Efesios 4:31 - Quiché Bible

³¹ Mitakej c'anal pa ri iwanima', mäpe chi iwoyowal, mibij chi tzij re oyowal, mixyok'on chic, miwetz'bej chi qui wäch niq'uiaj winak chic, miban chi ronojel u wäch etzelal.

RI KꞌAKꞌ TESTAMENTO PA TZIJOBꞌAL KꞌICHEꞌ

³¹ Chitzaqa kan ronojel kꞌaxal ri kꞌo pa iwanimaꞌ, oyawal, yojtajem, raqoj taq chiꞌaj, bꞌanoj taq tzij, xuqujeꞌ ronojel uwach etzelal.

K'iche'

³¹ Chiwesaj ronojel ri c'äx ri c'o pa tak ri iwanima', ronojel ri oyowal, ri c'a'nal, ri yajanic, ri yok'onic, xukuje' ronojel u wäch etzelal.

K'iche' (New Orthography)

³¹ Chiwesaj ronojel ri k'äx ri k'o pa taq ri iwanima', ronojel ri oyowal, ri k'a'nal, ri yajanik, ri yoq'onik, xuquje' ronojel u wäch etzelal.

Efesios 4:31 Referans Kwoze

Colosenses 3:8

Camic c'ut, miban chi conojel we jastak ri': Mäpe iwoyowal, miban i c'anal, miban etzelal, miwetz'bej qui wäch niq'uiaj winak chic, mixyok'onic, mibij q'uixbalalaj tak tzij,

Ri Tzijonel 7:9

Maya' awib chi catumajij ri oyowaric, rumal rech chi ri oyowaric are wa' ri kas c'o ruc' ri winak ri man c'o ta u no'j.

1 Pedro 2:1

Je c'u ri, chiwesaj ronojel etzelal xukuje' ronojel subunic. Miban chi iwe jas cäquiban ri quieb qui wäch. Itzel miwil wi aretak jun chic curik utzil. Miyac chi tzij chquij niq'uiaj winak chic.

Santiago 1:19

Rumal wa', lok'alaj tak wachalal, chijujunal chanim chitatabej ri u tzij ri jun chic, chixbeytaj che tzijonic, chixbeytaj che oyowal,

Colosenses 3:19

Ix achijab ri ix c'ulanic, chebilok'ok'ej ri iwixokil, macoji' c'anil xukuje' c'ayil pa iwanima' chquij ri iwixokilal.

Santiago 3:14

We c'u ri ix quiya' c'olbal chi ri ti'titem cuc'ayirisaj ri iwanima', quebiban c'ut ri jastak che u c'ulelaxic iwib, man c'o ta ba' jasche ri' chquiban ta nimal man are ta cätajin quiban ri' ri kastzij.

Efesios 4:26

We cäpe iwoyowal, chiwila' mixmacunic. Mabeytaj jun k'ij ri iwoyowal.

1 Juan 3:12

Mäkaban ke jas xuban ri Cain, ri xuya' rib pa u k'ab ri itzel, xucämisaj ri u chak'. ¿Jas c'u che xucämisaj? Rumal rech chi ri Cain xuban etzelal, are c'u ri u chak' xuban ri suc'.

Salmib 101:5

Quintz'apij na u pa qui chi' ri xak chic'uyal queyok'on chque ri qui c'ulja: ¡man utz ta quinwil wi ri cuban nimal, ri cunimarisaj rib!

Santiago 4:11

Wachalal, miyacala' tzij chiwij. Apachin ri cuyac tzij chrij ri rachalal o cuk'at tzij puwi' ri rachalal, chrij ri pixab cuyac wi tzij xukuje' cuk'at tzij puwi' ri pixab. We cak'at tzij puwi' ri pixab, man at ta ba' nimanel ri' che ri pixab, xane' at k'atal tzij.

E C'ambal tak Tzij 26:20

We man c'o si' cächup ri k'ak', we c'u man c'o tzijtal cäq'uis ri ch'o'j.

Ri Tit 1:7

Rajawaxic chi ri solinel quech ri comon cojonelab: jicom ri u c'aslemal, rumal rech chi cächacun pa ri jastak re ri Dios. Rajawaxic man xuwi ta cuban jas ri cäkaj chuwäch, man coyowar taj chanim, man cäk'abar taj, man ch'ayanel taj, man curayij ta qui banic t'orinel tak ch'äcoj,

1 Timoteo 3:11

Jeri' xukuje' ri ixokib, rajawaxic caquirik ri'jobalil, man cäquiban ta tzijtal, cäquichomaj jas cäquibano, e jic pa ronojel.

2 Corintios 12:20

Quinxe'j wib, we ne aretak quinopanic, man quixenrika' taj je jas ri quinwaj, xukuje' ri ix man quinirik taj je jas ri quiwaj. We ne c'o ch'o'j chixo'l, we ne quixquiäk rayinic, we ne c'o iwoyowal, qui c'ulelala' iwib, quiyac tak tzij, quixwixwitic, quinimarisaj iwib, xukuje' quituquij iwib.

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

E C'ambal tak Tzij 29:22

Ri ch'u'j u jolom cätakchinic chi queyac tak ch'o'j quebuban c'u q'ui sachinakil.

E C'ambal tak Tzij 14:17

Ri chanim coyowaric man cuchomaj taj ri cubano; are c'u ri cujic' rib cac'oji' pa jamaril.

E C'ambal tak Tzij 10:18

Quech ri banal tak tzij ri man u k'alajisaxic taj ri oyowaric, xukuje' quech man c'o ta qui no'j ri qui jabuxic tzijtal.

E C'ambal tak Tzij 10:12

Ri etzelen wächaj quebuyac ch'o'j, are c'u ri lok'ok'ebal c'uxaj quebucuy conojel tak ri macunic.

1 Timoteo 5:13

Xukuje' cäquetamaj sak'orinic, xak quebin chi' tak ja. Man xuwi ta c'u e sak'orib, xane' xukuje' e yacal tak tzijtal, cäquinim quib pa ronojel, xukuje' cäquitzijoj jastak ri man takal ta u bixic.

Gálatas 5:20

quequik'ijilaj tak diosib, cäquiban itzinic, cäquic'ulelaj quib, cäquiyac ch'o'j, cäpe coyowal we jun chic curik utzil. Chanim cäpe coyowal, xak xuwi cäquiban ri utz cäquil wi ri e are', cäquitas quib chquij niq'uiaj chic, cäquic'am jalajoj tak no'jibal.

1 Corintios 5:8

Je c'u ri', chkabana' ri nimak'ij re ri oc'owem, man ruc' ta ri ojer ch'am, mawi ruc' ri ch'am re etzelal, re u banic itzel tak jastak. Xane' chkabana' ruc' caxlanwa ri man c'o ta ch'am ruc'. Man ruc' ta quieb kanima', xane' ruc' kastzij.

Romanos 3:14

Ri u pa qui chi' nojinak che c'axalaj tak tzij, che yok'onic. Ri u pa qui chi' nojinak che c'okonic xukuje' che c'ayil.

E C'ambal tak Tzij 25:23

Rumal ri quiakik' aj riquiak'ab elebal k'ij cäpe ri jäb, cumal c'ut ri itzel tak ak'aj ri itzel tak palaj.

E C'ambal tak Tzij 18:8

Ri tzijtal tak xak e junam cuc' tak ri munibal quebopan c'ä chquipam tak ri bak.

E C'ambal tak Tzij 6:19

ri subunelalaj k'alajisanel xukuje' banal tzij, xukuje' ri cuyac ch'o'j chquixo'l achalaxic.

Salmib 140:11

Ri winak ri nim rak' mutakej jekelem cho ri uwächulew; chterenex ri ch'u'j u jolom, rumal ri etzelal, chsachisax c'u u wäch rumal.

Salmib 64:3

ri cäquiban u pa u chi' ri cak' jacha' ch'ich' ri ch'o'j ri quequiq'uiak tak tzij e jacha' ta ne' ch'ab ri quecämisanic.

Salmib 50:20

Cayac jalum k'abam chrij ri awachalal; ¡c'ax catch'aw che ri awachalal!

Salmib 15:3

ri man c'o ta jun rajil u tz'akat cuyok'o, ri man cuban ta c'ax che ri rachil, mawi cäretzelaj u wäch ri u c'ulja;

Ucab Samuel 19:27

Xubana' c'u tzij chwij chwäch la. Are c'u ri lal xak lal junam ruc' jun aj chicajalaj u tako'n ri Dios cuban c'u na jachique ri utz carilo.

Chapletajic 37:4

Aretak xquil ri rachalal chi are sibalaj lok' ri Jose rumal ri Jacob chquiwäch ri e are', xquetzelaj u wäch, mawi c'u ne caquiya' chic rutzil u wäch.

Chapletajic 27:41

Kas chi' c'ut ri Esau xretzelaj u wäch ri Jacob, rumal ri tewichibal ri xya' che rumal ri u tat, xubij: “Xak pa quieb oxib k'ij, cäcäm ri nu tat, aretak c'u cäminak chic, quincämisaj ri Jacob ri nu chak'.”

Chapletajic 4:8

Xurika' jun k'ij aretak ri Cain xusiq'uij bic ri Abel, xebe pa jun wacatem; aretak c'u e c'o chi pa ri juyub, ri Cain xuch'ay ri Abel, xucämisaj c'ut.

Apocalipsis 12:10

Te c'u ri' xinta' jun nimalaj ch'abal pa ri caj, ri xubij: “Opaninak ri colonic, ri u cuinem ri Dios, xukuje' ri rajawinic. C'o chic ri takanic pa u k'ab ri Crist. Are c'ut ri tzujul quech ri kachalal ri quebutzujuj chuwäch ri ka Dios chi pa k'ij chi chak'ab q'uiakom bic.”

1 Juan 3:15

Apachin ta ne ri cäretzelaj u wäch ri rachalal, cämisanel ri'. Iweta'm c'ut chi ronojel cämisanel man cäcuin taj cäc'oji' junalic u c'aslemal.

Ri Tit 2:3

Junam ri chuchuyib ri e nimak tak winak chquirika' ri'jobic, mebux banal tak tzijtal, mawi quek'abaric. Rajawaxic caquiya' utzalaj c'utbal,

2 Timoteo 2:23

Maya' c'olbal chque tak ri tzij, xukuje' ri chomanic ri man c'o ta qui patan, o ri xak cabixic. Aweta'm c'ut chi ri u banic wa' xa cuwalijisaj ch'o'j.

1 Timoteo 3:3

man u nak'atisam ta rib che k'abaric mawi yacal ch'o'j, xane' banal utzil, aj jamaril xukuje' man benak ta ranima' che u lok'oxic puak.

Hechos 21:30

Ronojel c'u ri tinimit xutuquij rib. Xquimulij quib ri winak. Xquichap ri Pawl, xquicharchatej bic, xquesaj bic pa ri rachoch Dios. Chanim xquitz'apij ri u chi' ri rachoch Dios.

Ri Jeremiy 6:28

Conojel e are', Ajawaxel, sibalaj man ch'abexic ta cäcaj; e winak e tzelel tak tzij e jech'obinak; xa' e k'an ch'ich' xukuje' e räx ch'ich'.

E C'ambal tak Tzij 29:9

Ri ajno'j ri cutakej ch'o'j ruc' ri man c'o ta u no'j, cuyac royowal, cätze'x u wäch man c'o ta c'u jas ri cacuin che u banic.

E C'ambal tak Tzij 19:12

Ri royowal ri ajawinel xak junam ruc' ri u wunic ri coj, are c'u ri utzalaj u rayibal jacha' ri räxk'ab puwi' ri k'ayes.

Ucab Samuel 19:43

Ri e petinak pa Israel xquitzelej u bixic: “Ri uj, lajuj mul c'o na ke che ri ajawinel chiwäch ix. Xak c'u u wi' chic. Jacha' chi uj amak', uj ri nabeal tak achalaxelab chiwäch. Je c'u ri', ¿jas c'u che qui wetzelaj ka wäch? ¿La ma ta uj ri nabe xkacoj ka chuk'ab chi catzelej ulok ri kajawinel?” Are c'u sibalaj co xech'aw na ri quepe pa Juda chquiwäch ri aj Israel.

Ucab Samuel 13:22

Ri Absalon, man c'o ta jas xuch'a' che ri Amnon xak ta pa re wi, caretzelaj c'u u wäch rumal rech chi xuban il che ri Tamar ri rana'b.

Chapletajic 37:21

Aretak xretamaj ri Ruben, xucoj u chuk'ab che resaxic pa qui k'ab ri rachalal xubij chque: “Mäkacämisaj.

2 Timoteo 3:3

man c'o ta lok'ok'ebal qui c'u'x, man e cuyenelab taj, e bil tak tzijtal, man cäquijic' ta quib, e c'analaj tak winak ri cäquiban qui c'ulel che ri utz,

Ri Jeremiy 9:4

Man cuya' taj cäkacu'ba' ta ne ka c'u'x chrij ri utzalaj kachil, mawi ne chrij ri achalal cuya' cäcubax ta cuxaj, ri e achalal cäquisubula' tak quib chquixo'l, e are' tak c'ut ri cachalal quib quequimolola' tak tzij chquij,

Salmib 37:8

Chaya' can ri oyowal, chatzaka' can ri c'ananem; mäpe awoyowal, wa' xa cunimatajisaj ri jastak.

Efesios 4:22

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic.

Efesios 4:25

Rumal ri', miban chi ri banoj tzij, xane' chitzijola' ri kastzij chijujunal cuc' ri e iwajil i tz'akat, rumal rech chi xa' uj jun cuerp.