Efesios 2:3 - Quiché Bible

³ Jas ri e are', ojer konojel xkaban can ri ka rayinic aj winak re mac, xkaban ri u rayibal ri ka ti'jal, jas ri xkachomaj. Rumal c'u ri' takal chke we ta xpe ri royowal ri Dios pakawi', je jas ri niq'uiaj chic.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Qonojel je xujnoꞌjin kan nabꞌe, are xqabꞌan ri karaj ri qatyoꞌjal are xqabꞌan ri itzel taq qarayinik. Uj ralkꞌwaꞌl oyawal jetaq ri nikꞌaj winaq chik ri maj Dios kukꞌ.

K'iche'

³ Konojel ri uj xukuje' je' xka'n wa' nabe canok, xka'no jachique ri xkaj, xkanimaj ronojel ri xraj ri kanima' rech cäka'n ri man utz taj, xukuje' xka'n apachique ri xkachomaj u banic. Rumal ri' nabe canok are ya'tal chke uj chi cäpe ri nimalaj royowal ri Dios pa ka wi', cäc'äjisax na ka wäch jas ri ya'tal chque ri niq'uiaj winak chic.

K'iche' (New Orthography)

³ Qonojel ri uj xuquje' je' xqa'n wa' nab'e kanoq, xqa'no jachike ri xqaj, xqanimaj ronojel ri xraj ri qanima' rech käqa'n ri man utz taj, xuquje' xqa'n apachike ri xqachomaj u b'anik. Rumal ri' nab'e kanoq are ya'tal chqe uj chi käpe ri nimalaj royowal ri Dios pa qa wi', käk'äjisax na qa wäch jas ri ya'tal chke ri nik'iaj winaq chik.

Efesios 2:3 Referans Kwoze

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

1 Pedro 1:14

Chibana' jas ri alc'ualaxelab ri quenimanic. Miban chic ri ojer tak i rayibal ri xec'oji' can iwuc' aretak man c'o ta iweta'm.

Efesios 4:22

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

Romanos 6:12

Miya' ba' c'olbal che ri mac chi cätakan puwi' ri i cuerp, ri xak cäcämic, che qui nimaxic ri itzel tak u rayinic;

Salmib 51:5

Kastzij, in lawalo kas aretak xinalaxic; in ajmac wi ulok kas pa ri u c'u'x ri nu nan.

1 Juan 2:16

Ronojel ri c'o cho ri uwächulew, ri itzel u rayibal ri ka ti'jal, ri itzel u rayibal ri ka bak'wäch, ri jastak ri man c'o ta qui patan ri nim quekil wi pa ri ka c'aslemal, ronojel wa' man ruc' ta ri Tataxel quel wi ulok, xane' cho ri uwächulew.

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

1 Corintios 4:7

Rumal ri', ¿jachin ta nim catilowic o jas ri c'o awuc' ri ma ta yo'm chawe? We yo'm chawe, ¿jasche canimarisaj awib je ta ne ri xa' at ta xatrikowic?

Romanos 7:18

Weta'm c'ut chi man c'o ta ri utz pa ri wanima', pa ri u rayibal ri nu banic aj winak re mac. Rumal c'u ri', quinwaj quinban ri utz, man quincuin ta c'u che u banic.

Marcos 4:19

are c'u queboc il chque ri jastak aj uwächulew, quesub rumal ri k'inomal, cäquirayij q'ui jastak chic, benak c'u qui c'u'x cuc'. Cäjik'isax ri tzij rumal ronojel wa', man quewächin taj.

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Romanos 11:30

Je jas ri ix, nabe canok man xixniman ta che ri Dios. Camic c'ut ri Dios xel u c'u'x chiwe rumal rech chi ri aj judeyib man xeniman taj.

Romanos 9:22

We c'u ri Dios xraj xuc'ut ri royowal chquiwäch ri winak rech cäquetamaj ri u cuinem, xebuch'ij c'u ruc' nimalaj coch'onic ri winak ri takal chque chi cäc'äjisax qui wäch xukuje' ri cäsach na qui wäch, ¿jas cäkabij che wa'?

Ri Xuan 1:13

Ri e are' man e alc'ualam ta rumal quic', mawi rumal qui rayibal ri ti'jal, mawi rumal u rayibal jun achi, xane' e alc'ualam rumal ri Dios.

Ri Isaiy 53:6

Konojel uj xujsachic uj jacha' chij, chkajujunal xkatakej ri kas ka be pa kech wi, are c'u ri Ajawaxel xuya' ronojel ri ketzelal chrij.

Ri Job 25:4

¿La cäcuin ta c'u lo, jun xak winak cux ch'ajch'oj xukuje' chi ma ta c'o u mac chuwäch ri Dios?

Ri Job 14:4

Man c'o ta jun cacuinic cäresaj ch'ajch'ojil che ri tz'ilol.

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

2 Pedro 2:14

Nojinak ri qui bak'wäch che quikajic pa mac cuc' niq'uiaj chic aretak quequil ri ixokib. Man cäquitänaba' ta ri macunic, cäquicoj qui c'u'x ri winak ri e tukar pa ri qui chomanic, quequiquiäk rayij ri jastak quech ri winak, e c'o chuxe' c'okonic.

1 Timoteo 6:9

Are c'u ri cäcaj quek'inomaric, are ri' quetakchi'x pa mac, quetzak chupam. Quetzak pa chapbal, pa q'ui conalaj tak rayinic ri cäquiban c'ax, ri cäquiban chque ri winak chi man c'o ta chi u patan ri qui c'aslemal xukuje' cäsach qui wäch.

Gálatas 3:22

Ri Tz'ibatalic cuc'utu chi conojel e tz'apital rumal ri mac. Jeri' ri chi'm cäya' chque ri cojonelab rumal ri cojonic che ri Jesucrist.

Romanos 1:24

Rumal ri' ri Dios xebuya' canok rech cäquiban ri u rayinic ri canima', rech cäquiban jastak ri man e sak taj, rech cäquiban q'uixbalalaj tak jastak ruc' ri qui cuerp chbil tak quib.

1 Juan 2:8

Are', c'u wa, ri quintz'ibaj bic chiwe are jun c'ac' takomal. Ri kastzij pa ri Crist xukuje' pa ri i c'aslemal ix, rumal rech chi oc'owem cuban ri k'eku'm, cäjuluw chi ri kas sakil.

Hechos 14:16

Pa jujun tak k'ijol ulok ri Dios xuya' chque ri winak chquijujunal che quitakexic ri e qui be.

Chapletajic 5:3

Ri Adan jun sient ruc' juwinak lajuj (130) u junab aretak xalax ri u c'ojol ri sibalaj junam cäca'y ruc', ri xucoj Set che u bi'.

Romanos 2:14

Ri man aj judeyib taj, ri man e c'o ta chuxe' ri u pixab ri Moises, aretak cäquiban ri jastak re ri pixab pa que wi, ri e are' e pixab chque chquibil quib, pune' man c'o qui pixab.

Romanos 5:9

E ta c'u lo ri camic, k'alajisam chic chi uj suc' rumal ri u quiq'uel ri Crist, ri rumal are' cujcolotaj na chuwäch ri royowal ri Dios.

Romanos 5:10

We c'u aretak c'ä ka c'ulel ulok ri Dios, xujrutzirisaj ruc' rumal ri u cämical ri u C'ojol, e ta c'u lo ri camic, ri uj utzirisam chic, cujcolotaj na rumal ri u c'aslemal.

Colosenses 1:21

Ri ix nabe naj ix c'o wi che ri Dios, i c'ulel ri Dios pa ri iwanima', rumal ri itzel tak chac ri xibano.

1 Tesalonicenses 4:13

Wachalal, quinwaj quiwetamaj jas cäquic'ulmaj na ri cäminakib, rech man quixbison taj, jas ri quebison ri jule' chic ri man c'o ta cu'lbal qui c'u'x.

1 Tesalonicenses 5:6

Mujwar ba' jas ri e jule' chic, xane' chujc'asc'atok, chkachomaj jas cäkabano.