Elem 10:18 - Quiché Bible

¹⁸ Xuwi c'u xel ulok ri Moises pa ri nimalaj rachoch ri ajawinel, xutz'onoj tok'ob che ri Ajawaxel.

Elem 10:18 Referans Kwoze

Ri Lucax 6:28

Chebitewichi'j ri quixc'okonic. Chixch'aw ruc' Dios paquiwi' ri quixquiyok'o.

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Elem 8:9

Ri Moises xubij che ri ajawinel: “Bij ba' la chwe jampa' caj la quintz'onoj tok'ob pawi' la, paquiwi' ri ach tak k'atal tzij la xukuje' paquiwi' ri e winakil la rech quebel ri xtutz' che la xukuje' pa ri nimalaj achoch la, xuwi c'u quecanaj canok chupam ri nima'.”

Elem 8:12

Ri Moises rachil ri Aaron xebel ulok chupam ri nimalaj rachoch ri ajawinel. Ri Moises xutz'onoj tok'ob che ri Ajawaxel xubij che chi cheresaj ri xtutz' ri e u takom ulok chrij ri ajawinel.

Elem 10:19

Ri Ajawaxel xuq'uex ri u be ri quiakik', xbe c'u ri quiakik' pa ri u kajebal k'ij, xebuc'am c'u bic ri sac' xebuq'uiak pa ri Quiäk Plo. Mawi jun sac' xcanaj can pa ronojel ri Ejipt,

Elem 8:8

Ri ajawinel xtakan che u siq'uixic ri Moises rachil ri Aaron, xubij c'u chque: “Chi tz'onoj tok'ob che ri Ajawaxel chi queresaj ri xtutz' chwij xukuje' chquij ri e nu winakil, quebentzokopij c'u bic ri awinakil rech quebe che u ya'ic tabal tok'ob chuwäch ri Ajawaxel.”

Ajilanic 11:2

Ri tinimit xurak u chi' xutz'onoj to'banic che ri Moises, ri Moises xubochi'j c'ut ri Ajawaxel che wa'. Xchup c'ut ri k'ak'.