Efesios 6:12 - Quiché Bible

¹² Man cujch'ojin ta cuc' winak, xane' cuc' itzel tak uxlabal ri e c'o pa ri caj, ri c'o qui takanic xukuje' qui cuinem puwi' we uwächulew ri' re ri k'eku'm, xukuje' quetakan puwi'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Rumal man kukꞌ ta ri winaq kujchꞌoꞌjin wi, xane kukꞌ ri itzel taq uxlabꞌal aꞌjuwo kaj ri kebꞌin pa ri sutzꞌ, ri kꞌo taqanik pa kiqꞌabꞌ, e qꞌatal taq tzij, ri nimaq taq taqanelabꞌ, itzel taq uxlabꞌal ri ketaqan pa ri qꞌequꞌmal cho ri uwachulew.

K'iche'

¹² Man uj c'o tä che ch'oj chquij winak, xane are chquij itzel tak espíritus ajuwocaj ri quebin pa ri sutz' mayul, ri c'o takanic pa qui k'ab. E are' ri nimak tak k'atal tak tzij, ri nimak tak takanelab, ri quetakan puwi' ruwächulew. E are' itzel tak espíritus wa' ri tajin quetakan pa tak we k'ij ri' re k'ekum.

K'iche' (New Orthography)

¹² Man uj k'o tä che ch'oj chkij winaq, xane are chkij itzel taq espíritus ajuwokaj ri keb'in pa ri sutz' mayul, ri k'o taqanik pa ki q'ab'. E are' ri nimaq taq q'atal taq tzij, ri nimaq taq taqanelab', ri ketaqan puwi' ruwächulew. E are' itzel taq espíritus wa' ri tajin ketaqan pa taq we q'ij ri' re q'equm.

Efesios 6:12 Referans Kwoze

Colosenses 1:13

Xujresaj pa ri u cuinem ri k'eku'm, xujuk'axej c'u pa ri rajawibal ri lok'alaj u C'ojol,

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

Colosenses 2:15

Rumal ri Crist, ri Dios xukasaj qui k'ij ri c'o qui takanic xukuje' ri c'o qui cuinem, xresaj qui q'uixbal chquiwäch conojel, xch'äcan paquiwi' cho ri ripibal.

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

Efesios 1:21

paquiwi' conojel ri e c'o paquiwi' niq'uiaj chic, conojel ri c'o qui takanic, ronojel cuinem xukuje' ronojel ajawibal, xukuje' paquiwi' conojel bi'aj, man xuwi ta pa tak we k'ij junab ri', xane' xukuje' pa ronojel k'ij ri cäpe na.

Romanos 8:38

Kas weta'm chi man c'o ta jas cäcuin che ka tasic chrij ri lok'ok'ebal u c'u'x ri Dios. Mawi ri cämical, mawi ri c'aslemal, mawi ri tako'nib aj caj, mawi ri e uxlabal ri c'o qui takanic xukuje' ri c'o qui cuinem, mawi ri jastak ri e c'o camic, mawi ri jastak ri quepe na,

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

1 Corintios 15:50

Are c'u quinbij wa', wachalal, chi ri cuerp re ti'j, re quic', man cäcuin ta che rechbexic ri rajawibal ri Dios, rumal rech chi ri cuerp ri cäk'ayic man cäcuin ta che quechbexic ri jastak ri man cäq'uis ta qui wäch.

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.

Hebreos 12:1

Jeri' xukuje' ri uj, ri sutim kij cumal e q'ui k'alajisanelab ri qui c'utum ri qui cojonic, chkesaj ronojel alal, chkesaj ri mac ri c'o chkij che ka chapic. Chkac'ama' kanim, chkach'ija' ruc' coch'onic ri xiq'uinem ri yo'm chkawäch.

Ri Xuan 14:30

Man quintzijon ta chi na q'ui k'ijol iwuc'. Cätajin c'u copan ri u nimal we uwächulew ri'. Man c'o ta c'u u takanic panuwi' in.

Ri Xuan 12:31

Camic ri k'ijol ri cäban ri k'atoj tzij puwi' we uwächulew ri'. Camic quesax na bic ri c'o u takanic puwi' we uwächulew ri'.

Ri Xuan 16:11

ri k'atan tzij, chi c'okotajinak chic ri catakan puwi' we uwächulew ri'.

Ri Job 2:2

Ri Ajawaxel xuc'ot u chi', xubij che: “¿Jawije' a petic?” Ri tzujunel xutzelej u bixic: “In binenak nu binibem ronojel ri uwächulew.”

Ri Lucax 22:53

In c'olinak iwuc' ronojel k'ij pa ri rachoch Dios, man xinichap ta c'ut. Are c'u wa' ri jok'otaj chiwe, c'o ri u cuinem ri k'eku'm iwuc'.”

Ri Lucax 13:24

“Chicojo' i chuk'ab rech quixoc pa ri uchi'ja ri ch'utin u wäch. Quinbij c'u chiwe chi e q'ui cäquitzucuj coquic, man quecuin ta c'ut.

2 Timoteo 2:5

Xukuje' we c'o jachin cutij u k'ij pa ri aninem, man cuch'äc ta ri tojbal ri nim u banic we ta ma ta cubano jas ri u beya'l ri aninem.

Ri Matey 16:17

Ri Jesus xubij che: “Utz awe, Simon, u c'ojol ri Jonas. Man xc'ut ta wa' chawäch cumal ri winak, xane' xc'ut wa' chawäch rumal ri nu Tat ri c'o pa ri caj.

Hebreos 12:4

Maja' quitij i chuk'ab c'ä ruc' ri i quiq'uel, aretak quitij i chuk'ab chrij ri mac.

Gálatas 1:16

xuk'alajisaj ri u C'ojol chnuwäch, rech quintzijoj chquixo'l ri man aj judeyib taj. Aretak xc'ulmataj wa' man xinta' ta nu no'j che jun winak.

Marcos 4:19

are c'u queboc il chque ri jastak aj uwächulew, quesub rumal ri k'inomal, cäquirayij q'ui jastak chic, benak c'u qui c'u'x cuc'. Cäjik'isax ri tzij rumal ronojel wa', man quewächin taj.

2 Corintios 11:14

Man jalan ta c'u wa'. Are c'u ya' ri Satanas cujaluj rib che jun tako'n aj chicaj re sakil.