u ya'ic u k'ij ri Ajawaxel.

Ri Ester 3:7

Pa ri nabe ic' re ri junab, o are' ri ic' re Nisan, chupam ri cablajuj junab re ri rajawinic ri Asuer, xeq'uiak taklebenic chuwäch ri Aman rech cac'ut ri k'ij xukuje' ri ic' ri takal u banic ri u chomanic, are c'u xutaklebej ri roxlajuj (13) rajilabal ri ucablajuj ic', o are' ri ic' Adar.

Elem 12:1

Ri Ajawaxel xtzijon ruc' ri Moises pa Ejipt, rachilam ri Aaron, xubij chque:

Elem 12:3

Chibij chque conojel ri aj israelib ri quinbij chiwe: ‘Pa ri lajuj rajilabal we ic' ri' chijujunal chic'ama' jun alaj ama' chij o jun alaj ama' q'uisic', jun che jujun ja winak.

Elem 12:18

Quebitij caxlanwa ri man caya' ta ch'am cuc' kas pa ri u benabal k'ij rech ri u ucajlajuj (14) rajilabal ri nabe ic', c'ä pa ri u benabal k'ij rech ri juwinak jun (21) rajilabal ri junam ic' ri'.

Ri Ezequiel 45:18

“In, ri Ajawaxel, quinbij: Pa ri nabe k'ij re ri nabe ic' quichi'j na che tabal tok'ob jun alaj ama' wacax ri ma ta c'o jun u yab, che u ch'ajch'ojirisaxic ri rachoch Dios ri tz'ilotajinak rumal ri macaj.

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 40:17

Je c'u ri', aretak xchapletaj ri ucab junab re ri quelic ulok ri aj israelib pa Ejipt, pa ri nabe k'ij re ri nabe ic', xwoc ri k'ijilabal.

Ri Ezequiel 45:21

Pa ri ucajlajuj rajilabal ri nabe ic' quichaplej roc'owisaxic ri nimak'ij rech ri oc'owem, wukub k'ij quebitij ri caxlanwa ri man cäya' ta ch'am cuc'.