Elem 1:16 - Quiché Bible

¹⁶ “Aretak quebiwilij ri ixokib aj hebreyib, chinic'oj ri ac'al we ala o ali; we ali chic'asba'; we ala chicämisaj.”

Elem 1:16 Referans Kwoze

Elem 1:22

Ri ajawinel pa rech wi xuya' takanic chque conojel ri aj ejiptib, xubij chque: “Chebiq'uiaka' bic ri calc'ual ri aj israelib pa ri nima' ri quil qui wäch ri e alabom, are c'u ri alitomab chebic'asba'.”

Ri Matey 21:38

Ri ajchaquib c'ut, aretak xquil ri kas u c'ojol ri cajaw, xquibij: ‘Are wa' ri quechben na ri ulew; tisaj, chkacämisaj. Jeri' cujcanaj can ri uj puwi' ri rechbal.’

Apocalipsis 12:4

Ri u je' xujuruj ri coxil ch'imil ri e c'o cho ri caj, xebuq'uiak ulok cho ri uwächulew. Ri dragon xuya' rib chuwäch ri ixok, ri xa co'l man calc'ualanic, chutijic ri ral ri ixok aretak cäralc'ualaj.

Hechos 7:19

We ajawinel ri' xebusub ri e ka winakil, xuban c'ax chque ri e ka mam. Xtakanic chi ri alaj tak calc'ual quebeq'uiak canok rech quecämic.

Hebreos 11:23

Rumal ri cojonic, aretak xalax ri Moises, cumal ri u tat u nan xcawaj oxib ic', rumal rech chi xquilo chi je'lalaj ac'al. Man xquixe'j ta quib chuwäch ri takanic ri yo'm rumal ri ajawinel.

Elem 1:15

xch'aw c'u ne ri ajawinel re Ejipt ruc' ri Sipr xukuje' ri Pu ri iyomab ri queilow ri ixokib aj hebreyib, xubij c'u chque:

Salmib 105:25

Xuban c'ut chi ri aj ejiptib xquiyac quib chrij u tinimit, xequisub c'ut ri e pataninel tak rech ri Dios.