Elem 12:14 - Quiché Bible

¹⁴ Are jun k'ij wa' ri takal u nataxic iwumal, quiban jun nimalaj nimak'ij che roc'owisaxic che u ya'ic u k'ij ri Ajawaxel. Pixab wa' ri cäcanaj chiwe amak'el, ri quecoc'owisaj ri e tat nan xukuje' ri alc'ualaxelab.

Elem 12:14 Referans Kwoze

Ucab Ajawinelab 23:21

Ri ajawinel xuya' takanic chi ronojel ri tinimit chroc'owisaj ri Oc'owem che u ya'ic u k'ij ri Ajawaxel ri u Dios, je jas ri tz'ibatal chupam ri wuj rech ri c'ulwächinic.

Elem 12:24

Ri ix quinimaj na we takanic ri' xukuje' ri e u wi' tak i mam ri quepe na, jacha' jun pixab wa' re chbe k'ij sak chiwe.

Elem 12:17

Ri nimak'ij que ri caxlanwa ri man cäya' ta ch'am cuc' are jun k'ij ri qui nimak'ijaj na rumal rech chi kas pa ri k'ij ri' xixinwesaj ulok pa Ejipt chnimalaj iwonojel. Quinimak'ijaj na jacha' jun pixab ri cäjeki' canok ri quecoc'owisaj ri e tat nan xukuje' ri alc'ualaxelab.

Elem 12:43

Ri Ajawaxel xubij che ri Moises rachilam ri Aaron: “Are wa' ri pixab che ri Oc'owem: Mawi jun winak ri man i winakil taj ya'talic cutij ta re ri awaj ri cäpilic,

Ri Matey 26:13

Kastzij quinbij chiwe, chi ronojel c'olbal ri cätzijox wi na we utzalaj tak tzij ri' cho ronojel ri uwächulew, chila' xukuje' cätzijox wi na jas ri xuban we ixok ri' chwe che natabal rech.”

Salmib 135:13

Ajawaxel, ri bi' la re chbe k'ij sak; amak'el cänataxic.

Salmib 111:4

U banom chi man c'o ta qui sachic tak ri mayibal ri e u banom. Ri Ajawaxel ch'uch'uj xukuje' quel u c'u'x;

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.

U Camulixic ri Pixab 16:1

“Aretak curik ri ic' Abib, quinimak'ijaj ri Oc'owem che u ya'ic u k'ij ri Ajawaxel ri i Dios, pa jun chak'ab c'ut re we ic' ri', ri Ajawaxel ri i Dios xixresaj ulok pa Ejipt.

Elem 5:1

Oc'owinak chi c'u wa', ri Moises rachilam ri Aaron xebe che u bixic che ri ajawinel ri paraon xquibij c'u che: “Jewa' u bim ri Ajawaxel ri u Dios ri Israel: ‘Chatzokopij bic ri nu tinimit pa ri chaki'j uwo sak, rech cubana' jun nimak'ij chila' che u ya'ic nu k'ij.’ ”

Ri Lucax 22:19

Xuc'am ri wa, xumaltioxij che ri Dios, xupiro, xuya' chque ri u tijoxelab, xubij: “Are nu cuerp wa', ri jachom u mac iwech. Chitija' wa' che natabal wech.”

Ri Zacariy 6:14

E are tak c'ut ri corona quebux na jun natabal ri quecanaj can chupam ri rachoch ri Ajawaxel che u ya'ic u k'ij ri Helday, ri Tobiy, ri Jedaiy xukuje' ri Josiy (ri Soponiy are' ri u tat ri Josiy).’ ”

Ri Ezequiel 46:14

Junam, xukuje' ak'abibal chi ak'abibal caban na jun sipanic chuwäch ri Ajawaxel re oxlajuj (13) libra qui wächinic tak ri ulew xukuje' jun litro aseit, ri cäk'ij na puwi' ri c'äj. We nak'atisabal ri' takchital u banic amak'el.

Nabe Samuel 30:25

(C'ä pa tak can ri k'ij ri', c'a camic. Je takem u banic pa Israel.)

Ri Josue 4:7

Ix quibij na chque: ‘Aretak ri caxa ri c'o wi ri u c'ulwächinic ri Ajawaxel xoc'ow chupam ri Jordan, ri u ja'il ri nima' xuk'at rib chuwäch ri caxa. We abaj tak ri' quebajwatajic rech amak'el canataj chque ri aj israelib ri xc'ulmataj waral.’ ”

Ajilanic 18:8

Ri Ajawaxel xubij che ri Aaron: “Ri sipanic ri queban tak chwe in e nu jachom pa a k'ab. Conojel ri tastalic tak sipanic ri quequiban ri aj israelib chwe, quebenya' chawe xukuje' chque tak ri a c'ojol e are tak c'u wa' ri e ya'tal chiwe; jun nak'atisabal wa' re amak'el.

Ajilanic 16:40

Jun c'utbal wa' chque ri aj israelib chi man c'o ta jun, ri ma ta e are' ri e rija'lil ri Aaron, cuya' cakeb ta ruc' ri porobal che u chi'xic c'oc' k'ol che ri Ajawaxel; we c'u man jewa' cubano, je cuc'ulmaj na jas ri xuc'ulmaj ri Core xukuje' tak ri xerachilaj. Ronojel c'ut xbanic je jas ri takanic ri xuya' ri Ajawaxel che ri Eleazar rumal ri Moises.

Ajilanic 10:8

Ri quebok'isan tak ri trompet e are' ri cojol tabal tok'ob, ri e rija'lil ri Aaron. Are jun pixab wa' ri cajeki' canok.

Elem 12:6

Quichajij c'u na c'ä pa ri ucajlajuj (14) rajilabal we ic' ri', pa we k'ij ri' conojel ri aj israelib chquijujunal cäquipil ri awaj pa ri benabal k'ij.

Elem 23:15

Chawoc'owisaj ri nimak'ij re ri caxlanwa ri man cäya' ta ch'am ruc', je chabana' jacha' ri takanic ri nu yo'm chawe, pa we nimak'ij ri' wukub k'ij catij caxlanwa ri man cäya' ta ch'am ruc'. Cäban we nimak'ij ri' pa ri ic' Abib are c'u ic' wa' ri xatel ulok pa Ejipt. Man c'o ta c'u jun ri cuya' copan che wilic ri ma ta c'o jas ruc'am ulok.

Aj Levitib 23:6

Pa ri olajuj rajilabal we ic' ri' coc'owisax ri nimak'ij re ri qui tijic ri caxlanwa ri man caya' ta ch'am cuc', wukub k'ij quitij ri caxlanwa ri man cäya' ta ch'am cuc'.

U Camulixic ri Pixab 6:8

Chebaxima' we takomal ri' che ri a k'ab xukuje' cho ri a palaj e jacha' etal,

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Ajilanic 15:15

Xak junam cholajil cajwataj chiwe ix xukuje' chque ri man e i winakil taj; are jun pixab ri cajeki'c, ri caquiban ri tataxelab xukuje' alc'ualaxelab.