Elem 12:13 - Quiché Bible

¹³ Ri quic' are cäc'utuw tak ri ja ri ix c'o wi. Jeri', aretak chebensoco' ri aj ejiptib ruc' cämical, man c'o ta jun chiwe quecämok quinwil c'u na ri quic' xak c'u quinoc'owic.

Elem 12:13 Referans Kwoze

Hebreos 11:28

Rumal ri cojonic, ri Moises xuban ri nimak'ij re Oc'owem xukuje' xuchiquicha' ri quic', rech ri tako'n aj caj ri quebucämisaj ri e nabeal man copan ta cuc' ri aj israelib.

Elem 12:23

Aretak ri Ajawaxel coc'ow che qui cämisaxic ri aj ejiptib, cäril na ri quic' ri bilom chuchi' ri ja ri ix c'o wi, xak coc'ow bic chuwäch ri ja ri'. Jeri' ri Ajawaxel man cuya' ta be che ri cämisanel chi coc pa tak ri ja.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Chapletajic 17:11

Rumal ri' rajawaxic quekopix na ri u wi' ri qui tz'umal ri achijab wi, are c'u cajwataj wa' che retal ri c'ulwächinic ri c'o chkaxo'l iwuc'.

1 Tesalonicenses 1:10

Rech quiweyej ri u C'ojol, ri cäpe na chicaj, ri xc'astajisax rumal chquixo'l ri cäminakib. Are' ri Jesus, ri xujresaj chuwäch ri royowal ri Dios ri cäpe na paquiwi' ri winak.

Ri Josue 2:12

Rumal ri' quintz'onoj chiwe chi chibana' ri chi'nic ri kas cäban na chnuwäch waral, rumal ri Ajawaxel, chi quitok'obisaj qui wäch ri walaxic, je jas ri tok'obisam wächaj ri xinban in chiwe. Chiya' c'u jun etal chwe ri quinjiquiba' ta wi nu c'u'x,

Elem 12:11

Qui cojom chic ri catz'iak, ri qui xajäb, xukuje' cuc'am chic ri qui ch'ämiy pa qui k'ab, tijoj rib ri awaj cäquibano rumal rech chi are ri Roc'owem ri Ajawaxel.

Ri Ezequiel 9:4

xubij c'u che: “Chabinibej ri tinimit Jerusalen, chacojo' jun etal che ri qui palaj ri winak ri caquina' bis xukuje' c'axc'obic qui mac quech ri e xojibalalaj tak jastak ri queban pa Jerusalen.”

Elem 12:7

Cäquic'amaxtaj c'ut ri u quiq'uel ri awaj, cäquibil chque tak ri apal re ri uchi'ja ri cäquitij wi ri awaj.

Ri Josue 2:18

Aretak c'u chujoc pa ri ulew, ri at catzayiba' we quiäk colop ri' chrij ri u chi' ri wenta'n ri xakasabej bic kech. Chebamulij ba' cho awachoch, ri a tat, ri a nan, ri e awachalal xukuje' conojel ri e ralaxic ri a tat.