Efesios 5:20 - Quiché Bible

²⁰ Amak'el chimaltioxij ronojel che ri Dios ri Tataxel pa ri u bi' ri Kajaw Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Amaqꞌel chixtyoxin che ri Dios Tataxel che ronojel ri jastaq, pa ri ubꞌiꞌ ri Ajawxel Jesucristo.

K'iche'

²⁰ Amak'el chimaltioxij ronojel che ri Dios ka Tat pa ru bi' ri Kajaw Jesucristo.

K'iche' (New Orthography)

²⁰ Amaq'el chimaltioxij ronojel che ri Dios qa Tat pa ru b'i' ri Qajaw Jesucristo.

Efesios 5:20 Referans Kwoze

Colosenses 3:17

Apachique ri quibano o ri quibij, chibana' ronojel pa ri u bi' ri Ajawaxel Jesus, ruc' maltioxinic che ri Dios rumal ri are'.

1 Tesalonicenses 5:18

Ronojel chimaltioxij che ri Dios. Are c'u wa' ri cäraj ri Dios chiwe ri ix cojoninak che ri Crist Jesus.

Hebreos 13:15

Rumal ri' amak'el chujk'ijilan che ri Dios rumal ri Jesucrist. We k'ijilanic ri' are' ri tabal tok'ob ri rajawaxic cakachi'j. ¡Kak'ijilaj ba', cuc' tak ri e ka chi'!

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

Efesios 5:4

Mibij q'uixbalalaj tak tzij, mawi conalaj tak tzij. Miwetz'bej qui wäch niq'uiaj winak chic. Are jastak wa' man takal ta chiwe. Xane' quixmaltioxin che ri Dios.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

Salmib 34:1

Quintewichi'j na ri Ajawaxel pa conojel jok'otaj, ri nu chi' amak'el cäk'ijilan na che.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

Ri Job 1:21

Xubij c'ut: “Ch'analic xinpe cho we uwächulew ri', xukuje' ch'analic quinel na bic chuwäch. Ri Ajawaxel xyo'w ronojel chwe, xukuje' are' ri Ajawaxel xesan chwe; ¡Tewichital ba' ri u bi' ri Ajawaxel!”

1 Corintios 1:4

Amak'el quinmaltioxin che ri Dios rumal iwech, ri u tok'ob ri u yo'm chiwe pa ri Crist Jesus.

Ri Xuan 15:16

Ri ix man xinicha' taj, xane' ri in xixincha', xixincojo rech quixbec, quiya' wächinic, cäjeki' c'u ri i wächinic, rech ronojel ri qui tz'onoj che ri Tataxel pa ri nu bi', cuya' na chiwe.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

Filipenses 1:3

Amak'el aretak quixnataj chwe, quinmaltioxin che ri nu Dios.

Hechos 5:41

Ri takomxenlab xebel c'u bic chquiwäch ri k'atal tak tzij. Quequicotic rumal rech chi ri Dios xuya' chque chi quetzelax qui wäch rumal rech ri u bi' ri Jesus.

1 Tesalonicenses 3:9

¿Jas lo cäkabano rech cäkamaltioxij che ri Dios ri nimalaj quicotemal ri c'o pa kanima' chuwäch ri Dios rumal iwech?

Romanos 1:8

Nabe quinmaltioxin che ri nu Dios rumal ri Jesucrist chiwij iwonojel, chi ri i cojonic tzijom pa ronojel ri uwächulew.

1 Corintios 15:24

Chuq'uisbalil, ri Crist cujach na ri ajawibal che ri Dios Tataxel, cusach c'u qui wäch conojel ri e c'o paquiwi' niq'uiaj chic, conojel ri c'o qui takanic xukuje' conojel ri c'o qui cuinem.