Elem 12:15 - Quiché Bible

¹⁵ Wukub k'ij quitij caxlanwa ri man caya' ta ch'am ruc'; rumal ri' kas pa ri nabe k'ij man cuya' taj cac'oji' ch'am pa tak ri iwachoch. Apachin ta ne ri cutij caxlanwa ri yo'm ch'am ruc' pa ronojel ri wukub k'ij, quesax ri u bi' chquixo'l ri aj israelib.

Elem 12:15 Referans Kwoze

U Camulixic ri Pixab 16:3

Ri awaj ri capilic quitijo, cärachilaj caxlanwa ri man caya' ta ch'am ruc'. Wukub k'ij quitij ri caxlanwa ri man caya' ta ch'am ruc', are c'u caxlanwa wa' re ri rikoj c'ax, ruc' aninakil c'ut xixel ulok pa Ejipt; jeri' joropa' k'ij quixc'asi'c, cänataj na ri k'ij chiwe ri xixel ulok pa Ejipt.

Chapletajic 17:14

Are c'u ri man kopin ta ri u wi' ri qui tz'umal ri achi wi che retal, rajawaxic resaxic chixo'l, rumal rech chi man nim ta rilom wi ri nu c'ulwächinic.”

Ajilanic 9:13

Jachin c'ut ri cutanaba' u banic ri nimak'ij re ri Oc'owem ri ch'ajch'oj c'u ne man naj ta c'u benak wi, rajawaxic quesax chquixo'l ri e u winakil. Man xpe ta c'u che u ya'ic ri sipanic chuwäch ri Ajawaxel pa ri k'ijol ri k'atom, cuc'am na ri c'äjisabal wächaj u mac rech ri u mac.

Elem 34:18

“Chiwoc'owisaj ri nimak'ij re ri caxlanwa ri man cäya' ta ch'am ruc', je roc'owisaxic quibano jacha' ri takanic ri nu yo'm chiwe, wukub k'ij quitij caxlanwa ri man cäya' ta ch'am ruc'. Ri u k'ijol are ri ic' Abib, chupam c'ut we ic' ri' xixel ulok pa Ejipt.

Elem 23:15

Chawoc'owisaj ri nimak'ij re ri caxlanwa ri man cäya' ta ch'am ruc', je chabana' jacha' ri takanic ri nu yo'm chawe, pa we nimak'ij ri' wukub k'ij catij caxlanwa ri man cäya' ta ch'am ruc'. Cäban we nimak'ij ri' pa ri ic' Abib are c'u ic' wa' ri xatel ulok pa Ejipt. Man c'o ta c'u jun ri cuya' copan che wilic ri ma ta c'o jas ruc'am ulok.

U Camulixic ri Pixab 16:8

Wakib k'ij c'ut quitij ri caxlanwa ri man caya' ta ch'am ruc', pa ri uwuk k'ij quiban jun mulin ib ri nim u banic che u ya'ic u k'ij ri Ajawaxel ri i Dios; pa ri k'ij ri' man c'o ta jun u wäch chac quibano.

Ajilanic 28:17

pa ri k'ij olajuj are k'ij re nimak'ij. Wukub k'ij cätij ri caxlanwa ri man caya' ta ch'am ruc'.

Elem 34:25

Aretak quebiya' ri awaj che tabal tok'ob, merachilaj quic' xukuje' caxlanwa ri cäya' ch'am ruc', mawi quic'ol ta can ri cäto'taj canok che ri cäpil che ri Oc'owem che ri ucab k'ij.

Elem 12:8

Pa ri ak'ab ri' cäquitij na ti'j ri cäsa' cho k'ak' rachilam c'ayilaj tak ichaj xukuje' caxlanwa ri man caya' ta ch'am ruc'.

Gálatas 5:12

E are' tak c'ut ri queyo'w latz' chiwe, quinwaj ta ne chi kas e are' chi xa' ta jumul caquik'at quib.

Hechos 12:3

Aretak xrilo chi xkaj chquiwäch ri aj judeyib, xukuje' xuchap ri Lu'. Are c'u k'ijol wa ri quetijow ri caxlanwa ri man caya' ta ch'am cuc'.

Ri Lucax 12:1

Qui mulin quib q'ui mil winak ruc' ri Jesus, jeri' chi cäquitac'alela' quib. Nabe ri Jesus xuchaplej u bixic chque ri u tijoxelab: “Chichajij iwib chuwäch ri qui ch'am ri pariseyib, ri quel cubij ri qui cawächil.

Ri Matey 16:12

C'äte ri' xquich'obo chi man are ta xubij chi cäquichajij quib chuwäch ri ch'am re ri caxlanwa. Xane' xubij chi cäquichajij quib chuwäch ri qui tijonic ri pariseyib xukuje' ri saduseyib.

Ri Malaquiy 2:12

¡C'o ta banom wi chi ri Ajawaxel cusachisaj ta qui wäch ri je tak caquiban wa' pa ri nim ka tinimit, e apachin tak ta ne pune' ta c'u ne quequic'am ulok tak sipanic che ri Ajawaxel ri c'o ronojel u cuinem!

U Camulixic ri Pixab 16:5

Man cuya' ta qui chi'j ri tabal tok'ob re ri oc'owem pa apachique tinimit ri cuya' ri Ajawaxel ri i Dios chiwe,

Aj Levitib 17:14

Rumal rech chi ri quic' are' cayo'w c'aslemal che ronojel c'aslic. Rumal ri' nu bim chiwe chi man qui tij ta quic', are' c'ut cäyo'w c'aslemal che ronojel c'aslic.

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Elem 31:14

Ri k'ij re uxlanem jun tastalicalaj k'ij wa' chiwe, nim chiwila' wi, jachin c'u ri man nim ta cäril wi we k'ij ri', cäcämisaxic. Apachin ta ne ri cuban jun patanijic pa we k'ij ri', quesax ri u bi' chquixo'l ri u winakil.

Ri Lucax 2:43

Aretak c'u xeboc'ow we k'ij ri', xetzelej pa ri qui tinimit, xcanaj c'u can ri alaj Jesus pa Jerusalen, man c'o ta c'u xquinabej ri u nan ri Mariy xukuje' ri Jose.

Elem 30:33

We c'o jachin cusuc'umaj jun aseit ri junam ruc' wa' o cujamij puwi' apachique winak, quesax ri u bi' chquixo'l ri u winakil.’ ”

Ucab Tzijobelil 30:21

Jeri' chi, wukub k'ij xebeytaj ri aj israelib pa Jerusalen ruc' c'u nimalaj quicotemal xcoc'owisaj ri nimak'ij que ri caxlanwa ri man cäya' ta ch'am cuc'. E are' c'u ri e cojol tabal tok'ob xukuje' tak ri aj levitib k'ij chi k'ij xquiya' k'ijilanic che ri Ajawaxel cumal tak ri mayibalalaj tak chaconisan re trompet ri e tastalic.

Ri Esdras 6:22

Wukub k'ij c'ut xcoc'owisaj ruc' quicotemal ri nimak'ij re tak ri caxlanwa ri man cäya' ta ch'am cuc', are c'u ri Ajawaxel xenojisan che quicotemal aretak xubano chi ri ajawinel aj Pers xutok'obisaj qui wäch, xebuto' c'u che ri u banic u yaquic ri Rachoch ri Dios re Israel.

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 30:38

Apachin ta ne ri cusuc'umaj jun c'oc' k'ol chic ri junam ta ruc' wa', ri xak ta are' cäcojowic, quesax ri u bi' chquixo'l ri u winakil.”