Efesios 6:1 - Quiché Bible

¹ Alc'ualaxelab, rumal rech chi ix cojoninak che ri Ajawaxel, chebinimaj ri i tat i nan. Are c'u wa' ri suc'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Alkꞌwaꞌlaxelabꞌ, chiꞌnimaj ri itat inan, pa ri Ajawxel, are waꞌ ri sukꞌ ubꞌanik.

K'iche'

¹ Ri ix, ac'alab, chixniman chque ri i nan i tat rumal chi ix cojoninak che ri Kajaw Jesús. Takal c'u wa' chi je' quibano.

K'iche' (New Orthography)

¹ Ri ix, ak'alab', chixniman chke ri i nan i tat rumal chi ix kojoninaq che ri Qajaw Jesús. Taqal k'u wa' chi je' kib'ano.

Efesios 6:1 Referans Kwoze

E C'ambal tak Tzij 23:22

Chatoc il che ri a tat ri xatalc'ualanic mawetzelaj u wäch ri a nan aretak nim winak chic.

E C'ambal tak Tzij 6:20

Nu c'ojol, chebac'olo' amak'el pa jolom ri qui takomal xukuje' tak ri qui tijonic ri a tat a nan.

E C'ambal tak Tzij 1:8

Nu c'ojol, chaya' a xiquin che u tatabexic ri u pixbenic ri a tat xukuje' maxutuj ri u tijonic ri a nan,

U Camulixic ri Pixab 21:18

“We c'o jachin jun ri c'o jun u c'ojol ri man nimanel taj, xukuje' man tal ta tzij, ri man cuya' ta u xiquin che ri cäbix che cumal ri u nan u tat, pune' ta ne cäch'ayic man cäniman ta wi chque,

Aj Levitib 19:3

Chijujunal nim chebiwila' wi ri i tat xukuje' ri i nan. Nim chebiwila' wi tak ri e nu k'ij re uxlanem. In ri' ri Ajawaxel ri i Dios.

1 Timoteo 5:4

We c'u c'o jun malca'n ri e c'o ral o u wi' tak u mam, rajawaxic chi nabe ri e are cäquetamaj nim cäquil wi ri malca'n aj uwo rachoch xukuje' chiquiya' rajil u q'uexel che ri qui nan qui tat qui mam. Are c'u wa' utz cäril wi ri Dios, are cäkaj chuwäch.

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

E C'ambal tak Tzij 30:17

Ri cäretzelaj u wäch ri u tat cäretz'bej c'u u wäch ri u nan ri nim winak chic, ya'tal che chi quec'otix ri e u bak'wäch cumal ri joj xukuje' chi cätij cumal ri cot.

Romanos 7:12

Je c'u ri', tastalic ri pixab, tastalic, suc', xukuje' utz ri takomal.

Ri Lucax 2:51

Ri Jesus xtzelej bic cuc', c'ä xebopan pa Nazaret, u yo'm rib pa takic chque. Ri u nan cuc'ol ronojel wa' pa ranima'.

Ri Job 33:27

Cubij na: ‘Xinmacunic, xinban ri man suq'uilal taj, man xraj ta c'ut ri Dios xuc'äjisaj ta nu wäch;

1 Pedro 2:13

Chiya' iwib pa takic che ronojel ri qui takanic ri winak ri e c'o piwi', rumal rech ri Ajawaxel. We che ri ajawinel, chinimaj je jas ri sibalaj nim u k'ij,

Ri Osey 14:9

E are' ba' ri ajno'jab xukuje' ri utz quenojinic chequich'ob we tijonic ri': Ri e u be ri Ajawaxel e colom, e are' tak c'ut ri e suc' quequitakej; e are' tak c'ut ri e banal tak etzelal chaquichak'ij quib puwi'.

E C'ambal tak Tzij 30:11

E c'o jachin tak quequic'okoj ri qui tat man quequitewichi'j ta c'ut ri qui nan.

Chapletajic 28:7

chi xbe c'u ri Jacob pa Padan-aram jas ri xbix che cumal ri u nan u tat.

Salmib 19:8

Ri u pixab ri Ajawaxel ri e banom e suc', quequic'am c'u ulok quicotemal che ri anima'. Ri u takomal ri Ajawaxel ch'ajch'oj quebunojisaj c'ut ri bak'wächaj che chäj.

Ri Ester 2:20

Jacha' c'ut ri no'j ri u yo'm ri Mardoquey, ri Ester man u yo'm ta u tzijol ri u tinimit mawi ri e rachalaxic, xane' u takem u tz'akatisaxic ri pixbenic ri u yo'm ri Mardoquey che, jacha' ri cubano aretak c'o chuxe' ri u to'banic.

1 Corintios 15:58

Je c'u ri', lok'alaj tak wachalal, kas co chixtac'alok, man c'o ta quixslabsanic. Amak'el chixoc il che ri u chac ri Ajawaxel. Iweta'm chi ri i chac pa ri Ajawaxel man xak ta lok'.

Romanos 16:2

Quinwaj chi quic'ulaj ri Peb pa u bi' ri Ajawaxel, jas ri takal chiwe ri ix cojonelab ri c'o i cojonic. Quinwaj chi quito' pa ronojel ri rajawaxic che. E q'ui c'ut ri e u to'm, xukuje' ri in in u to'm.

Salmib 119:75

Ajawaxel, in weta'm chi ri pixab la ri e tz'ibam la e suc', chi c'o c'u rumal cäc'äjisaj la nu wäch.

Chapletajic 37:13

Are c'u ri Israel cubij che ri Jose: “Ampe', ri e awachalal e c'o pa Siquem cätajin quequilij ri chij. Quinwaj chi catbe che quilic.” “Ruc' ronojel wanima' quinbec,” xcha' ri Jose.

Ri Jeremiy 35:14

Ri e rija'lil ri Jonadab, u c'ojol ri Recab, qui tz'akatisam u banic ri takanic ri xuya' chque chi macuq'uiaj u wa'l uva, xukuje' c'u c'ä pa ri k'ij camic man cäcuq'uiaj taj rumal rech chi qui nimam ri u takanic ri e qui mam. In xukuje' e nu yo'm tak takanic chiwe ri man e ajilatal taj, man c'u in i nimam taj.

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Nabe Samuel 17:20

Ak'ab xwalij ri David che ri ucab k'ij, xebuya' can ri chij pu k'ab jun chic, xutakej ri u be xebuc'am bic ri jastak ri xejach pu k'ab rumal ri Isayi. Aretak xopan pa ri kajebal jawije' ri cätajin wi ri ch'o'j, ri ajch'ojab elem cäquiban bic che u banic ch'o'j, cäquirak c'u qui chi' che u banic ri ch'o'j.

Salmib 119:128

Rumal ri' e nu c'ojom ri e tz'ibatal umal la che c'amal nu be, quinwetzelaj c'u u wäch apachique subunelalaj c'aslemal.

Ri Rut 3:5

Ri Rut xutzelej u bixic: “Quenbana' na ronojel ri bim la chwe.”

Ri Jeremiy 35:8

Uj e ka nimam conojel tak ri takanic ri e qui yo'm ri e ka mam chke ri Jonadab, mawi c'u jumul cakuq'uiaj u wa'l uva, mawi tak ri uj mawi tak ri kixokil mawi tak ri e ka c'ojol.

Ri Jeremiy 35:18

Xubij chi c'ut, ri Jeremiy chque ri aj recabitab: “Ri Ajawaxel ri c'o ronojel u cuinem xukuje' u Dios ri Israel cacha': ‘Rumal c'u rech chi ri ix e i nimam tak ri e u takanic ri e i mam Jonadab, ix oquinak c'u il chque tak ri e u pixab xukuje' i tz'akatisam ronojel ri xixutak wi,

Chapletajic 48:12

Ri Jose xeresaj ri ac'alab xo'l u ch'ec ri u tat, xxuqui' chuwäch, xumej rib c'ä xuya' na ri u palaj cho ri ulew.

Chapletajic 50:12

Ri e u c'ojol tak ri Jacob je xquibano jas ri xubij ri qui tat chque,