Efesios 5:11 - Quiché Bible

¹¹ Miban iwe ri jastak ri man c'o ta quechbex chque; ri cäquiban ri winak ri e c'o pa ri k'eku'm, xane' chebiya' chi sak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Man kijunamaj ta bꞌa ikꞌuꞌx kukꞌ ri winaq ri kakibꞌan jastaq rech ri qꞌequꞌmal, xane chiꞌtzujuj.

K'iche'

¹¹ Miban iwe ri man c'o tä u patän, jas ri cäca'n ri winak ri je' ta ne e sachinak pa ri k'ekum, ri jun wi ri qui chomabal. Cheipixbaj c'u ri winak ri je' cäca'n wa', chik'alajisaj chquiwäch chi man utz taj ri tajin cäca'no.

K'iche' (New Orthography)

¹¹ Mib'an iwe ri man k'o tä u patän, jas ri käka'n ri winaq ri je' ta ne e sachinaq pa ri q'equm, ri jun wi ri ki chomab'al. Cheipixb'aj k'u ri winaq ri je' käka'n wa', chiq'alajisaj chkiwäch chi man utz taj ri tajin käka'no.

Efesios 5:11 Referans Kwoze

Romanos 13:12

Oc'owem cuban ri ak'ab, cäketet chi ulok ri k'ij; mäkaban chi ri chac re ri k'eku'm. Chkabana' ba ri chac re ri sakil. Chkacojo' ri chacubal re ch'o'j.

1 Timoteo 5:20

Ri man cäquiya' ta can ri mac, chak'alajisaj ri qui mac chquiwäch conojel, rech xukuje' ri niq'uiaj chic cäquixe'j quib.

2 Tesalonicenses 3:6

Kachalal, quintakan chiwe pa ri u bi' ri Kajaw Jesucrist, chi quitas iwib chrij apachin jun kachalal ri cubano xa jachique ri craj, man cächacun taj,

Romanos 16:17

Quixinbochi'j, wachalal, chi chajij iwib chquiwäch ri winak ri quequitas jujun cojonelab chquij niq'uiaj chic, ri cäquiban chque chi cuban quieb canima' che ri tijonic ri xiwetamaj. Chitasa' iwib chquij wa'.

Apocalipsis 18:4

Xinta' jun ch'abal chic chicaj, ri xubij: “Chixel bic pa ri Babilon, ix ri ix nu tinimit rech man quebikajbej taj ri e u mac mawi quebirik tak iwech ri c'ax ri queburiko.

Ri Tit 2:15

Chatzijoj we jastak ri'. Chebapixbej ri winak, chak'alajisaj chquiwäch jas ri man utz taj ri cäquibano. Chabana' wa' ruc' ronojel takanic, c'o c'u jun metzelan a wäch.

2 Tesalonicenses 3:14

We c'o jun man cunimaj ta ri ka tzij pa we wuj ri', chicojo' retal wa', miwachilaj, rech cäq'uixic.

Romanos 6:21

¿Jas c'u ri xiwechbej can chquij ri jastak ri cäquiya' chi q'uixbal chiwe camic? Cämical c'u ri quec'aman wi bic.

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

2 Timoteo 3:5

Je ta ne ri c'o ri nimanic che ri Dios cuc', man cäquik'alajisaj ta c'u ri u chuk'ab: chatasa' awib mat be cuc'.

Gálatas 6:8

Ri jun cutic ri cäraj ri u rayibal aj winak re mac, cuyac na che ri rayibal re mac ri cämical. Are c'u ri jun ri cutic ri cäraj ri Uxlabaxel, cuyac na che ri Uxlabaxel ri junalic c'aslemal.

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

E C'ambal tak Tzij 13:18

Mebayil, q'uixbalil ri man nim ta caril wi ri yo'w no'j; sibalaj cäya' u k'ij ri nim cäril wi ri pixbenic.

Aj Levitib 19:17

Mac'u ri retzelaxic u wäch ri awachalal chupam ri awanima'. Chak'ila' ri awajil a tz'akat aretak rajawaxic u k'ilic. Mach'uk u wi' ri mac ri cubano.

1 Tesalonicenses 5:7

Are c'u ri quewaric, chak'ab quewaric. Ri quek'abaric, chak'ab quek'abaric.

Ri Lucax 3:19

Are c'u ri k'atal tzij Herod xyaj rumal ri Xuan rumal rech chi u c'amom ri Herody che rixokil, are' c'u ri rixokil ri Pelip ri rachalal. Xukuje' xyaj rumal ri Xuan rumal quech conojel ri itzel tak jastak ri u banom ri Herod.

Efesios 5:7

Miban ba' iwe cuc' jas ri cäquiban ri e are'.

Efesios 4:22

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic.

Ri Isaiy 29:21

ri quequik'abaj il patan chquij niq'uiaj winak chic, ri cäquicoj c'amibal pa ri u be ri k'atal tzij, ri ruc' subunic cäquik'il ri u banic suq'uilal che ri man c'o ta u mac.

E C'ambal tak Tzij 25:12

Jacha' jun mulk'ab xukuje' jun chachal re k'an puak ri coc' na, are je cuban wa' ri aj no'jalaj k'iloj ib che ri reta'm u c'amowaxic.

Salmib 141:5

Are jun tok'ob chwe chi ri winak tz'akatisanel pa ronojel cuc'äjisaj nu wäch, jun je'lalaj c'oc'al c'ut ri quink'ilowic. We jastak ri' man quebenpakchi'j taj; pune' quinquit'oco, quitakej na u banic ch'awem ruc' Dios.

Chapletajic 20:16

Xubij c'u ri Abimelec che ri Sara: “Ronojel ri nu yo'm che ri a xibal rajil jun mil sak puak, are c'u tojbal awech wa' chquiwäch conojel ri e c'o awuc'. Man c'o ta c'u jun catyok'owic.”

E C'ambal tak Tzij 19:25

Che ri u c'äjisaxic u wäch ri banal nimal, ri con quetamanic; ri ajno'j quetamam xak xuwi ruc' ri pixbenic.

E C'ambal tak Tzij 15:12

Ri yacal ch'o'j man lok' ta cäril wi ri cäk'ilon che, mawi cutzucuj ta cachilaxic ri ajno'jab.

Ri Matey 18:15

“We ri awachalal cuban jun mac chawe, jät, chach'abej xak pa a tuquiel wi. We cutatabej ri a tzij, xarik utzil chixo'l ruc' ri awachalal.

Ri Jeremiy 15:17

In nu k'ilom wib che u rikic wib cuc' ri xuwi caquichomaj u quicotisaxic quib; aretak xban ech la chwe nu c'amom bic jun c'aslemal pa nu tuquiel wi, xinanojisaj c'u la ruc' ri oyowal la.

E C'ambal tak Tzij 1:31

¡Quixukajbej c'u na ri e ratz'amil ri e i c'aslemal! ¡Cäq'uistaj na i c'u'x chque ri itzel tak i chomanic!

1 Timoteo 6:5

amak'el cäquic'ulelaj quib rumal rech chi sachinak qui no'j xukuje' man c'o ta ri kastzij cuc', pa qui c'u'x chi cäquich'äc puak chrij ri nimanic che ri Dios.

E C'ambal tak Tzij 1:10

We ri ajmaquib cäcaj catquisubu, ¡maya' a tzij chi caban awe ri cäquibano, nu c'ojol!

E C'ambal tak Tzij 28:4

Ri cäquitas quib caquiya' can ri pixab cäquiya' u k'ij ri banal etzelal; ri caquitz'akatisaj cäquic'ulelaj.

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

Efesios 5:12

Q'uixbal c'ut qui tzijoxic ri jastak ri cäquiban ri e are' chi c'uyal.

Colosenses 1:12

Ruc' quicotemal quinmaltioxin che ri Tataxel, rumal rech chi u yo'm chke chi cäkac'am ke ri echbal ri cuya' chque ri tastalic tak cojonelab ri e c'o pa ri sakil.

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.