Elem 10:26 - Quiché Bible

²⁶ Xukuje' ri kawaj quebe na kuc'. Mawi jun awaj cäcanaj canok, quekacha' c'u na jujun chquixo'l ri quekaya' che u ya'ic k'ijilanic che ri Ajawaxel. Cujopan c'u na chila' c'äte ri' caketamaj jachique ri quebajwataj chke che u ya'ic u k'ij ri Ajawaxel.”

Elem 10:26 Referans Kwoze

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

2 Corintios 8:5

Man xiquiban ta c'ut jas ri keye'm, xane' nabe xquijach quib che ri Ajawaxel, te c'u ri' xquijach quib chke uj, jas ri u rayibal ri Dios.

Ri Zacariy 14:20

Chupam ri k'ijol ri', xukuje' ne tak ri e qui tzlintzlin tak ri quiej tz'ibatal we bi'aj ri' chque “Tasom che ri Ajawaxel.” E are tak c'ut ri t'uy ri e c'o chupam ri rachoch ri Dios sibalaj c'u e tastalic chic e jacha' ri nimak tak lak ri e c'o chuwäch ri porobal.

Ri Osey 5:6

Quecachilaj tak ri qui chij xukuje' tak ri e qui wacax quebe na che u tzucuxic ri Ajawaxel, man c'u caquirik ta na rumal rech chi e tzakom can rumal.

Ri Isaiy 23:18

E are tak c'ut ri u ch'äcoj ri cäresaj chrij ri u c'ay, cutas na che ri Ajawaxel; man quec'ol ta mawi quetanixic, xane' cäya' chque ri quepatanin che ri Ajawaxel, rech cäquilok' ronojel u wäch ri cäquitijo xukuje' je'lalaj tak catz'iak.

E C'ambal tak Tzij 3:9

Chebacojo' ri a k'inomal che u ya'ic u k'ij ri Ajawaxel xukuje' ri nabe tak qui wächinic ri awulew;

Elem 12:32

Chebic'ama' bic ri e i chij, ri e i wacax, jas ri xiwaj, jix c'ut. Chitz'onoj tok'ob che ri Ajawaxel panuwi'.”

Elem 10:9

Ri Moises xubij che ri ajawinel: “Quebe na junam kuc' ri kalc'ual xukuje' ri e ka ri'jab, ri e ka c'ojol xukuje' tak ri e ka mia'l, quekac'am bic na ri ka chij, ri e ka wacax, jun nimalaj nimak'ij wa' chke chuwäch ri Ajawaxel.”

Elem 10:25

Ri Moises xubij che: “Man je ta wa' cäbanic, xane' xukuje' ri lal quebe ya' na la bic ri awaj ri quebekaya' che tabal tok'ob xukuje' ri quekaporoj che u ya'ic u k'ij ri Ajawaxel ri ka Dios.

Elem 8:27

Rajawaxic cujbe na pa ri chaki'j uwo sak, oxib k'ij cujbin na c'äte ri' cäkaya' ri tabal tok'ob chuwäch ri Ajawaxel ri ka Dios, jacha' ri takanic ri u yo'm chke.”