Efesios 4:28 - Quiché Bible

²⁸ Ri queläk'anic, meläk'an chic, xane' chucojo' u chuk'ab che qui banic utzalaj tak chac cuc' ri u k'ab, rech c'o cuya' chque ri c'o qui rajawaxic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁸ Ri kelaqꞌ kan nabꞌe, man kelaqꞌ ta chik, xane chakunoq rukꞌ sukꞌal, rukꞌ ri uqꞌabꞌ rech kꞌo kuya chike ri winaq ri e mebꞌa.

K'iche'

²⁸ Quinbij chque ri cäca'n ri elak' chi mäquiban chi wa', xane chquitzucuj qui chac. Chquicojo ri qui k'ab, ri quetambal chubanic jun chac rech cäquich'ac ri cäquitijo, xukuje' rech c'o ri cäquiya chque ri c'o qui rajwaxic.

K'iche' (New Orthography)

²⁸ Kinb'ij chke ri käka'n ri elaq' chi mäkib'an chi wa', xane chkitzukuj ki chak. Chkikojo ri ki q'ab', ri ketamb'al chub'anik jun chak rech käkich'ak ri käkitijo, xuquje' rech k'o ri käkiya chke ri k'o ki rajwaxik.

Efesios 4:28 Referans Kwoze

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

Gálatas 6:10

Jeri', joropa' mul ri cujcuin che u banic utzil, chkabana' ba' chque conojel, kas c'u are na chque ri kachalal pa ri cojonic.

Elem 20:15

Mat eläk'anic.

Ri Zacariy 5:3

Xubij c'u chwe: “Chupam tz'ibatal wi ri c'okobal ri curik ronojel ri ulew. Je jas ri tz'ibatal chupam ri caperajil, man c'o ta jun ri chuban ta eläk' o xak ta lok' chuban ri chi'nic ri kas cäban na ri ma ta chi c'äjisax u wäch.

Ri Xuan 12:6

Xubij wa', man rumal ta rech chi coc il chque ri mebayib, xane' rumal rech chi eläk'om. Ruc' c'u ri are' c'o wi ri c'olbal puak, nak'atal c'ut cäreläk'aj ri cäya' chupam.

Ri Lucax 19:8

Xtaq'ui' c'u ri Zaquey, xubij che ri Ajawaxel: “Chilampe' la, Wajaw, pa niq'uiaj chque ri jastak we quinya' chque ri mebayib. We c'o c'u weläk'am chque ri winak, quincajmulij na u tzelexic chque.”

Ri Osey 4:2

Are c'u tz'ebem u bixic ri chi'nic ri kas cäban na quecha' ruc' subunic xukuje' ri banoj tzij, cämisanic xukuje' eläk'anic, ri xekajic pa mac cuc' niq'uiaj winak chic, xukuje' pa tokinic, queban cämisanic jela' jeri'.

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Elem 20:17

Maquiäk rayij ri rachoch ri awajil a tz'akat: maquiäk rayij ri rixokil, mawi ri u pataninel lok'om, achi o ixok, mawi ri u wacax, mawi ri u bur, mawi jun jasach ri rech.”

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.

2 Corintios 8:2

Pune' c'o nimalaj c'axc'olil paquiwi', nim ri qui quicotemal; pune' sibalaj e mebayib, qui yo'm c'u q'ui sipanic chque niq'uiaj chic, je ta ne e k'inomab.

Romanos 12:13

Chebito' ri winak ri e aj Dios pa tak ri qui rajawaxic. Chebic'ulaj ruc' utzil ri quebopan che i solixic.

Ri Xuan 13:29

Rumal rech chi ruc' ri Judas c'o wi ri c'olbal puak, jujun chque xquichomaj chi ri Jesus xubij chi c'o chulok'o' che ri nimak'ij o chque ri mebayib.

Ri Lucax 3:8

Chibana' wächinic ri takal che q'uexoj c'uxaj. Michaplej c'u u bixic pa iwanima': ‘C'o ri Abraham che ka tat.’ Quinbij c'u chiwe, chi ri Dios cäcuinic quebuban rija'l ri Abraham chque tak we abaj ri'.

E C'ambal tak Tzij 30:9

we c'u ne c'o u wi' cäto'tajic wuc'; cuya' ri' cäsach la pa nu jolom, quinbij ta c'ut chi man weta'm ta wäch la; we c'u man cubana' chwe cuya' ri' quineläk'ic, quinya' c'u ri tastalicalaj bi' la pa yok'ic.

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

E C'ambal tak Tzij 14:23

Che ronojel tijoj chuk'ab c'o quechbex che; ri tzijtzotem xuwi tzubukil cuc'am ulok.

E C'ambal tak Tzij 13:11

Ri k'inomal ri xak c'ätetal xq'uiyic cäbe pa rij; are c'u ri xak nojimal camulixic, cuq'uiyirisaj.

Ri Job 34:32

Chebec'utu tak la ri sachinakil chnuwäch ri man quinwil taj. We e nu banom etzelal, man quebenban ta chic?’

Elem 21:16

Ri cäreläk'aj bic jun winak, cuc'ayij c'ut, o we cäriktaj ruc', cac'okox na che cämical.

E C'ambal tak Tzij 21:26

ronojel ri jun k'ij xak rayinic cubano. Are' c'u ri suc', man ruc ta q'ueq'uenic cayanic.

E C'ambal tak Tzij 31:20

Amak'el c'o cuya' chque ri mebayib xukuje' chque ri c'o qui rajawaxic.

1 Corintios 4:12

Cäkacos kib che ri chac ruc' ri ka k'ab. Aretak cujyok'ic, cäkaban utzil. Aretak cujokataxic, cäkak'i ri c'ax.

Ri Tit 3:8

Kastzij we tzij ri'. Quinwaj c'ut chi cabij we jastak ri', muban quieb a c'u'x, rech ri e cojoninak che ri Dios queboc il che qui banic utzalaj tak chac. We jastak ri' e utz chque ri winak, c'o cäquechbej chque.

Ri Tit 3:14

Xukuje' rajawaxic chi ri e c'o kuc' cäquetamaj queboc il che utzalaj tak chac rech cäquirik ri rajawaxic, rech c'o u patan ri qui c'aslemal, je ta ne jun tico'n cuya' u wächinic.