Elem 1:12 - Quiché Bible

¹² Pune' c'u sibalaj cäban c'ax chque ri aj israelib xa sibalaj quepok'ic, jeri' chi ri aj ejiptib sibalaj cäquixe'j quib chquiwäch ri aj israelib.

Elem 1:12 Referans Kwoze

Salmib 105:24

Ri Dios xubano chi xq'uiyir ri rajilabal ri u tinimit, c'o c'u na u chuk'ab chquiwäch ri aj ejiptib.

Elem 1:9

“Chiwilampe', ri qui tinimit aj israelib sibalaj e q'uiyirinak chic, e are chi c'o na qui chuk'ab chkawäch uj;

Romanos 8:28

Keta'm c'ut chi conojel ri jastak quetoban che utzil chque ri quelok'ok'en ri Dios, chque wa' ri e siq'uim jas kas u chomanic ri Dios.

Ri Xuan 12:19

Are c'u ri pariseyib xquibila' chquibil quib, xquibij: “Quiwilo chi man c'o ta jas cujcuin che u banic. ¡Chiwilampe', conojel ri winak quebe ruc'!”

Ri Job 5:2

U jachic ib pa ri c'ayil o pa ri cabe wi animaaj jun etzelal wa' ri cac'aman bic pa ri cämical.

E C'ambal tak Tzij 27:4

Ri c'anal man cätok'obisan ta wächaj, are c'u ri oyowarem cusachisaj wächaj, e are tak c'ut ri achixomanic man e k'atatijel taj.

E C'ambal tak Tzij 21:30

Chuwäch ri Ajawaxel man c'o ta no'j ri nim ta na u k'ij, mawi e c'oxomanic mawi e utzalaj tak chomanic.

Elem 1:7

are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Elem 1:20

Cätajin c'u queq'uiyir ri aj israelib xukuje' sibalaj xc'oji' qui chuk'ab.

Chapletajic 46:3

Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Ajilanic 22:3

Xukuje' ri winak aj Moab xenoj che xe'n ib aretak xquilo chi ri aj israelib sibalaj man quebajilataj taj.

U Camulixic ri Pixab 26:5

Quebabij c'u na we tzij ri' chuwäch ri Ajawaxel ri a Dios: ‘Ri e nu mam xak e quieb oxib aj arameyib ri xak xebinic, xecokxanij quib pa Ejipt, xejeki' c'u can chila', xebux c'u jun nim tinimit ri xc'oji' qui chuk'ab xukuje' man quebajilataj taj.

Ri Nehemiy 9:23

Xban la chi sibalaj xepok' tak ri e qui c'ojol e jacha' ta ne ri ch'imil ri e c'o chicaj, xec'am c'u la bic che u banic quech che ri ulew, ri chi'm la chque ri e qui mam chi caquiban quech che.

Salmib 107:38

Ri Ajawaxel quebutewichi'j, quebupok'isaj, xukuje' quebupok'isaj ri cawaj.